الأخلاق يا اما تحببك في الشخص او تكرهك فيه

الأخلاق يا اما تحببك في الشخص او تكرهك فيه

السلام عليكم

مشكلتي هي في طبع زوجي السيء و هو لسانه وصخ بشكل غير طبيعي
و لا اقول يتلفظ علي بالفاظ مشينه لكنه لازم يومياً انتقاد و رفع ضغط و تعكير جو
مع مرور الوقت صرت أكرهه لانه انطبع في مخي انه مصدر ازعاج نفسي لي
و من ناحية مع الغير مثل أصحابه او اي احد في الشارع و احنا نتمشى فأنا اسمع منه كلمات قذره و منها القذف في كل من هب و دب
و دايما أحذره من القذف و ان يتقي الله في الناس لكن لسانه متعود
ف ماني مرتاحه معاه بسبب هاذا الأسلوب اليومي و سمعت منه كلمات في حياتي ما سمعتها
من غير كلامه و مزحه مع اخواني مره يقهرني وأسلوبه تحقيري وانا ما ارضى عليهم بشيء بالرغم انهم يردون له نفس الكلام لكن صارت جلستي مع اخواني ما اتهنى فيها بسببه وربي احيانا تجيني لوعه وقرف و يخرب جو الفرحه معهم بسبب مزحه الثقيل و الوصخ
و في المقابل فهو لسانه ايضا معسول لكنه كذوب مررررره فصرت ما اصدق الكلام الحلو و اصدق الشين
و صفت الكذب هاذي ذبحني فيها بكل صغيره و كبيره يكذب و يحب يظهر نفسه بأنه القوي الشجاع الفارس المغوار
و يحكي لي قصص من الخيال فأنا هنا تنسد نفسي من كثرة الكذب و اكره الجلسه معه
و اتوقع عنده عقدة النقص لأنه يبالغ بمدح نفسه بشكل مو معقول أبداً
و بالمقابل يكره اني امدحه او اي احد يقول هذا نفاق و اللي يحبك ما يتكلم كلام فاضي
طيب انا اللحين هاذي النوعية من الحياة ما قدرت أتأقلم عليها
يعني تخيلوا يوميا لازم انتقاد يوميا لازم يرفع ضغطي يوميا يقلب مزاجي اكون مرتاحه و مبسوطه و يجيني بكم كلمه تقلب يومي كله
حاولت افهمه بهدوء ما يفهم و يحلف لي انه مايبغا يرفع ضغطي و انه عادي يمزح
ياويلي وش هالمزح المزعج و بعدين احيانا يختار اكثر الاشياء حساسية و يمزح فيها بكم كلمه عشان توصلني رساله معينه
مثال : ببداية زواجنا كنت البس له ملابس قصيره مثل جينز شورت و هالأشياء كان يقولي وش عندك بهالملابس لاحظت اغلبها قصير شكلك ما حسبتي على الله تلبسينها و يضحك و احيانا يقول شكلك كنتي تتمنين تلبسينها و احيانا يقول والله لو شافوك أمك وأبوك وش بيسوون فيك او يقول الظاهر كنتي مكبوته في الملابس و انا كنت أرد ببرود انه هاذا كله عشانك و اذا مالبست و انا عروسه فمتى ألبس ؟
و قيسوا على هالمثال باقي حياتنا نظامه كذا ما يعرف يثمن الكلمه اللي تطلع منه و هالشيء خلاني على طوووول مضغوطه الين كرهته
و لا تقولون هالشيء بسيط وربي اللي يعيش و فوق راْسه شخص مُحقر كذا انه ينفجر من كثر الضغط
ف ايش الحل معاه و ترا أسلوبه كذا مع الكل بإستثناء اللي بينهم مصالح تعالوا شوفوا الأدب والاخلاق و السنع
و أهله اخس منه لكني رسميه معاهم مررره

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hgHoghr dh hlh jpff; td hgaow h, j;vi; tdi

المصدر...