كيف اتجاوز خيانه زوجي بدايه زواجي مع متزوجه 😢

كيف اتجاوز خيانه زوجي بدايه زواجي مع متزوجه 😢

السلام عليكم
انا سبق وعرضت مشكلتي في منتدى ثاني ولكن بدون تجاوب بحكم انه فقط نسائي ودايم اتردد على هالمنتدى من. زمان واقراء ردود من اشخاص واقتنع لانهم يمتلكون الاسلوب الصريح وهذا اللي انا محتاجته ابي اعرض مشكلتي وابي رد صريح وحتى لو قوي ساعدوني قبل حياتي تدمر
مشكلتي هي كالتالي
متزوجه من كم شهر ماكملت سنه عمري بالعشرينات وزوجي بالثلاثينات
تزوجته عن قناعه تامه واستخاره وارتحت جدا وقت الملكه كان من اجمل ايام حياتي ماحصل بينا الا يمكن مرتين خلاف وعلى سبب سخيف عادي ومشت حياتنا ومافيه وقت كثير بين الملكه والزواج تقريبا كم شهر بس كافيه اني اعرف شخصيته عن قرب بحكم اننا اسبوعيا نشوف بعض وقريب لي اصلا مدلعني مايرفض لي طلب لو اطلب عيونه قال سمي وابشري مخليني على راحتي يحبني يغار لابعد درجه علي دخلت حياتي وقدر باسلوبه يحببني فيه اجتماعي طيب لابعد درجه وكريم انا دخلت حياتي على ثقه تامه بانه صادق معاي لدرجه معطيته ثقتي كامله جوال ربي يشهد علي ماعمري فكرت مجرد تفكير اني اشوفه برامج محملها كامله جميع البرامج بعضهم اعرفها وبعضها لا وكان على جواله ماامنعه عادي بعد زواجي بفتره قصيره حياتي ماشيه تمام ولاتخلو من مشاكل بسيطه جدا واغلبها دلع عرسان وكنا نرضى وكذا تقريبا بعد شهر وشوي لاحظت تصرفات زوجي غير طبيعيه
ولكن تصرفاته حركت فيني شعور مو مريح هذيك الفتره كنت احس فيه شيء غلط صاير وكان يقولي كلمات تدل على انه فيه موضوع انا ماعرفه ويمكن كان يحس بتأنيب ضمير اتجاهي مرا جاني قبل ينام وكان واضح متضايق وقالي اخاف بيوم نفترق ولاحظت تصرفات ثانيه وقلب المؤمن دليله مرا كان جنبي بالصدفه شفته رد على برنامج عنده كاتب بالرد ايوه ياقلبي ؟ وبوسه انا قلت مستحيل هالمحادثه بين رجال اكيد بنت اخذت جواله اليوم الثاني واكتشفت انه على علاقه مع وحده ومتزوجه على ذمه رجل وعندها اطفال انصدمت صدمه لين اللحين مأثره علي لابعد درجه دخل علي ولاحظ اني ارجف وتعبانه احس بيغمى علي صرفت الموضوع ورحت جلست شهر وعليها تقريبا مااصارحته انتظر الوقت المناسب شفت محادثاتهم وعرفت كل شيء عنها واسمها ومكان عملها وكم اطفالها وعائلتها ووين ساكنه وكل شيء عنها ومسكت مقاطع صور وفديو واشياء اثباتات دخلت ووضحت رقمها بحيث لايمكنهم الانكار كلهم كنت احيان اقراء كلام تحاول تعرف منه معلومات عني ولكن هو مااستجاب لها لاني لاحظت باجوبته يكذب عليها ومرا تسولف معاه وبين لها انه حزين لاني انا جنبه ولا كان بيسولف معها وقتها نمت وانا احس سكين بصدري واحس بقهر مايعلم فيه الا الله مرت ايام وكان مناسبات ماانبسط فيها بحكم اني اتذكر الوجع اللي صار لي طلبت منه خدمه ونفذها لها وكان يرسل لها اشعار حب وكلام غزل بعد شهر ونص قررت اصارحه بعد كلام قريته ماقدرت اني اسكت اكثر واتحمل انتظرته يجي من الدوام ولما دخل الغرفه سالته بهدؤ انا ماقصرت عليك بشيء مو ناقصني حاجه للمعلوميه انا فعلا كذا قايمه ببيتي من ثالث اسبوع زواج طبخت ودخلت المطبخ واهتم بالبيت وترتيب ومريحته متعلمه جامعيه جميله مو ناقصني شي وهذا اللي يقهر اني تنازلت على اشياء كثير حتى وقت زواجي ساعدته ببعض الاشياء بدون ماابين له وماني متطلبه بحكم ماديته مراعيته لابعد درجه قلت له نكمل اسفه قطعت الكلام قلت له انا ماقصرت معاك بشي ليه تجازيني كذا طبعا هو مصدوم مو عارف ايش السالفه قلت كيف تعرفت عليها وليه تستغفلني وانا معطيتك حياتي وثقتي قال مين قلت له فلانه طبعا قام وماقعد ارتبك وحاول يبرر وينتفض مو عارف وش يقول انا اسلوبي هادي معاه وحواري هادي وابي اقناع لااكثر ابي اعرف ليه هالتصرفات قلت له كل شي صار بينهم وكل الكلام وانها تسالك عني وانت عادي معلمها انك متزوج وتعرف عنك كل تفاصيلك واسمك وكل شي عنه تعرف اللي فهمته انها خويه او عشيقه له وهم قروب رجال اخوياه وكلهم يعرفون ان فلان خويته فلانه وكذا نظامهم انجن وانهبل مني شلون طلعت تفاصيل وحاول يقول انها مو خويتي خويه واحد من العيال المهم انه عصب حاول يسحب جوالي وطلع من الغرفه وانا جلست ابكي لين الليل يجي لي كل شوي ويضمني ويعتذر ويحب راسي ويدي انا اسفه غلطان انا وانا وانا وهي اللي رجعت لي وانا مااخرب حياتي علشان وحده كذا راعيه شباب وحفلات وخمر جلست يومين ماني متقبلته جاني واعتذر حذف ارقامها وعطاها حظر قدامي وتصالحنا بس فيه شي بخاطري بعدها اكتشفت اني حامل طبعا واكتشفت انه يراسل بنات يطلعون مع رجال ويسال كم السهره وكم العرض وكذا وواجهته وزعلت ورحت بيت اهلي واعتذر وانهبل وحذفت برامجه كلها قال علشان مااخسرك مستعد اخسر كل شي الا انتي واعتذر يعني صدمتين خلال كم شهر من بدايه حياتي اللحين هو فعلا حذف البرامج ماعدا الواتس اب شال الرقم السري من جواله علشان يضمن اني اشوفه ومايخبي عني شيء ابدا صار معاي مثل اول واحلى يخدمني يساعدني يدلعني مايرفض طلب اعتذر ويقول احبك ماتجي ربع ظفر رجلك انتي حبيبتي وحياتي وزوجتي هي وحده بنت شوارع وصايعه وكلام كذا اطقطق عليها وانا حتى لما اسال بس كذا اسال عن السهرات والخرجات بس اطقطق عليهم مستحيل اروح اخاف من الامراض علما باان زوجي بيتوتي لاقصى درجه مايطلع الا لاهله او انا معاه الي جنني انه بيتوتي وطلع منه ذا كله لو يطلع وش بيسوي اجل 😔 المهم قبل فتره لقيته شايل الحظر من جواله عنها لكن يقول انا حاظرها مكالمات يعني ماتقدر ترسل صارحته لما حظرته شوفو مصارحتي وكلامي له قبل اقولكم وش قلت له بقولكم كيف تحولت شخصيتي البريئه الهاديه اللي على نياتي الى انسانه ثانيه مو انا بعد اللي تعرضت له صرت انسانه ماعرفها عصبيه جدا جدا جدا جدا جدا اتلفظ بالالفاظ كنت مااقولها لاخواني واخواتي بس معاه لا صرت اتلفظ عليه واهدده واستفزه يعني لما شال الحظر عنها قلت له كلام كثير من ظمن الكلام اني انا بصير مثلها بالضبط بروح اخاوي دكتور او ضابط واستفيد منه فلوس نفسها هي ذكيه اللي استغلتك ماديا وانا عاجبني تفكيرها انها فاهمه ان الرجال وصخين وتستغلكم ماديا وانا بصادق بنات قليلات ادب ومالك دخل فيني واسوي اشياء من وراك وانت ماتدري واركب مع سواقين بدون شورك بعدين جلس يبكي ويصيح ويقول انا اسف انا السبب اللي خليتك كذا ايش اسوي علشان تعرفين اني تركت الطريق ذا من يوم عرفتك تغيرت ابي حياتي مابي اخسرك انتي حامل وفيه نونو بالطريق مابي اخسر حياتي علشان ماضي وصخ واسود انا تغيرت تركت اصحاب السوء مااطلع ماروح استراحات دايم عندك شلون ترضين وتنسين وش اسوي علشان ارضيك وتقتنعين اني تركتها ماادور وراها كيف تسامحيني ابيك ترجعين مثل قبل تضحكين وروحك مرحه مابي الحزن اللي فيك وعصبيتك فعلا انا كنت مرحه جدا وعايشه حياتي بالضحك والاستهبال ودلع اللحين صرت انسانه عصبيه شكاكه درجه اولى صرت اشك بكل سالفه يقولها احس انه متناقش معها جواله لازم افتشته لازم وهو يدري ويقول اعرف انك تفتشين وحاول كذا مرا يمسكني بهدؤ ويقول لي ليه تفتشين باقي ماتثقين فيني ويجيب كلام عاقل ومقنع ويذكرني انه مستحيل يرجع لها ولا للطريق الاول يقول تتوقعين افضل وحده خانت زوجها ومع شباب عليك انتي بنت عمي يقصد من نفس العائله
وهذي قليله ادب وكذا هو عارفف ان تغير اللي انا فيه سببه صدمتي اللي ابيه شلون اتجاوز الصدمه ذي وارجع اثق فيه مثل قبل اللحين اذا راح الدوام لازم اتاكد انه مداوم اذا بيطلع لازم اعرف وين ماارتاح لين اعرف وين وهو يقولي طالع مع فلان ومايتاخر بالكثير ثلاث بعد 12 مستحيل يطلع اغلب وقته عندي يخدمني يسوي اللي ابي لكن حتى لما يخدمني او يبوسني او يقولي كلام حلو احس انه مخبي شيء انا تعبت

متاكده انه يحبني واحيان اشك بحبه انتم ايش تشوفون شخصيته علما بانه بار جدا باامه وابوه وهذا الشيء يعجبني فيه مرا انه يحبهم وبار فيهم لان اللي يحب امه وابوه ويخدمهم فيه خير لزوجته
كمان رحوم يجي بالرحمه والطيب واتوقع ذا سبب مشاكلنا يستغلون طيبته حتى لو صديق له

ممكن تساعدوني كيف ارجع حيويه وحبوبه مثل قبل واثق فيه فكرت نروح استشاري اسري وقلت له بكتب الموضوع ونشوف الردود ويمكن اخليه يقرا مو اكيد بس اذا احتجت انه يقرا راح اخليه يشوف الردود تكلمو معاي بصراحه لاني تعبت تعبت تعبت والله صارت ثقتي فيه معدومه وغصب عني مع انه يقول لي الصدق اللحين بس من جوى شي غصب يجبرني اكذبه اسفه طولت

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

;dt hj[h,. odhki .,[d f]hdi .,h[d lu lj.,[i 😢

المصدر...