عايشة بين اغراب

عايشة بين اغراب

ابوي توفى من زمان الله يرحمها بعد فترة شوي تقدم لامي واحد ارمل كبير سن وعياله كبار انا رحت مع امي لان مالنا اهل واقارب هنا المشكلة والله ما اخذ راحتي بالبيت صح لنا البنات جناح لحالنا بس ما احس بالامان في البيت ابدا عمي زوج امي يعدني من بناته لكن انا استحي منهم وربي خاصة من يوم كبرت عنده شباب متزوجين ب30 بس باقي واحد يدرس جامعة هذا مشكلة وربي انا ابغى اتغطى عنه واستحي منه بس هو عادي يطب فجأة لغرفتي مع وحدة من خواته بحكم انه يشوفني زي خواته لاني تربيت معهم من وانا صغيرة و انا عمري الحين 16 دايم كذا ع هالموال انا اطنشه وما اسولف معه بس غصب الا يسولف معنا يوم شافني اصد عنه اخذ رقمي من عند خواته وبدى يراسلني وقال ابغى اكلمك ضروري بس احسبه صادق طلع يخربط وصار يقولي انه يحبني من زمان قلتله عيب قال لا انا ابيك بالحلال ويوم قفلت بدت رسايل الحب تجي لعندي بالهبل يوميا وانا امسحها من غير ما اقراها وبنفس الوقت جاتني حالة خوف ورجفان غير طبيعي وخلاص الوضع محد يستحمل قفلت جوالي فترة وهو استمر بتصيد المواقف عشان يسولف معي طبعا الان نظرته وسوالفه تغيرت عن اول كثير وبيوم نزلت المطبخ لحالي بليل وكنت بطلع الا واشوفه قدامي مبتسم ومبسوط قلتله بعد قال ردي ع الرسايل انا معجب فيك وبجمالك وابغى اتزوجك وصار يخربط قلتله طيب برد بس بعد عن الباب طلعت جري الغرفة تقفلت ومن بكرة قلت لامي بكل شي هو يمكن ماتوقع هالشي مني امي زعلت وقالت لزوجها وراح لولده وأدبه وكذا ومن بعدها معد شفته شهور وربي ارتحت الحمدلله بعدها اجت اخته تكلمني وقالت انه يبي يتزوجني وقالت لا ارفضه قلتله روحي قولي لامي المهم امي مو مرتاحة لهالخطبة وانا كمان بس مدري احس لو ماوافقت صعبة بنظل بنفس البيت ومن داخلي ماودي اوافق قلت يمكن عقل ومدري الصراحة خايفة جداا

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

uhdam fdk hyvhf

المصدر...