كثرة المشاكل بيني وبين زوجتي

<div>

كثرة المشاكل بيني وبين زوجتي

السلام عليكم ورحمة الله وبركاته


الموضوع ملخبط وأرجو منكم الصبر والتفهم لأني فاشل في التعبير


انا متزوج من 5 سنين تقريباً
لحد الآن لم نرزق بأبناء لكن مو مشكلة، الله كريم وهذا الشي مو مسبب لنا مشكلة لأننا ماشين على علاج وهو ياخذ وقت والله ينفع به.

المشكلة اللي ابغى استشيركم فيها هي أن زوجتي كثيرة الزعل وتزعل وتتنرفز من أشياء أنا أشوفها بسيطة لكن هي تراها مهمة،
معليش ما تحضرني أمثلة الآن لكن هي تزعل من طريقة تعاملي معها ومع الأمور اللي تهمها.
والآن هي زعلانة بسبب اني قبل كم يوم طلعت من البيت الصباح وكانت نايمة وما ارسلت لها اني بطلع (وحتى ما طولت، ساعة بس)
[وكانت قد قالت لي من قبل انو اذا بطلع ارسل لها حتى لو كانت نايمة ووافقت]
لكن عاد نسيت المرة هذي لأني ما توقعت تصحى قبل لا أجي
المهم صحيت وما لقتني واتصلت عليّ وهي زعلانة وقلت لها معليش نسيت لكن ما اعجبها كلامي ولحد الآن زعلانه ومقفله الغرفة عليها من كم يوم.
وصراحة لنا تاريخ كبير مع المشاكل اليومية اللي تتحول لزعلات
كبيرة.
[أشياء صغيرة فعلاً في نظري ولو أقولكم عليها تستغربون كيف تحولت لمشاكل كبيرة]
[واذا تبغون احكي لكم بعض هذي المواقف في الردود عشان تحكمون صح]
وأنا ما أبرّئ نفسي صحيح اني تقريباً في كل المرات هذي انا غلطان لكن رؤيتي للأمور تختلف عن رؤيتها وصراحة انا ما أحب اللي يكبّر الأشياء البسيطة لأني أعتبر نفسي انسان بسيط وأحب أمشّي الأمور واتغاضى عن الأشياء الصغيرة.
لكن أحد عيوبي أني ما أعرف أتكلم مع واحد زعلان أو متنرفز فما بالك أني أحاول أراضيه أو أعتذر!
ما ادري ليش انا كذا
اعتذر اذا هي طلبت الإعتذار صراحةً
لكن حالياً هي في الغرفة وماني عارف أراضيها
علماً بأنها شبه متأكدة أني ما أحبها
لأنه في مرحلة ماضية فعلاً راح حبها بشكل شبه كلّي وكنّا بننفصل لولا فضل الله وأننا تكلمنا واتقفنا على نسيان كل الماضي والبدء من جديد،
بعد الاتفاق رجعت احبها شوي شوي لكن يبدو انها ما تشوف الحب هذا و ما ألومها لأني ما أعرف أعبّر بالكلام وأيضاً لأن نفسيتها تعبانة منّي.
وقبل كم تقول لي متأكدة انك ما تحبني واتحداك تثبت لي انك تحبني.
قلت لها طيب والأشياء اللي أسويها لك والمشاوير اللي أوصلك والخدمات اللي أسويها لك بدون تذمر حتى، قالت عادي انت اصلاً تخدم اي احد واي واحد يطلبك اي شي تخدمه!