انا فتاة مخطوبة من 6 اشهر و لي 4 صديقات مقربات و المشكلة انا ما نخبي شي على بعض كل شي نحكيه لبعض و انا الوحيدة المخطوبة بينهم و انا اقولهم كل شي يصير بيني و بين خطيبي و كل شي يقولي ياه خطيبي مع ان خطيبي احياناً يقولي لا تقولين لاحد مع شذي اقولهم ! و انا بديت اتضايق و خايفة خطيبي يعرف كل ما اريد اوري شي على الجوال اخاف يقرا بالخطأ محادثاتي معهم ! و كمان بديت احس بغيرة و حسد من احد صديقاتي لان انا و خطيبي حيل مستانسين مع بعض و احس بنظراتها و ردودها لي انها تتمنالي الشر ! و غير شذي اني اسمع كلام صاحباتي و اي مشكلة تصير بيني و بين خطيبي اقول لهم ويش صار و يعطوني حل و اطبقه و خطيبي بدا يلاحظ انه في احد يعلمني و راح شكى عني لاختي اني بسمع كلام صديقاتي و هم ممكن بيئتهم مو مثل بيئتنا و اللي ينصحوني ياه ما ينفع لنا ! و خطيبي تغير معاي صار كل ما تصير شغلة يقولي ها فلانة شنو قالتلك ها فلانة شنو نصحتك ؟ يتمسخر علي كني ياهل ! و فيه مرة تهاوشنا و قلت له اني مو بغلطانة بعدها رحت كلمت رفيقاتي و قالولي انه بهذي السالفة انا غلطانة فرجعت لخطيبي و اعتذرت و وايد ستانس و قاللي كيف غيرتي رايك ؟ و قمت اغلط و اقله استشرت البنات وقالوا اني غلطانة و هنا جن جنانه و قاللي انت ما تسمعين مني الا اذا صديقاتك قالولك نفس كلامي و تعامليني مثل الخبل ، و انا صراحة بديت احس انه صديقاتي يتدخلون في زيادة عن اللزوم و مو عارفة كيف انهي هاد الشي ؟ و المشكلة انه كل ما اقول مابي اقولهم شي مادري شلون يسحبون لساني و اقول كل شي !! مو بيدي كذا تعودت مو بعارفة شسوي؟ اريد يكون لي خصوصيتي و اريد اغير النظرة اللي خطيبي اخدها عني ! و حاسة انه رفيقاتي دروا اشياء عني مو لازم يدرونها اود لو امحي ذاكرتهم !!
;dt hpt/ ow,wdhjd ?!
المصدر...
25th February 2017
كيف احفظ خصوصياتي ؟!
تقرأ وترحل شارك معنا برد أو بموضوع
العرض المتطور
