انا عكس الناس لما ملكت صديقاتي قلبو علي :(

انا عكس الناس لما ملكت صديقاتي قلبو علي :(

السلام عليكم ورحمة الله و بركاته

انا فتاه عمري ٣٠ سنه تمت خطبتي منذ ٦ شهور و زواجي قريب باذن الله

مشكلتي مع اعز صديقتين لي ... واحده صديقه الطفوله والاخرى زميله العمل صارلنا فوق ال٥ سننين نعمل مع بعض والكل يغبطنا على قوه صداقتنا

انا طبعا تاخرت بالزواج و جربت الشعور صديقاتي يتزوجو و يسحبو علي وكنت دايما اقول اذا ربي رزقني مستحيل اصير زيهم و فعلا انا ابدا ما تغيرت مازلت بعفويتي وشخصيتي

وانا للاسف (وهذا غلطتي وانا اعترف) كنت معتمده على الصديقتين جدا من ناحيه الدعم المعنوي يعني دايما كان عندي احساس هم معاي وهذا الاحساس يشعرني بالامان

وهذا خطأ المفروض الواحد ما يعنمد على شخص و يرفع مكانته و معزته في قلبه كثير حتى لا ينصدم

لما مكلت صديقه الطفوله حملت ... و وحامها سيئ طبعا حاليا خف و صارت حتى ما تاخذ اي ادويه مش زي اول ٣ شهور و لكن سحبت عليي

انا طول عمري لما احلم احلام اليقظه و اتخيل عرسي اتخيلها معاي خطوه بخطوه تختار معي الفستان و تساعدني في التحهيزات خصوصا انها متزوجه و تقدر تعطيني نصايح تفيديني

انا صديقه وفيه اعرف مواعيدها مع الطبيبه و دايما اسئلها و اطمن على وضعها و توصف لي بالتفصيل عن حالتها ودايما تستغل لما انا اسئلها بعدين يخطر على بالها تسئلني عن اخبار التجهيزات و دايما تقول لي اسمحي لي انا اعترف قصرت كثير معك بس الوحام ... مع انها نشيطه في وسائل التواصل الاجتماعي و خرجات و مطاعم وسينما
طيب انا ما قلت تكنسل خرجاتها عشاني لكن ابدا ما يخطر على بالها تسئل عني الا لو انا بادرت و سئلت عن حملها ... والله انا فقط الاهتمام يكفيني لو مره بالاسبوع بالواتس اب تتطمن علي او فقط تتكلم معي تغير جو التوتر هذا طلب كبير ؟ على صديقه صارلي اعرفها ٢٠ سنه ووقفت معاها بكللل شي حتى في اشياء اهلها ما يعرفون عنها

نجي لصديقه الدوام حبيتها جداا مرحه و فرفوشه و ذوق وعلاقتنا قويه جدا جدا لدرجه الكل يحسدنا عليها لكن من ملكت بدات اشعر بغيرتها ولكن من داخل كنت انفي هالمشاعر و اقول لنفسي لا تظلميها لا تصيري مثل كل بنت تنخطب وتفكر الكل يحسدها ... والله اطنش اطنش لكن وصلت لمرحله بمزح تدعي علي انفصل ... وتسئلني عن ادق تفاصيل التجهيزات وانا طبعا عادي اقولها لانها صديقتي بس مثلا اقول الفستان ما لقيت تقول لي طيب اجلي الجواز لازم تتزوجي ؟ .... لما الزميلات يتكلمو عن خلطات الجمال دايما تدخل اسمي فالموضوع و تذكر مثلا سواء عملت او لا مافي فايده و الشحوب ما يروح مع اني ما سئلتها ولا دخلت في النقاش من الاساس !! و مره دعت على خطيبي على اساس مزح وحتى زميله اخرى قالت لها بعيد الشر شو هذا الكلام (من غير مناسبه ) انا طبعا اسكت اخاف اجرحها و ماعرف ارد اصلا .... مرتين بمزح تتدعي اني انفصل ... كل شي بمزح حتى لو احد قال لها شي تقول شفيكم جالسه اغيرلكم جو .... تقول لي ما اتخيلك ربه بيت احسك راح تكونوين فاشله رجلك ماراح يستحملك



والله اليوم جالسه بس مكتئبه ليش اقرب شخصين لقلبي قلبو علي :(

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hkh u;s hgkhs glh lg;j w]drhjd rgf, ugd :(

المصدر...