ماقدرت أتجاوز قصتي مع أبوي وأخواني

ماقدرت أتجاوز قصتي مع أبوي وأخواني

السلام عليكم .. بالبدايه ابي الكل يحط نفسه مكاني قبل أن يحكم علي ! أنا إنسانه من طلعت على الدنيا عندي أب وإخوان كرهوني بحياتي هزوا ثقتي بنفسي بصغري أبوي كان يضربني صحيح مودايم وبمرات تعد على الأصابع لكن ماقدرت أتجاوز هالشي ياعالم فمثلا أب يشحط بنته الي ماتتجاوز خمس سنوات من بيته لبيت أخوه متخيلين المنظر يسحبني من شعري مسافه يمكن ثلث ساعه لدرجة فقدت الإحساس معها بالوقت ولاعاد شعرت بألم ولسبب ليومكم هذا ماعرفته وبعدها يرضيني بحلاو أو ببسي كبرت وجاء دور إخواني أنا كنت عادي أنضرب وأنهان عشان عيالهم الي ماتجاوزوا خمس سنوات عشان اقول يافلان لاتوصخ او اطلع عند امك يجي اخوي زي الثور الهايج مايشوف قدامه طبعا هذا بعد تحريش زوجته عقدوني كنت عايشه بقهر وظلم وضعف أنحرج من نفسي هالعيله المريضه سببوا لي رهاب وعدم ثقه بالنفس لدرجة تزوجت زوجي يشحذني كلمات الحب والحنان مل من سلبيتي وبرودي وطلقني الآن أنا بعد أكثر من 20 سنه ماتجاوزت أي شيء أبوي توفى إخواني تغيروا لكن أكرهم وأكره ذكرياتهم وأحملهم سبب أني ماعشت الحياة الي تحلم فيها أي بنت أبوي أترحم عليه واتصدق عنه بس احيان اتذكر الماضي احس بغصه بحلقي ، إخواني ممكن يرحمون وضعي لكن ماأملك لهم أي درجة للرحمه حياتهم وموتهم عندي واحد أتمنى أمسك أخوي وأقول له شفت هذي عاطفتك وإهتمامك كنت أتمناها قبل 20 سنه مو الآن ! وأي شيء تسويه أنا أترجمه تلميع لصورتك وتكفير ذنوب أنا لايمكن أسامحك عليها إلى أن نلقى الله لما أنظر بعيون أخوي أتذكر كل الضرب والإهانه والذل كنت أتمنى أشياء أشوفها بالدعايه ودي أعرف كيف طعم الكورن فلكس أو زبدة الفول السوداني لاأحد يضحك والله فعلا هذي أمنيتي ! كنت أتمنى يعاملوني زي زوجاتهم وأطفالهم يشترون لي شي يفرحوني بأي حاجه
الآن أنا على أعتاب الأربعين إمرأه محطمه وماعاد يفرحني شي كالسابق وماعدت أتمنى أي شيء

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lhr]vj Hj[h,. rwjd lu Hf,d ,Ho,hkd

المصدر...