تعقيب للمره الاولى زوجي حبيبي

<div>

زوجي حبيبي

http://forum.z4ar.com/f116/t477948.html

حبيت اعقب ع موضوعي وارد ع التعليقات
حابه اشكر كل الي نصحوني وجزاهم الله خيراً ربي يسعدكم
_ssيعطيك العافيه ع كلامك وربي يسعدك
سارح في الملكوت صحيح اغلب كلامك ممكن من توقعاتي
انصدمت ف الواقع..
وجد.. حسيت ردك شوي حاد مدري ليه؟؟
اوك معاك انو م تطلع الوحده الا ب رضى زوجها وانو ف الدين الخ
بس معليش انا مشكلتي الاكبر معاه كانت انو قلي ب مزاججي
وانا م احب الاسلوب ذا وبما انك دخلتي وقلتي الدين ف انا عشان كذا كنت افكر ننفصل
لاني محقدر اكمل باقي عمري مع احد يفرض رايه
ويجبرني اغير شي او اسوي شي انا مو ََََقتنعه فيهه،، زي م هو بشر له احساس ومشاعر انا كمان
مو معناتو انو هوا الرجال المسيطر الي يتحكم فيا ويشكلني ع هواه لا
الزواج حب احترام وتقدير وتقبل الشخص بكل عيوبه وتحاول تعدلها بس باسلوب
انا قبل الزواج مثلا قلتلو يترك التدخين ووعدني لمن تزوجنا م بطل وقلتلو مو وعدتني؟
ف رد ب اسلوب نرفزه لانو حس اني اضغط عليه ف معد فتحتلو الموضوع ب المرا
م اعرف اذا المعنى الي ابي اوصله حتفهميه ولالا بس وحبيت اقولك مو انا حشرت اهلي
ولا عمري دخلت احد بيني وبين زوجي ولا اطلع مشاكلنا ل احد
هوا الي دخل ابوي وذا الشي حسسني بأحساس مو حلو قدر اوصفه للاسف
ع العموم يعطيك العافية
رنا.. معاك حق انا كلمتو كذا مرا بس ممكن لانو كان اغلب وقتو مشغول وتعبان م كان له خلق لاي شي زوجي لمن اكلمو اكلمو ب اسلوب كذا طبعي معاه الحمدلله
يوشا خانم،، معليش م حبيت ردك
واذا اخذنا بعض عن حب يعني م يخليني اروح واجي ع كيفي؟؟
ذا منطق!!!
معليش لو مو واثق فيا م كان اتزوجني وانا قلتلو قبل لو احس مجرد احساس انك شاك فيا يكون كل شي بيننا منتهي..
بس الحمدلله الله يخلينا ل بعض..

صانع الابتسامات..
الله يسعدك ي رب كلامك صح لانو كل م كنت اروح مكان يقول ليا انتبه ع نفسي وعلى عيالنا
هوا يخاف عليا بس انا م حبيت اعوده ع مبدا تسمع كلامي ف كل شي انا مو ََقتنعه فيه
لانو حيجي يوم ويقول مثلا لاتزوري اخوك وحيقول ليا مزاج الخ
لانو زوجك ع ماعودتيه
وحبيت اقولكم انو تصالحنا الحمدلله وخلاني اسوي الي براسي فديته ربي يسخرو ليا ادعولي ربي يخليلكم احبابكم ان شاءالله