هوس الزواج من ثانية

هوس الزواج من ثانية

السلام عليكم ورحمة الله وبركاته
اخواني واخواتي لوجه الله ابي كلام يريحني لني بديت اتعب واذبل وربي الشاهد
تكفون خففوا عني وساعدوني اتقبل واقعي الله يجزاكم خير ابي بس كلام لين لقلبي
متزوجه لي 3 سنوات وعندنا ولد
احب زوجي واموت عليه انسان رحوم طيب وكريم
ادري ان هذا الشرع ولا هو حرام لكن نفسي ترفض
انا اظن فيني وسواس قهري ومرضي من ان زوجي يتزوج علي
جاتني هذي الحالة بعد ما ابوي صدمنا واخذ على امي وهو له سنواااااات يحلف ما ياخذ عليها ويقصد فيها اسمى وارق كلمات الغزل قدامنا
ومن بعدها وانا اهوجس وافكر .. صرت زي المهبوله اجي لم زوجي اقوله وش مقصره عليك فيه ؟ وش تبيني اسوي لك ؟ صرت مو صاحية تخيلوا مره قلت له تبي استقبلك عند الباب قبل لا تدخل ولا انتظرك بالصاله ولا دخلت اهلي فيك ؟ اناقتي زادت كشختي زادت دلعي زاد البيه وانا تعبانه متى ما بغاني واتحمل الألم وصرت ما اشره عليه ولا اناقمه لو يتأخر او يقصر معاي استخفيت صار هو هاجسي ليل ونهار صرت زي العبدة المملوكة
والحين ما ابي اتوظف اخاف اقصر معاه بشي ويتزوج علي
بس من داخل والله اني مب مرتاحه احس بنفسي ميته من داخل كل تصرفاتي محسوبة كل افعالي عشانه هو اقسم بالله صابني ارق وتلخبط النوم عندي توصل ايام اسهر سهر من التفكير
ومرات اقعد ابكي
والحين صرت افكر اتطلق اقول خلاص عندي ولد مالي الدنيا علي ليه اعيش عمري بتعب نفسي عشان رجال
زوجي مقتدر اقتادر ماشاءالله تبارك الله ربي يبارك له يقدر يطق الثانية ويجيب لها مهر وشبكه ويسكنها بفيلا بعد مو بس شقه وهو بنفسه قالي كذا
وابوه وجدانه كلهم معددين بال3 وال4 مو بس ثنتين فعشان كذا الهاجس عندي قوي جدا يعني اجتماعيا وماديا قادر بعد الله

ادري ان هذا كله قضاء وقدر وان الضره ممكن تكون ابتلاء واجر للزوجة لكن ماني مرتاحة ما اقدر قلبي يوجعني من الخوف اعرف نفسي ما اتحمل ادري بنكسر
شخصيتي هشة وضعيفة وحساسة حرفيا لاهي مبالغة ولا تضخيم وهذا بشهادة زوجي دايما يقولي خليك اقوى

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

i,s hg.,h[ lk ehkdm

المصدر...