كيف اتعامل مع هذا الزوج افيدوني!!

كيف اتعامل مع هذا الزوج افيدوني!!

السلام عليكم ، قال تعالى: (( لا خير في كثيرٍ من نجواكم إلا من أمر بصدقةٍ او معرفٍ أو إصلاحٍ بين الناس)).

زوجي يتلفظ بالطلاق على ابسط شي لدرجة يرسل عيالة الاطفال يقولون لي ابوي يقول اذا ما سويتي كذا او سويتي كذا بتتطلقين!! وقد طلقني عشان قام وما حصل ماي فالليل وقالي مهملة مع انة من واجباتة انه يوفر هالامور . واي موضوع يطفش من النقاش فيه او مناسبة ما يريدني احضرها على طول يريح راسة ويقول اختاري الطلاق ولا المناسبه ولا الطلعة!! اول الزواج كان يضربني على اي شي بس بعدين حس انه هالاسلوب اسهل له لاني استسلم بسرعة احيانا يقول اذا نطقتي كلمة زياده انتي طالق شو اسوي اسكت اذا هو مجنون انا مو مجنونة اهدم بيتي واشتت عيالي على مناسبة ولا طلعة بس المشكلة صرت ما احس بالامان والاستقرار اي لحظة افقد فيها اعصابي ممكن تتدمر اسرتي وهو يندم بس متسرع كثييير حتى لما كان يضرب كان يرحع يندم ويعتذر!!!


المشكلة الثانية هي ساعات العمل الكبيرة خارج البيت هو انسان طموح بدرجة خيالية يبا يسوي كل الشغل يبا يكون احسن واحد يبا الكل يمدحة تخيلو يروح الدوام الساعه 6 ونص الصبح يرجع 3 ونص العصر يتغدى يروح مؤتمر ولا يرجع الدوام يشتغل واذا جلس فالبيت يفتح لابتوبة ويشتغل تلفوناتة مع الشغل ما تخلص 24 ساعة يكلم تلفون ويرد على ناس شايل شغل 30 موظف تحتة مسكوة منصب عالي سوا له غرفه فالداوم وينام فيها شكيت فيه ورحت لين الدوام اتاكد لانة موطبيعي انسان ينام في دوامة من كثر الشغل ومحد طلب منه هو يحشر نفسة وبسبب هذا الشي طلع له اعداء كثيير لانهم خافوا على مناصبهم وسوو له مشكلة وانسجن اسبوعين واتبهذلنا وخصمو من راتبة وشوة ملفة الوظيفي اللي مليان انجازات البيت ما يقربة مطنش عياله كل شي علي اتخيلوا اني حامل فالشهر الثامن وعندي مخاطر هالحمل ولا يسال عني اتشحت سياره من خواتة ورحت ادور لي فالمكاتب على خادمة ورحت الجمعية لوحدي واشل على الاغراض وعيالة ربشوني تعرفون الاب لما يكون موجود مع العيال يخفف الحمل على الام ماعرف شو اسوي انا على وجة ولادة والبيت يبغاله تصليحات وعندي مواعيد حمل متكررة لان حملي صعب مرة يروح الموعد ومرة اروح مشي بحكم ان المستشفى قريبة من البيت ومرة اشحت سياره من اهله لان عندي ليسن بدون سيارة اتصل علية يقول اتصلي على امي اتصل عليها تقول كلمي عمك اتصل فعمي يقول المفتاح مع البنات شوفي عندهم جامعة ولا لا اتصل عليهم يقولون مفاتيح سياراتنا مع ابوي بنات لا حمل ولا مواعيد ولا مسولية عيال وتطعيمات واجتماعات اولياء امور وكل وحدة عندها سيارة وانا تعبت احياناً اروح تكسي بلا هالمذلة انا ماعندي مشكله يشتغل لين ما يصير وزير بس اهم شي يوفر لي مبلغ في حساب فالبنك وسيارة اخلص فيها مواعيدي والعيال والتزامات البيت مو يرمينا بدون فلوس ولا سيارة ولا صلاحيات !! لين متى يبا ابوة يسوي لي كل شي وابوة شيبة متقاعد طفشان مرة يستجيب ومرة يطنشنا. وربي حتى الخميس والجمعة يشتغل لانة مع ناس كبارية واي وقت يطلبونة ينط لهم احيانا نركب السيارة رايحين مشوار يوم جمعة ولا سبت والعيال فرحانين يتصل فيه شخصية كبيرة يرجعنا البيت ويروح لهم وانا اتحمل بكاهم .

ما بقول الطلاق مش مريح لي بالعكس انا في دولة توفر كل شي للمطلقه وتلزم الزوج حتى بسايق وخادمة بس انا كتبت لكم مشكلتي اريد حل اريد عيالي يعيشون تحت كنف اسرة وام واب مثل ما تربيت لو على حساب سعادتي الحياة قصيرة والعوض عند رب العالمين بس اتمنى تعطوني حلول كيف ممكن اتصرف معاه عشان ما يتلفظ بالطلاق على كل شي وكيف يخفف من الشغل شوي ع الاقل يوم فالاسبوع يخصصة لنا من مشاوير لتصليحات لأغراض !! كلمتة يقول لي انتي نكدية انا ارجع تعبان ابا ارتاح تبدين طلبات طيب شو اسوي نحن ما نشوفه الا كم ساعة فالاسبوع والصلاحيات كلها معة يبا يعيش عزابي مش معقولة انسان يختفي كل هالفترة واخر شي يبا حد يمسح له رجولة ويجلس يكلم تلفون الشغل ولا ينام!!!! لو اقعد ساكتة من اول ما يدخل لما طلع هذا اللي يفرحة طيب مين يشل معي مسووليات البيت!!! من وين اجيب فلوس مين يوصلني للمشاوير والمواعيد مين يصلح الاشياء الخربانة تصدون اني قعدت بدون طباخة في بيتي ثلاث شهور يباني ادبر من المطعم لين ما انفجرت وسويت اجتماع مع كل اهل البيت!!! وان لمبات غرفتي محروقة من سنة وانا على ضو الابجورة وغرفة نومي مكسور بابها ما يتسكر!!! لو اقولكم راتبة كم ماشاء الله يعيش عشرين اسرة وسيارتة روز رايز وعندة محلات وعقارات وما يعطيني الا الف مصروف من ست سنين كانت الفين ولما ترقى وزاد راتبة نقصها والف روشن للبيت ما تزيد مع اني احتاج اكثر لان فيها اغراض العيال بعد ومو قادر يشتري لي سيارة امشي فيها اموري!!!!شو فايدة الانسان يعيش للشغل بس وبيتة خراب واهلة طفشانين ساعدوني جزاكم الله خير. احاول احاورة يسكر الموضوع بالطلاق ولا يلبس ويطلع وما اشوفة يومين ما يبا يعور راسة ابداً.

شكراً لكم مقدماً.

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

;dt hjuhlg lu i`h hg.,[ htd],kd!!

المصدر...