موت المشاعر وغياب المسؤوليه تسدعي الطلاق

موت المشاعر وغياب المسؤوليه تسدعي الطلاق

السلام عليكم ورحمة الله
مشكلتي من تزوجت بعمر17الي الان 33 سنه
حياتي في صراع مستمر مع زوج عمره الان40

1/اولها أجبرت على هذا الزوج عادات وتقاليد اخذو اذني فقط بما تجري به العاده ويوم رفضت فرض عليه الزواج وبعدها لصغر سني تقبلت ومشت الامور لاحسيت براحه له ولا فرحه ولا كرهه ولاخوف

2/انا بطبيعتي مرررحه جداً اجتماعيه الي حداً ما
متجدده و الحمدالله واعيه وفاهمه
افهم بكل كبيره وصغيره ولله الحمد ولكن هالامر ضرني اكثر من انه نفعني بتقولو ليه((لانه ولد تصادم بيني وبين زوجي))

3/زوجي كأنه رجلين برجل واحد طيب يرضى بسرعه ومحافظ على نفسه وسمعته
وقاسي وانفعالي ومهمل
احيان نادره يكون مرن والاغلب جلف ومايتفهم
ماله نمط معين بشخصيته بس اصنفه ضعيف شخصيه ليش ؟؟؟لانه مايمشي الا بمشاكل وزعل وقلة احترام
جربت الود والاحترام مانفعت معاه بس اذا شديت وزعلت وقسيت وعليت صوتي صح يبادل نفس المعامله يتكلم ويقلل احترام بس بالاخر يمشي
وهالشي اتعبني لو بس عياله

ماله في التربيه ابددددددددداً بعيد كل البعد عن التربيه يصرف وبس
لا اهتمام بتربيه ولابدين ولا بصحه لاي فرد من العايله
اعتمد اعتماد كلي عليه
لاكن حريص على تعليمهم
هالصفه ما انكرها مو انه يذاكر لهم لكن يسأل خصوصا مع المنصه كونه معلم ويمر بنفس التجربه


4/اختلاف الاطباع مافي اي اندماج فهو انطوائي ثقيل تقليدي وغير متجدد ومهمل بنفسه وبيته وذريته



5/لم استطع ولا مره بتاريخ علاقتي الزوجيه معه ان استمتع معه بالفراش((لجهله بكافة ماتحتاجه المراءه _واهماله لرغباتي _واهتمامه لشهوته فقط_طريقته واسلوبه مستفزه ))كييف؟؟

يعني احيان يطلب بطريقة امر
واحيان بطريقة مساومه تعالي وارضيني واسويلك كذا واعطيك كذا
بعد ماياخذ متعته يتغير بشخص اخر يرجع لشخصيته الحقيقه ماعنده جوو لطيف
من غير قصوره في الاهتمام بنظافه

طيلت السنوات افهم اعدل اوعي ولكن تغيير لفتره ثم يعود

الشي الي دخل بتفكيري مايقارب السنه
دخلت فكرت الانفصال براسي
جبتها بجميع النواحي
لا اهتمام ولا احترام ولا انسجام ولا حتى اشباع جنسي

ولكن انا بين نارين يشهد الله نارين اكلت عقلي وقلبي

الدوام وتحمل العبء
او الانفصال وتحمل العواقب

الي احبه فيه انه يرضى بسرعه وانه محافظ
بس كشخصه واسلوبه وتعامله لااااااااا شتان بيننا كبير

عيالي يقطعون قلبي دائماً يشوفون خلافاتنا والسبب هو وصوته وعقليته انه مايرضى ان المشكله ونقاشها يكون بوقت معين بعيد عن العيال
لا لازم حار نار يصارخ يسب يثور كنت اسكت واتحمل واعدي الان لا تعبت اش اسوي ارد واسكته واصرخ وبعدها يهجد

الضحيه عيالي
مايشوفون منه حب ولا حنان ويخافون من صراخه علي لدرجه هم يردون عليه عشاني

وهالشي ماودي به

غير ولدي مايحسب لابوه حساب يهابني اكثر من ابوه

لان ابوه بس لسان وهواش واهانه

بس فعل وموقف ماعنده

اخاف عيالي يضيعون ووجوده السبب
اخاف انفصل

رغم دارسه الموضوع بس والله ماودي اظلمه كزوج
شلون انفصل بقناعه من الطرفين مني ومنه

انا تعبت انا حرمه ورجال بنفس الوقت

خلاص مليت ودي احس بمشاعر شريك او العدم افضل ولا البقاء تحت العذاب

كييف اوصل لنقطة التفكير السليم

بعيد عن كلمة عشان عيالك بالحالتين انا الام والاب

تعلقهم فيه بشكل جنوني

يغيب ابوهم اسابيع حدهم بوسة القاء بس

انا ابي شي يرضي قناعتي ويحافظ على نفسي وراحتي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

l,j hglahuv ,ydhf hglsc,gdi js]ud hg'ghr

المصدر...