بنت عمي وزوجي

بنت عمي وزوجي


السلام عليكم
انا متزوجة من 5سنوات وسنتين ملكه يعني سبع سنوات عمري 27 وزوجي 33 ونحب بعض ومتفاهمين
حياتنا كلها احترام وتقدير ومراعاة للطرف الثاني ولا مره صارت مشكلة الا وتنتهي في نفس اليوم
زوجي انسان جدا طيب ومحترم جدا وذو اخلاق ومراعي لابعد درجه وانا قدر الامكان احاول ما اقصر معه
بنت عمي في نفس عمري وحتى امها تصير بنت خال امي وطول عمرنا مع بعض وكنت احبها واقدرها واعتبرها اختي بحكم ما عندي اخوات من كبرنا ودخلنا المتوسطة واكتشفت تصرفاتها دايم تحسدني على ابسط الامور وتخرب في علاقاتي وتستحي مني عشاني قريبتها وكنت اسمع البنات يقولو انها تاذيك وووو وكنت على نياتي ادافع عنها الى ان رحت الثانوي وصار تفكيري يركز على نفسي وعلى مستقبلي وقطعت علاقاتي السامه الغير مريحه وعرفت من الي يحبني ومن الي يستغلني
دايما كانت تعلق على ملابسي وشعري وشكلي وتقول ليه تمشي مع فلانه وليه كذا وانك ما عمرك سافرتي ووو ودايم تقط كلام لان ابوي كان على قد حاله وامي ما طلع لها نصيب في التدريس
المهم ذي الفكرة العامه عشان تفهموا

اول ما انخطبت قامت تقط كلام انه كيف انخطبت كذا ويمكن نعرف بعض على اساس انها تمزح وبعد ما تزوجت اول شهر تدق علي بنص الليل على الرغم ان ما بيننا تواصل اصلا عالجوال بس في المناسبات اشوفها غيرت شريحة جوالي منعا للمشاكل لانها تلعب دور الضحية وابوي انسان جدا طيب ويحب اخوانه وبقول لي بنت عمك وعيب تبلكيها ومن ذا الكلام وطول ذي الفترة كنت مصارحه زوجي تماما ولا اخبي عليه شي
وتقولي ليه تزوجتي وبتنحرمي من حياتك وغريبة انخطبتي عطول وووو واتجاهل طبعا
قبل شهرين زوجي قالي انها ضافته في السناب وتحاول تسولف معه كلمتها بجوال زوجي قدامه يا فلانه انتي بنت العم واحترمك ولك معزة عندي لا تخلي الموضوع يوصل للوالد وعمي احتراما لكبرهم واحتراما لنفسك قلت لها ذا الكلام بالحرف الواحد وقفلت
الي عورني جد وانصدمت منه ان قبل ثلاث ايام رن جوال زوجي وهو بالحمام ورديت وطلعت هي ماقدرت ارد وقلت حرام لا اظلمه وسالته بكل هدوء يا فلان يا حبيبي انت تكلم فلانه هي وتتصل لك وقال لي كل شي انها من اسبوعين ترسل له عالواتس اب وترسل صور جسمها يبلكها في الواتس اي تجي لي انستقرام باكثر من حساب وهمي فتح لي المحادثات وشفتها بالتفصيل وقلت له انا بتصرف
الحين محتاره انا مصوره المحادثات وقلت اذا اتصلت عليك سجل المكالمه بس متردده ابلغ امي او ابوي او ارفع عليها قضية صعبب ما توقعت يطلع منها ذا الشيء صدمتني ليش تسوي كذا ما فكرت انه بقول لي او اهلها يدروا غريبب والله خايفه انها مخططه على شي وناوية تحطه براسي محتاره بوضعها شوروا علي الله يعافيكم

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

fkj uld ,.,[d

المصدر...