النفس طابت وعافت

النفس طابت وعافت

السلام عليكم ورحمة الله وبركاته
مشكلتي باختصار ..أنا وحدة تزوجت نرجسي سيء ... عذبني بالخيانات والضرب والإهانة ولأني موظفة شايل يده من مصاريف الصغار .. ولأني موظفة تنازل عن القرض العقاري وخلاه باسمي... واشتريت البيت وانا اللي أسدده ... والمشكلة اننا سكنا وهو باقي على سوء خلقه... وسابقا كان لما يطردني لأهلي مايتحملوني ويرجعوني له ذليلة.. أما الآن ..صار يطردني من بيتي اللي انا اسدده .. ولمن شفت تصرفاته ماعاد قدرت اتحمل رفعت قضية فسخ نكاح بحكم ان البيت لي وهو اللي يطلع مو انا هالمرة.. ولمن جت ليلة الجلسة طلب مني اني اكنسل الحضور ووعدني بالطلاق ... وطبعا هو حضر ولمن سألوه عني قال ما ادري عنها .. عموما .. الرجال بعدها تغير وصار كويس وتعامله زين بالمرة وما ابي أظلمه... لكن المشكلة اللي أواجهها الحين إني ماعاد اطيق وجوده بحياتي .. كل صلاة وكل دعاء اطلب الله يخلصني منه .. ماعاد اقدر اقبله حتى لو حطني فوق راسه .. وقلت له اكثر من مرة يارجل ..اشتري كرامتك وفارقني بالحسنى وماهو راضي ..احس اني في عذاب ما اقدر اتخلص منه الا إذا فارقني هالشخص.. هو للأمانة تغير جدا ..بس القلب عاف وصاد ومعرض غصب ما اقدر اتصبر

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hgkts 'hfj ,uhtj

المصدر...