زوجي وعلاقته السابقة

زوجي وعلاقته السابقة

السلام عليكم
اولًا تذكروا اني جيت وهموم الدنيا كلها فوق قلبي
ارجوكم لاتزيدوني بكلام يزيدني هم(ياتقولون خير يفيدني ويساعدني) ياتكسبون اجر مسك الكلمة وتتركون الموضوع..

انا متزوجة لي سنتين تقريبًا وعلى وجه ولادة، قبل فترة بسيطة وبالمصادفة اكتشفت ان زوجي كان يكلم (كانت رسالة عابرة في وحده من اجهزته) وللامانه ما القيت لها بالًا شيء ماضي وفترة بسيطة

ماحب اتكلم بالتفصيل لكن لاني ماحب تمسكون القشور وتتركون لب الموضوع مضطرة اوضح الطريقة الي وصلتني للمشكلة

اعطاني جواله السابق استخدمه لمشروع لي وكان يعتمد اعتماد كلي على التصوير، بالتالي كنت لازم ادخل الالبوم .. وبعدها بفترة طويله من هالسالفة كنت احتاج انظف الجوال واقلل مساحة الصور عشان استخدمه وشفت صور قديمه لبنت وهدايا ومحادثات واشياء وكلام جدًا عميق
جدًا مؤلم

خلاصة القصة انه كان يحب وحده لفترة طويلة ، ويتواصلون من المراهقة وتطور الوضع لتبادل الهدايا وغيره
الي عرفته ان علاقتهم عميقة لدرجة انهم يعرفون بيوت بعض واهل بعض وبل وصل فيهم القرب الى ان زوجي عنده ارقام خوات الي يحبها .. وشفت زوجي باضعف صورة قدام حبها
من كلمات وهدايا واحتفالات


وكان جدًا تجاهها من خلال شيئين الاول انه ماكان له اي علاقة سابقة او حتى محاولة مع اي بنت ثانية
لكن ما اعرف بالضبط وش حصل وكلن راح بطريقه


كان يجي بيتي وصورها في جواله
محادثاتها في جواله
رغم مرور 4 سنوات على انفصالهم عن بعض
ولا غير جواله الا ليلة الزواج مع العلم انه سحب جميع ملفاته السابقه في جواله الجديد
هذا شيء

الشيء الثاني انه ارسل لها قبل زواجنا بفترة بسيطة رسالة(اني مسامحك .. وكلام بسيط)
علمًا ان تواصلها معه حدث حتى وهي متزوجة وهو استباح هالشيء وعادي
بالإضافة الى تواصله مع خواتها وحده ورا الثانية قبل انفصالهم الكبير عشانها(وكانت متزوجه وقتها)

برضو امه كانت تعرف انه يبيها بس ماحصل


طيب الان انا عرفت الموضوع من 8 أشهر واعترف اني تعافيت تمامًا من الصدمة
وبالعكس اصبحت اقل غيرة واكثر تفهم معه خصوصًا في مجال عمله المختلط

تكلمت معه بالموضوع بعد معرفتي بشهر تقريبًا لاني وقتها ماكنت اقدر اسيطر على مشاعري
وجلست معه جلسة صريحة وقال وحده وراحت وكنت صادق تجاهها لكن ماكتب ربي
وخليته يحذف جميع الصور الموجودة بجواله

لكن بعد ماصارت النار رماد انا للحين مومرتاحة
مافيني خوف من تواصلهم حاليًا
مافيني خوف من انه يفكر ويتذكر ايامهم مع بعض وممكن حتى للحين مانسوا بعض


انا ضايعة..
ليه مصيري بين يدين رجل عاش كامل رجولته مع امرأه غيري؟
وحزن عشان غيري
وانهار عشان غيري

كل شيء سواه معي الى الحين سواه معها
شرالي خاتم مثل ماشرا لها
وسلسال مثل ماشرا لها
وكتب لي مثل ماكتب لها

الفرق الوحيد انه تشفق عليها ولاحصلت له
وانا جيته جاهزه مجهزه بكل فطرتي

متحسره على نفسي

الي احسه حسره، حسره فضيعة على نفسي
انا لازلت طالبه جامعيه عمري 22 سنة
وهو شخص كبير في نهاية العشرينات..
افكر اني احاول التعايش الى ان توقف رجولي
ويصير اقدر اعيش نفسي وولدي عيشه كريمه واخليه يختار مابين الانفصال او يتزوج وحده تعطيه حقوقه

مابيني وبينه الا كل خير
هو عايش دور الزوج الي يشتغل عشان نعيش
وانا عايشه دور الزوجه المطيعة الي توفر جميع سبل الراحه له

لكن تغيرت كثير، فقدت فرحتي بوجوده احسني امرض اذا شفته
ومومعقول للحين يلازمني هالشعور رغم اني ارحمه واتمنى له كل خير

لو مكاني وش ممكن تسوون

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d ,ughrji hgshfrm

المصدر...