مشكلتي مع زوجتي (في ايام الملكة)

مشكلتي مع زوجتي (في ايام الملكة)

السلام عليكم ورحمة الله وبركاته .. اسمي احمد وهذا اول موضوع اكتبه وانا ما دخلت هنا وكتبت هالموضوع الا لاني اهتم لموضوع زوجتي وتهمني الحياه الزوجيه واستقراريتها

المهم انا عمري 26 وزوجتي 24 خريجه جامعيه ماصار لنا من ملكنا الا شهرين فقط .. والزواج بعد اربع شهور من الان

طبعا بداية الملكة البنت كانت معي مثل العسل وقنوعه ومتفهمه لكن اكتشفت مع الوقت كالآتي :

- ماتحسسني بانها مهتمه فيني كزوج وكثير تبدي اعمالها ورغباتها واشغال اهلها علي ومتى ماخلصت ووقت ممكن تكلمني
- دائما تقولي بان الزواج مسؤولية وربطه وانها تبي تستانس بايامها قبل ماتتزوج !! --- هالشي صدمني حسستني انها متزوجة فرعون
- ماتبادر بالشي ابدا وهذا الشي ضايقني يعني ماتبادر بالكلام الحلو ماتبادر بالاتصال والرسايل ماتبادر بالسوالف كل انا اللي ابادر وماعدت احس بوجودها معي واذا قلتله ليه ماتبادرين تقولي انا كذا طبعي وانا خايف تستمر لبعد الزواج احس بمل منها وبطقش
- حتى طلعاتها وجياتها مع اهلها ماتعطيني خبر قبلها تروح وتجي من دون علمي وهي علاقتها قويه باهلها واخاف هالشي يستمر .
- حتى في اللقائات ( الزيارات ) ما تفاتحني بالموضوع وكانها ماتبيها بعكس اصدقائي ايام الملكة كانوا يروحون لزوجاتهم اسبوعيا وزوجاتهم هم اللي يطلبون ذلك اما زوجتي لا ما يهمها ولو اقولها ماراح اجيك بتقولي احسن (يجي منها )

نهاية الموضوع من البداية كنت متحمس لها وبديت ابني عليها مستقبلي ومستقبل عيالي حتى تدينت علشان اسعدها بالهدايا والسفر لشهر العسل واحقق رغباتها لكن ماكان يبين عليها ودايم تشوف ان الززواج حكره .. وانا والله احبها واقدرها واحترمها ودايم اصبح عليها بكلام حلو وغزل وغيره يعني مومقصر معها .. بل بالعكس احس مشاعري فايضه تجاهها بالحب لكن هي احسها بمشاعر بارده مدري هل تتعمد هالشي او هي لا تكترث لهالامور !

وانا والله احبها وابيها لكن خايف ماتتسنع واطلقها واشوف نصيبي مع غيرها .. وانا من الان بديت امسك يدي عن العطاء كهدايا وغيره وحتى السفر لشهر العسل احتمال الغيه لاني ما ابي اتخسر على شخص ما يبادرني بنفس الشعور ويمكن ننفصل

هل هالمشاكل تعتبر طبيعية في فترة الملكة وبعد الزواج بتتغير ..؟

الرجاء الموافقه على موضوعي ليطمئن قلبي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

la;gjd lu .,[jd (td hdhl hglg;m)

المصدر...