تعقيب للمره الاولى بيتنا بنأجره وعمامي يبغون نص الايجار..

بيتنا بنأجره وعمامي يبغون نص الايجار..

السلام عليكم ورحمة الله وبركاته
هذا رابط مشكلتي السابقة التي طرحتها بالقسم
http://forum.z4ar.com/f116/t371748.html#post11016436

انا حابه اوضخ بعض الامور ابوي ماراح يأجر البيت على اسره ولا فكر بكذا حنا سنه كامله عايشيين ومافكر يأجر الا لما سأله خالي وش بتسون بالبيت بتتركونه مهجور؟
قاله ابوي وضعنا مايتحمل نرجع لان كل شي صار واضح والمشكله في البيت (اخوي كان في الشهر ينام بالمستشفى بالمره والمرتين والحين ربي لك الحمد صار له سنه من طلعنا من البيت ماطب المستشفى)
وابوي ينام بدون مايجيه الجاثوم وامي كانت تحلم بكوابيس كلها تهديد اول ماجينا الشقه وبعدين خفت تدريجيا
ودايما احلامها انها بالبيت وحرمه او رجال طويل يكلمها ويهددها )والحين الحمد لله
اختي انخطبت من كم اسبوع وان شاء الله ربي يتمم عليها )
اللي بيستأجر البيت خالي واهو عارف بكل شي واهو اللي كان يروح مع ابوي للشيوخ يعني عارف ادق التفاصيل عن وضع البيت والاصوات والاحلام ومرض خواتي ومرض اخوي وكل شي
وبياخذ البيت عشان عماله مسوي مشروع وجايب عمال وبيستأجر البيت عشانهم..
والشي اللي بغيت اوضحه لكم موضوع الترميم والتعديلات اللي سواها ابوي وامي ساعدته بمبالغ ذهبها وورثها من جدي ادفعت منه في الترميم
يعني بالمختصر كنا عايشيين في بيت عمره 30 سنه خرابه كل شي قديم وعفى عليه الزمن كان سقف الصاله طايح والحمامات الله يعزكم ماتندخل مكسره والمطبخ تقول مطبخ هنود والغرف تلوع الكبد الارض فرش والجدران مبططه وابوي وامي سووه بيت عليه القيمه ويسواله من صبغه الخيال والمخملي والمعتق وديكور فخم كل غرفه ديكوراتها مختلفه وبرسلان من افخم المحلات ومطابخ حجر وحمامات جديده وحوش مبرسل وزرايع في الحوش وووو.....
وعمامي ماكانوا يدرون عن جدتي ولا عن البيت كل واحد مشغول بعمره كنا نشوفهم بالاعياد بس ماعدا واحد من عمامي كان يجي في الاسبوع مره
احنا مانقبل ناكل حق احد لكن لما ابوي يصرف كل اللي عنده في البيت ويصير محتاج للمساعده عشان يدفع الايجار وخالي عرض عليه يستأجر البيت ويخليه وقت مايطلبه منه وراح يشاور اخوانه بالموضوع يعني لانصب ولا احتيال
(اهو مافكر يبيعه عشان كل واحد يطالب بحقه ويتقسم المبلغ )ليه ما يعتبرون البيت مهجور مثل السنه اللي طافت ؟!
وبعدين يوم كنا عايشيين فيه مااخذوا ايجار الحين بياخذون واحنا بهالوضع!!!
على الاقل ابوي ياخذ ايجاره بدل الفلوس اللي دفعها لان اتوقع البيت ماكان يسواله شي قبل الترميم
ومثل ماقلت عمامي مادروا عن البيت و>لان البيت باسمها وملكها وابوي عرض عليها يعطيها مبلغ من الايجار ..وعمامي قالوا لابوي اسأل امنا موافقه او لا تبي منك مبلغ براحتها لان فعلا مو من حقهم من حق جدتي يعني لو قالت تبي النص من حقها
وابوي عارف عمي الكبير الفلوس له مو لجدتي من راحت جدتي عنده باع ذهبها اهي اللي قالت لابوي تقول باعه وقال وش تسوين بالذهب الحين مرتفع ببيعه وبحطه في حسابك والبطاقه عنده
واهو الحين يبني بيت لعياله فلقاها فرصه 12 الف تجي له واهو جالس وتساعده في البني ..
اتمنى وضحت الصوره اكثر...

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

fdjkh fkH[vi ,ulhld dfy,k kw hghd[hv>>

المصدر...