مشكـلتي | البنت وأمها وأختها الكبيرة مع التصوير

مشكـلتي | البنت وأمها وأختها الكبيرة مع التصوير

سلام عليكم ورحمة الله وبركاته،
كل عام وانتم بخير وصحة وسلامة الجميع

باختصار عليكم الموضوع عشانه طويل
أولا انا كنت إنسان حالي حال نفسي لكن الحمد الله على كل حال وحدة من جماعتي البعيدة بنت يتيمة الأب عمرها 17 سنة اهلها زوجوها وهي عمرها 15 سنة لواحد بعيد عن الجماعة صارت بينهم مشاكل كثير لمدة 11 شهر وهم بالمحاكم طلق لا تطلق البنت ماتبي الرجال والرجال ما يبي البنت بس يروح المحكمة يقول ابيها عشان الفلوس طبعاً اخوانها الله يستر علينا وعليهم عائلة ضايعه لكن البنت مسكينة وضايعه بينهم المهم جاء اخو البنت للبنت قاب لها يا ترجعين لزوجك يانتظرين رجال يجي يتزوجك ويدفع مهرك رغم أنهم مقتدرين بس مع الأسف عائلة ضايعة علمتني الوالدة واخواتي بالموضوع رحت لخوها قام يشكي من زوجها قلت اتفق مع الرجال شوف كم يبي وحاضر وابشر وسم بدفعها انا وبتزوجها والله ياجماعه الخير طليقها لما سمع طاري الفلوس وافق يطلقها بمبلغ وقدره 50 آلاف ريال دفعتها انا ووقعت اخوها على أوراق وضمانات وأنه بعد ما تخلص عدتها يزوجني إياها راح الكثير باقي القليل لكن حسبنا الله ونعم الوكيل في امها واختها ، أمها تزوجت بعد وفاة ابوهم 5 مرات تتهاوش مع الشيبان وتطلقهم اختها الثانية تطلقت وتزوجت واحد بدون بطاقة أحوال وحاسدين البنت كل يوم والثاني يسبون فيني وفي امي وخواتي وتصير مشاكل المشكلة الاهم والاكبر المسلمين يعيدون جات اختها الكبيرة فتحت الجوال وصورت اختها الي بتصير زوجتي طبعاً هي حاقدة عليها وحاسدته صورتها سناب شات وهي ترقص و بالمقطع واضح ان زوجتي ماهي منتبهه وحتى لابسه ملابس ساترة جداً قميص حق كبيرات السن وماهي ملتهيه بشيء طبعاً انا جات لي اتصالات من كل حدب وصوب من امي خواتي الحق زوجتك ترقص سناب شات سوي تهاوش خذ فلوسك الخ؟ ويشهد الله البنت الي بتزوجها جوالها كشاف وصغيره بالعمر وما تعرف هالبلاوي لكن اختها حاقدة اتفقنا اتفاق انا وامي أولاً امي كلمت البنت وقالت لها قولي لمك تادب اختك الكبيرة طبعاً مانبي الموضوع يتصعد للاكبر بس مع الأسف الشديد اكتفت ام البنت بالاستهزاء بالبنت وقالت لها واذا تصورتي خايفه يشوفك فلان؟؟ تقصدني انا قالت ايه خايفة انتم قضحتوني عند حمولتي وانتهى الموضوع ولا كانه صار بس ياجماعه الخير انا رجال وانفضحت بكل مكان اختها الكبيرة ضايفه للعالم أجمع في السناب شات الجيران وبنات العم وانا شايل هم كبير قررت قرار اني اروح لخوها الكبير واعلمه السالفة طبعاً مقاطع السناب مع اختي الكبير عندها خبرة في الأجهزة وحفظت عندها مقاطع الرقص انا راح اقدمه كدليل عشان ياخذ لي حقي يا يشوف حل لختها الكبيرة وامها او يخلي البنت تعيش عنده في بيته الين تخلص عدتها واخذها بملابسها واخلي امي تجهزها واذا رفض استرجع فلوسي منه وامي كلمت البنت قالت لها هالكلام البنت قامت تبكي وتقول ولو اخوي عيي يزوجني ابنك انا بروح الشرطة والمحاكم يكفي صبرت على ذلهم واهانتهم وتجويعهم لي وضربهم أقسم بالله يا اخوان ويا اخوات يضربونها ضرب عنيف كانها يهودية حسبي الله ونعم الوكيل والآن متخوف اروح لهم تكبر المشكلة ويقول خلاص ماني مزوجك البنت أو اختها الكبيرة تتبلى علينا وتسوي لنا مصائب شورو علي انا في دوامة تفكير أقسم بالله اني قادر اجرجرهم بالمحاكم واعذبهم واسلط عليهم واجننهم بس يشهد الله ما احب المشاكل ولاني فاضي لها الناس تتزوج ترتاح وانا أتزوج انفضح شورو علي تكفون الله لا يحرمكم الاجر أقسم بالله اني في هم

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

la;Jgjd | hgfkj ,Hlih ,Hojih hg;fdvm lu hgjw,dv

المصدر...