زوجتي باردة

زوجتي باردة


انا رجل متزوج من 6اشهر عمري 26 و زوجتي 22
زوجتي انسانه مستقلة من قبل الزواج وشخصيتها قوية وعلاقتها باهلها قوية وتسوق
وتدرس طب ومتحجبة وكنت متضايق من ناحية انها تسوق وتتحجب عند اهلي تعودنا على عباية الراس وان السواقة عيب وقلت بكمل معها لاخلاقها وجمالها وبكل صراحه اكثر شي عجبني فيها جمالها واسلوب كلامها لبق وما حسبت ان بعد الزواج بصير كذا
البنت تعودت تطلع كل اسبوع لاماكن معينه جامعه بيت اهلها وكوفي صديقتها وبدون تقول لاهلها لانه روتين بالنسبة لها وفي البداية صارت مشاكل على ذا الموضوع تخرج بدون استئذان بحجة ان الاماكن الي تروحها هي نفسها وما بتروح مكان ثاني وتروح لبيت اهلها الخميس والجمعه الكوفي والباقي في البيت، مشغولة في الدراسة واهلها اكثر مني صح تنظف وتطبخ بس ما اشوف اهتمام لي
تتعامل معي برسمية وخالي من العاطفه، ماعمري منها حبيبي او كلمه دلع ، اقولها احبك تبتسم بس
سالتها مره ليه ما تقولي احبك تقول مدري احنا متزوجين مو لازم اقول اجيب لها هدية تقول مو لازم واقدر اصرف على نفسي حتى اغراضها تقول مو لازم تجيبها عندي فلوس واكتشفت انها تاخذ مصروف من اهلها غير مكافئة الجامعة ومدري وش اهلها يقولون عني بخيل مقصر معها او شي قبل اسبوع سالتها تبين ننفصل قالت ليش قلت احسك مو متقبلتني قالت لا عادي بعدها سكتت وقالت اذا انت مو متقبلني عادي خل ننفصل
انا مو قادر افهمها وافهم تصرفاتها احس اني متزوج بس مو متزوج مادري وش تبي توصل له بالضبط مو قادر ارتب افكاري واعرف كيف اكمل معها بدون لا احس انها مغصوبة علي او انا مغصوب عليها

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[jd fhv]m

المصدر...