كل يوم اعيفه اكثر

كل يوم اعيفه اكثر

السلام عليكم ورحمة الله وبركاته
ببدا بموضوعي على طول ، انا متزوجة لي سنة ونص وعندي طفلة الله يحفظها زوجي عمره 32 وانا 28 مشكلتي مع زوجي بدات من بداية زواجنا بس ماكنت ادقق او اعتبرتها خلافات بسيطة زي اي زوجين بالبداية
زوجي مو نظيف ابدا شعره وانتو بكرامه مايزيله الا بعد شهرين ويمكن اكثر صرحت ولمحت بدون فايدة قرفت منه صرت مااحب يقرب مني ﻻن له ريحة مقرفه حتى بملابسه ، ماتطلع نظافته الا اذا بيروح ﻻصحابه وانا ماعليه مني وكذا مرره يقول مافي زوج يحب زوجته كلهم يبغون الفراش بس قلتله كل واحد يشوف الناس بعين طبعه وزعل وطنشته ﻻنه قهرني

زوجي ينقدني كثثثير وكلها اشياء انا متفوقه عليه فيها ولو انا بنقد والله مابخلص لكن من كنت صغيرة مااعرف اجرح احد بحاجه فيه اقولها باسلوب حلو بس مااعطي بالوجه لكن هو يتريق علي فيها وربي ان الكل يمدح هالاشياء فيني حتى اهله مثلا ينقد اسناني يقول صفراء وانا دكتورتي قايله لي لونها طبيعي وهو اسنانه معدومة بس مانقدته لانه بينجرح

وعدني بس اخرج من النفاس يجيب لي هديه وكان حاط لي فلوس قال لهديتك وطلع يكذب صرفها ولعب فيها وﻻجاب لي شي وانا من تزوجته مغرقته هدايا وهو من ملكتنا ماجاب الا هديه وانا طلبتها كمان
ودايم يقولي صاحبي جاب لزوجته هديه عشان زعلها وصاحبي جاب هديه لخطيبته عشان من زمان ماجاب لها كانه بيقهرني قلت طيب سوي زيهم وتذكرني بهديه سكت وﻻعلق

انا من بداية زواجي مهتمه بنظافتي ومﻻبسي وماعمري قابلته بريحة مو زينه وهو يقولي ماشاءالله ماتفوتك ادق التفاصيل بالاهتمام وكان يقول البسي لي كذا وكذا وكنت البس له وارضيه وهو مافكر ينظف نفسه عشاني الحين صرت اطنشه البس اللي يعجبني وارتاح فيه مو معقولة انا البس واهتم وهو مستكثر علي نظافة جسمه والعطر!!

انا قرفت من حياتي زوجي متسلط ﻻبعد حد يزعلني ويزعل ويبغاني ارضيه والا يذلني ومااتكلم ارضي بكل شي يقوله وهو عند اهله واصحابه ضعيف شخصية ومحد معطيه وجه

اعتبروها فضفضه وريحوني والله تعبت نفسيا كل يوم قبل انام ابكي قهر ﻻني مااستاهل شخص مثله مو مقصرة معاه بشي وهو مستكثر علي اقل حاجه

تكفووون ياادارة نزلوه والله محتاجة كلام يريحني والله يسعد كل من يرد على موضوعي بادب واحترام:bye22:

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

;g d,l hudti h;ev

المصدر...