خايف من الزواج

خايف من الزواج

انا شاب عمري 26 حاصل ع دبلوم وموظف في قطاع حكومي ومن اسرة عادية ..
لي ثلاثة اخوان اكبر مني الاول متزوج وماشيه اموره وله اربع بنات ربي يحفظهم ، اخواني الثانين تزوجوا وطلقوا وسبب طلاقهم بإختصار (( الماديات ))
كل واحد منهم تزوج مثل اي شاب و ساكن في شقة وعنده سيارة ، لكن صارت لهم مشاكل زوجية طويلة وكان يخبرون امي وابوي والعائلة عن تفاصيلها خاصة بعد ما صار الطلاق
بصراحة انصدمت ، يعني اللي كانت تزعل من زوجها ليه ما ودها مستوصف خاص وليه وديها حكومي واللي تسوي مشكله علشان فستان او علشان سفر واللي رافضه تسكن في شقة وتبي فيلا واللي واللي ، في النهاية طلقوا وانا خايف اتزوج واطيح في زوجة مادية تنكد علي حياتي علشان الماديات ، مع اني ما ني بخيل ، بس طبيعي اي شاب راح يتزوج في بداية زوجه راح يكون مرهق مادياً بسبب الديون ومحتاج كم سنة حتى يلملم وضعه المادي ..
اخواني قالوا نصيحة لا تتزوج وتخسر فلوسك لن كل البنات هالوقت ماديات ولا عندهم استعداد للصبر في بداية الزواج مع ان مافيه شي يستدعي الصبر الحمدلله .
وقالوا اذا مصر تتزوج تزوج من اجنبية من برا لن صعب تحصل زوجة قنوعة مستعدة تعيش معك من الصفر حتى تبنون حياتكم وكل البنات اليوم يبغون كل شي جاهز ويبغون سفر ورحلات وملابس غالية ولا عليهم من وضعك المالي ..

رأيكم يهمني ، خاصة اني ماني مقتنع من الزواج من اجنبية وفي نفس الوقت خايف اتوهق بزوجة مادية

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ohdt lk hg.,h[

المصدر...