الكب كيك المرح,طريقة عمل الكب كيك المرح,مطبخ مايا علي

الكب كيك المرح,طريقة عمل الكب كيك المرح,مطبخ مايا علي





أهلا عدولاتى
وحشتونى قوى
ولو انكم نستونى قليل منكم اللى فاكرنى لسه:14:
بس برضه اشتقت ليكم كتيييير
بقالى كتير جدا مانزلتش مواضيع في القسم اللي بعشقه
وهو طبعا المطبخ:228:
النهاردة حاقدم ليكم الكب كيك المرح
وأنا سميته كده اعتمادا على انى بزينه بشكل مرح يخلي الأطفال يقبلوا عليه
طبعا أنا عملته كتيييير قوى وكل مرة كنت بصوره ندخل في الموضوع وأبدأ أولا



1/4 2 كوب دقيق درجة أولى منخول
1/4 1 كوب سكر عادي
1 كوب لبن دافئ
1/2 كوب زبدة بدرجة حرارة الغرفة
1 ملعقة صغيرة بيكنج بودر
1 ملعقة صغيرة فانيلا سائلة
رشة ملح




1)نضرب البيض والسكر اللى أن يصبح القوام كريمى.
2) نضيف البيكنج بودر والفانيليا والملح.
3)نضيف الزبدة ونضربهم وبعدها نضيف نصف كمية الدقيق واللبن ونضرب ونضيف الباقي من الدقيق واللبن.
4)حنلاقي ان قوام الخليط كثيف شوية بحطه في كيس وبقص طرفه وبحطه في أكواب فويل وجواها ورق الكب كيك وبحطه لغاية نص الورق تقريبا لانه حيرتفع طبعا.
5)طبعا بتكونى فاتحة الفرن قبلهاعلى درجة 160 وبحطه في الرف اللى تحت الأول لغاية ماتلاقي حروفه احمرت طبعا أنا بشغل اللمبة وبراقب ايه اللي بيحصل قدامى.
تقريبا بياخد في الفرن عندى حوالى 16 دقيقة وكل واحدة وفرنها ولما تلاقي الحروف احمرت تفتحي الشواية عليها دقيقتين حتلقى اللون بقى دهبى وحلو.
6)بسيبه لما يبرد وبعدين أبدأ بتزيينه وشكلى زى مانتى عايزة.

تابعونى لسه الصور أكيد:7:




المصدر: منتدى عدلات

للوصول الينا ومتابعة كل جديد اكتبي بمحرك البحث (منتدى عـدلات) او (3dlat)



المصدر...