بموت قهر من الندم

بموت قهر من الندم

السلام عليكم انا تزوجت من شخص كنت أحبة بدون علم اهلـة ، وهو الي طلب مني هالشيء وان إذا احد جاب طاري اهلة اقول كبآر بالسن ومرضى مايتحملون عنى ومشقة السفر .
هذا اول زواج لي ومافرحت مثل الناس بس كنت اقول الحمدلله ربي جمعني فية ، عطاني مهري مش كامل وقال بيكملة ليلة الزواج ولاشفت المبلغ ..اشترى لي شبكة رخيصة وعادية جدا ومع هذا سكت ولا قلت شيءقيمتها اربعة الف خاتم وحلق واسواره وسلسال ..وجاب لي جوال وشريحة جديده ، مع انة قال فكري بموضوع وهذا الشيء الي بيجمعنا تراعين ضروفي راح اكون اسعد انسان
وقال انة بيسكني بيت ملك ب اسمة اشتراه من زمان ، وطلع العكس سكني بشقة
ويوم الملكة كلمني وقال مابسوي حفلة كبيرة بس يكون عند قرايبكم انك بتتزوجين لاكن متى مولازم يدرون بتسون حفلة صغيرة بيتكم اعزموا الي يعزكم واخر ليل اجي اخذك
وكلمت امي وعادي عند امي اهم شيء اتزوج ، مع انة وعدني بحفلة كبيرة من طرفي وفستان الابيض وكل شيء طلع هبئا منثورا ..
وحدد يوم الزواج بعد الملكة بشهرين مايمديني ارتب اموري خبصني وخلاني اسوي كل شيء بعجالة وضغط كبييير ..
وبعد ماسوينا الحفلة صغيرة ورحت الشقة انهلكت من مواصلة قمت الساعة 4فجرا مواصلة لين 2 فجرا .
يوم انهلكت من تعب ونمت صحيت اليوم الثاني حصلتة زعلان وشرحت لة سبب نومي المفاجاء ولاقدر هالشيء تريق علية وسكت ، وسالتة عن اكتمال مبلغ المهر قال اية عطيتة ابوك
هو يدري ان علاقتي ب ابوي مافيها كلام يعني لا اكلمة ولا يكلمني ابوي بعيد منا علشان كذآ مابيني وبينة آي ود .. ماعمره سال عنا او حتى يجي يشوفنا بس كلمت اخوي وقلت لة يكلم ابوي ويشوف وسال ابوي وابوي قال الرجال جاي يتزوج ولا يلعب ؟ الرجال جاب فلوس الباقية وانا حلفت عليهم مااخذها نشتري الرجال مو الفلوس ، انا بصراحة حز بخاطري ليش يكذب علية يقول عطيتها ابوك ليش ماقال عطيتة وحلف منها وخلاص . انا سكت ولا ناقشتة ،
تخيلو جالسة معة شهر ماتقرب مني كلة امور عادية يحسسني اني حبيبتة مو زوجتة .
اقصد ماتقرب مني من ناحية العلاقة الزوجية فقط ملامسات سطحية .. ان شاء الله فهمتوني ..
وبعد شهر قال لي بروح ل اهلي اشتقت لهم مامنعتة وقال بوديك بيت اهلك رفضت قام يشك فيني يقول من تواعدين قلت لة ما احد مايصير اجيهم بعد شهر عندنا البنت ترجع ل اهلها بعد 3 شهور علشان يستخرجونها علشان ازورهم ويزوروني ، زادت نقاشات بينا وقلت لة خلاص ودني معك واستأجر شقة هناك وتعال لي وقت ماتبي ..
رحت وليتني مارحت رحت واكتشفت خلال شهرين انة يسكر ويشيش ويدخن ولة علاقات مع بنات راسي بدا يعورني حتى وانا هناك ياناس يتقرب بس مايلمسني يقول اتعب شيء يمنعني يقول احس بشيء ثقيل على صدري
ورجعت ل اهلي واستخرجوني وجلست عندهم اسبوعين ثم اخذنا شقة وانا على امل هذآك اليوم الي يتكلمون عنة احلى ليالي العمر بيصير كل مالة تتعقد الامور ..
والاغرب اني اكتشفت انة متزوج علني قبل زواجي بشهر . ولا قلت لة اني علمت او دريت اكيد بتقولون وش عرفك مرة طلب مني انضف بوك حقة اطلع الاوراق وبطايق واحطها بكرتون
جيت ابي احطها هو اخذها وحطها نضفتها ونشفت وهو كان نايم قلت برتبها لة رتبتها وشفت كرت عائلة حقة وشفت اسم زوجتة وتاريخ اصدار بطاقة
والبنت نفس عمري ..
وشفت ورقة من بطاقة الدعوه زواجه الاول حقتة ورقة مكتوب فيها تاريخ زواجي وزواجة ..
هو اذا رجع سكران ياناس كل الي بقلبة وراسة يقولة وانا بس اسجل كلامة واسمع واستغرب .
للحين مسجلة 36مقطع صوتي بصوتة وهو سكران اعترافات وحقائق وكل مايخطر على بالكم ..
انا مقهورة لاني رضيت بزواج كذآ علشان يجمعني فية لاكن للاسف هالزواج ما اكتمل
مقهورة على حالي وندمانة اني اخذتة بطريقة هذي ..مع انة وهو سكران مرتين على مقاطع مختلفة يقول لي انا احبك يافلانة (الي هية انا ) بس اهلي مايبون بنت قروية قلت ل امي احب البنت لو يهمك سعادت ولدك قالت تهمني لاكن يهمني اكثر مايتعايرون بعيال القروية اخذت فلان (الي هية زوجتة الاولية ) لاتعاملني بالحسنى لاتعاملني بلطف لاتحترمني لا تقدرني الي يهمها الفلوس لازم ارسل لها مصروف الف ريال وان ما ارسلت تطلب الفين . اذا صار بينا خلاف ماتعرف تتعامل معاه تطلب مني على طول فلوس علشان ترضى . وانا ما احب البنت الي كذآ الي مردها ومرجعها الفلوس ابي اي غلط عليها علشان اطلقها ..
والله هذا كلامة لي يوم يكون سكرآن .. بس مرتين قال هالكلام وعلية زيادات مثل تدخل اهل زوجتة الاولى ب امور صغيرة ويكبرونها ..
قلبي يتقطع لشفتة يبكي ومكسور ..احن علية لدرجة اني اسكت 3 ايام لين هو يبادر بالكلام . مع اني اقول لة ما احب اشوفك تبكي ما احب اشوف دموعك ابيك قوي
انا ما اعرف وش اسوي هل اطلب الطلاق ولا اساعده يترك هالمسكرآت ..انا ما انكر لكم انا احبة بس مرات يقلب احس ما اعرفة .
ولا اسكت ولا اقولة اني عرفت بزواجك ولا اقول لة عندي اعترافاتك وانت مذهب العقل ..

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

fl,j riv lk hgk]l

المصدر...