الفرج من ربنا

الفرج من ربنا

السلام عليكم

انا شاب عمري 28 سنة ومتزوج من فتاة 24 طموحة وجميلة ومتفوقة وراعية دين ولله الحمد متخرجة من الجامعة قبل زواجنا بكم شهر

متزوجين من سنة طبعا انا كان دوامي جدا صعب وطويل ولمدة 12 ساعة يوميا و 6 ايام في الاسبوع وفي منطقة بعيدة عن اهلها ب400 كيلو

كان الاتفاق من قبل الزواج انها تسكن معاية في بيت اختي في قسم مستقل وانه اول ماتتيسر لي وظيفة غير اللي انا فيها اخذ بيت ونكمل

مع بعض طبعا بعد 6 شهور كانت طبيعية وبعدها قلبت نفسيتها عليا صارت ماتنام معاية ولا تجلس معاية ولا تتكلم معاية ولا اتصالات ولا رسايل واذا جات اجازة عيد ولا اجازة المدارس

كانت تطلبني انها تروح ومن بدري وماترجع الا بعد نهاية الاجازة باسبوع وماكنت اردها اوافق لها وكل ماترجع ليا نفسيتها تصير اسوء من قبل ولا تطيق تجلس معاية الاحظها ماسكة جوالها والاب توب وتتفرج وتضحك
و
انا ميت قهر، واغلب الاحيان كانت تسهر طوال الليل واللين نص النهار وتنام وماتصحى الا اذا جيت انام حاولت اكلمها وكانت تقولي مافيني شيء بس اتركني في حالي فيني شيء

مااقدر اوصفه لاكن سيبني ربنا يسهلها طبعا مرتين راحت وجلست شهر تقريبا عند اهلها بسبب اختبارات وفي فترة جاتها اكثر من مقابلة شخصية في المنطقة اللي فيها اهلها وفي هذه

الفترة جاتني وظيفة كويسة ولله الحمد مرة مناسبة لاكن بسبب النفسية اللي فيها حتى كلمة مبروك ماقالتلي برضو بسبب الموضوع ،

طبعا رجعت عندي ثاني و حاولت تدورلها وظيفة في نفس المنطقة اللي انا فيها لاكن ماتسهلت وكلمهم رفضوها بدون سبب مقنع ومقدمة على الابتعاث لاكن برننامج الابتعاث

آتآخر وقتها نفسيتها كل مالها تزيد سوء وانا نفس الشيء صرت اذا جيت خلص دوامي ورجعت البيت احاول اصحيها عشان تجلس معاية كانت تطنشني وتقولي سيبني نايمة اقوم اترك البيت ( طبعا تقوم للصلاة )

واطلع للنادي او للاصحاب وانا نفسيا تعبان مع مرور الايام كانت عند اهلها عشان تقديم وظيفة قامت امها حست بالموضوع وسآلتها انت مو طبيعية يابنت اشوفك ماتتكلمين عن زوجك ولا

تجيبين طاريه قامت تصيح وقالت لامها عن كل

شيء مع اني كنت اقولها يابنت اذا تحسين انك تعبانة او فيكي شيء ماتقدري تقولين ( تستحين او تخجلين مني ) لي خليني اكلم امك تراها خالتي وامك واهم شيء عندي ان المشكلة تنحل قامت معصبة من عندي

وقالتلي اذا علمت اهلي ترى بطلع من بيتك ولاني راجعتلك

طبعا رجعت ثاني ليا ( ولا قالت لي انها علمت امها ) وجلست كم اسبوع و راحت لآهلها لانه في شركة دقو عليها وقالولها عندك مقابلة اخيرة ممكن

تحضرين قمت حجزت لها وخليتها تروح بحكم انه وسط الاسبوع سافرت وجلست 3 ايام وفي ثاي يوم من وصولها قلت خليني ادق على خالتي اسلم عليها اتصلت وسلمت

الا اتفاجآت انها تقولي شوف ياولدي بصراحة انا عرفت بالموضوع اللي بينك وبينها وتراها في البداية ماكانت تبغى تتكلم لاكن ضغطت عليها لاني كنت ملاحظة من اول انه في شيء بينكم


لاكن ماحبيت اتدخل من اول لاتي مو متآكد من الموضوع لاكن لما شفت نفسيتها متغيرة ووضعها تعبان قمت ضغطت عليها اللين قالتلي وجلست تصيح وصارت تقولها لاتقولين لزوجي لايروح

يزعل لاكن كويس انك دقيت عليا شرحتلها الوضع قالتلي انه خلي الوضع طبيعي اللين ربنا يفرجها وبعدها بيومين رجعت زوجتي عندي ثاني وقالت لي ترى في احتمال كبير انهم يوظفوني

لاكن ابويا مو موافق اني اجي عندهم واسيبك لحالك ( خاصة بعد ماعرف بموضوعنا ولا كلمني وقتها ولا كلم احد في الموضوع غير خالتي ) قلتلها ماعليك انا اكلم ابوكي في سبيل انك

تتحسنين ،

كلمت عمي وقلتله شوف ياعمي انا وضعي في الدوام جدا صعب ودام انه زوجتي جاتها وظيفة ودي اني اخليها تشتغل عشان نفسيتها وعشان لاتحس اني ضاغط عليها بزيادة قالي انا

ماعندي مشكلة دامك موافق لانها زوجتك واهم شيء موافقتك قلتله ماعليك ان شالله الامور تتسهل ووافق ورحت قلتلها ان ابوك وافق على الوظيفة بشرط موافقتي وانا وافقت عشانك

وعشان علاقتنا كانت مرررة مبسوطة وقتها ولاكن الوضع ماتغير لاتجلس معاية ولا تتكلم ولا تنام وبعدها بااسبوع دقو الشركة عليها وقالولها تحضرين على بداية الاسبوع حجزتلها وجلست

ادعيلها بالتوفيق وان شالله تضبط امورك في الشركة وتنبسطين كانت ترد بلكمة امين

راحت عند اهلها وصرت اسال واتصل واحاول اتواصل معاها لاكن صارت ايام ترد وايام ماترد واذا لقيت اتصال مني ماترجع تتصل وحتى لما كملنا سنة على زواجنا قلتها انا حجزت وبجيكي لاننا

بنكمل سنة صدمتني وقالتلي لاتجي لانه لو بتجي بنقلب نكد وقالت لي انها راحت لدكتورة تكشف عندها واعطتها دواء ومواعيد والى الان ماتغير شيء طبعا قبل شهر اعلنو اسماء

المبتعثين وانا جدا مؤيد لها انها تكمل

دراسة وكنت ولازلت متفاىل بربنا مع ان علاقتنا جدا ضعيفة وتقدرو تقولون لايوجود اي علاقة ولا ااخبار ، المهم اعلنو الاسماء حقت المبتعثين وحددو موعد لملتقيات المبتعثين وراحت حضرت

ولا اتصلت عليا ولا قالت لي ايش قالو وايش صار خاصة وانا المرافق اللي بيروح معاها لاكن ولا كآني شيء ، ارسلتلها رسالة قبل كم يوم قلتها انه اذا علاقتنا ماتحسنت قبل البعثة انا ماني

مستعد اسافر معاكي عشان لا اتعب زيادة ولا اخسر الوظيفة عشانك ضحيت كثير في البداية لاكن جاء الوقت اللي احطك في الامر الواقع انا ماني رايح معاكي واللي تبغي تسوينه سويه

تبغي تغيرين المرافق تبغي تتحسني وتاخذيني معاكي القرار بيدك طبعا زعلت وردت عليا انه ليش مااتكلمت من اول قمت سحبت ولا رديت عليها ،

معليش القصة طويلة لاكن سامحوني جداااااااا تعبان ومالي غير ربنا ونصايحكم وشوفلي حل وادعولي وقولولي هل سويت الشيء الصح او في اي خطآ سويته .


آتمنى مايكون فيه تجريح


الكمال لله

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hgtv[ lk vfkh

المصدر...