هل أرجع أكل حـبوب نفسية ؟

هل أرجع أكل حـبوب نفسية ؟

السلام عليكم ورحمة الله وبركاته
انا انسانه جامعية اخصائيه في مستشفى متزوجه من 8 سنوات عندي بنتين وولدين الكبيره عمرها 7سنوات والصغير عمره سنتين
زوجي جامعي ضابط مركزه مرموق

انا فيني جمال وطباخه وودود لزوجي

كل هذي الصفات التفصيليه عشان ابي حل

انا اجلس شهر شهرين ممتازه ثم بسبب مشكله تافهه اثور واصول واسب زوجي واقلل من احترامه واطلب الطلاق منه سببته بحمار ومره بخيل وبدوي ومره كذاب

رحت دكتور نفسي في نفس المستشفى اللي اداوم فيه وع طول عطاني حبوب كلتها اسبوع وبعدها اكتشفت اني حامل وتركتها هذا الكلام قبل تقريبا ثلاث سنوات
استمرت حالتي المتذبذبه على ماهي عليه احب زوجي واموت فيه بس يقهرني ببعض تصرفاته وما امسك نفسي مندفعه رحت بروفوسور نفسي قال انتي ماتحتاجين حبوب انتي تحتاجين علاج سلوكي جلسات وانتي نتاج تربيه وبيئه فاقده الحنان فيها صرت اجيه كل يوم وادفع 300 ريال وتحسنت واهتميت بنفسي وبتشخيصي في بيتي وقال جيبي زوجك معك بعد شهر تقريبا من زياراتي اليوميه له جا زوجي معي وتفاجأت انه معجب فيني وفي تغيري ويقول صرت اذا طلعت من البيت اشتاق لها وانبسطت ووثقت في الدكتور زياده
استمريت لشهر ثاني يوم ورا يوم الزيارات مره من فلوسي ومره من فلوس زوجي
القشه اللي قصمت ظهر البعير هي اني قلت للدكتور ابغى اسافر مع زوجي مايسفرني معه ودايم يقول سافري مع اهلك انتي وعيالك ويعطينا قيمة السفر ويحجز لنا الطيران بس انا ابيه هو يسافر معي وهو يرفض بحجة الدوام قال الدكتور انا بقول له فيوم جاه زوجي ومدحني عنده قال له الدكتور كافأها بسفره قال ان شالله كررت له الطلب قال الاوضاع السياسيه سيئه ومااقدر اوعدك اني بسافر وماعندي فلوس قلت للدكتور كلام زوجي لي قال قولي له اني حجزت شوفي رده واذا وافق احجزي صدق وادفعي انتي وبعدين خذي منه
قلت لزوجي وقال طبب وتسلفت من امي 18 الف وزدتها وحجزت طيران موكد وفنادق ب28 الف والسفر في شوال وقبل مااحجز قلت له يناسب لك التاريخ عشان تاخذ اجازه قبل بفتره لاني حجزت على عيد الفطر وقال يناسبني زين هذا الكلام قبل شهر تقريبا
البارح قلت له ابغى فلوس عشان اروح لموعدي عند الدكتور قال وين راتبك ليش ماعندك فلوس قلت خلصت فلوسي اصرف راتبي ع البيت وعلى عيالي قال انتي مبذره وترا السفر احتمال مااروح معك لان اوضاع الحروب وماادري يمكن مايعطوني اجازه انا هنا انقهرت وصلت عليه وقلت انت كذاب انت قايل طيب وخليتني احجز واتسلف من امي وبعدها تقول يمكن مااروح قال انا قايل لك يمكن اروح ويمكن لا قلت انت كذااب بقووه وولده عندي وبنته جت تركض من المعلمه وقال انتي تقللين من احترامي وفضحتيني عند الجيران وعند المعلمه وسبيتيني عند عيالي تبين تجلسين في بيتك عند عيالك معززه مكرمه. والا تبين بيت اهلك قلت طلقني الحين قال اذا وصلنا لبيت اهلك حطيتك عندهم وتفاهمت مع ابوك وطلقتك انا انهرت وسبيته وركبت معه وقلت ابغى اروح موعدي تاخرت عليه ووداني اموعدي والدكتور ماعطانا وجه كان مسغول وموعدي فايت واخذ الفلوس وحلس معنا بالضبط ثلاث دقايق وقال تجيني ان شالله في وقت ثاني وانت مروق وقال لزوجي انت في نيتك الان تسافر قال زوجي الان لا بعد اللي صار خلاص وطلع الدكتور. ورجعنا وزعل زوجي من الدكتور يقول هذي حاله طارئه مفروض جلس معنا اخذ فلوسي ولا قال شي رجعنا البيت انا قلت له انت قلت له ماعندي نيه اسافر قال انا قلت له كذا عشان اشوف رده قلت بلغي الحجز او باخذ ولد اخوي معي قال زين كلمت ولد اخوي ووافق وانا ماودي وبيخصمون نص فلوسي وجلست اهاوش وقلت طلقني قال خلاص اجلسي عند عيالك ولاتطالبيني بشي انتي بتجيبين لي السكر والصغط والامراض وانا مو مستعد اخسر صحتي عشانك وانا بتزوج قلت احسن ثم طلع ولا رجع جلست ادق عليه واعتذر له برسايل ومايرد علي خفت انه راح لاهلي يقولهم انه ببطلقني وجلست ابكي ونمت وجا الساعه 2 قلت وين كنت قال في الاستراحه ونام جلست اتعذر له قال طابت نفسي منك وحظرني بالجوال اليوم من اليوم ارسله واتس اعتذار وذل وهو متصل ومايرد على رسايلي
انا مابيه يهجرني مابيه يكرهني مابيه يطلقني مابيه يتزوج علي انا احبه وهو صابر علي ودي اموت وارتاح واخاف ربي يعاقبني هو زوج مثالي وعندي عيال وبيت وزوج
وانا ارفس النعمه برجلي وش اسوي بنفسي ارجع اكل حبوب نفسيه ترا انا ماكلتها الا اسبوع قبل احمل بولدي الاخير
عيالي ضحية ام غبيه
ابي حا

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ig Hv[u H;g pJf,f ktsdm ?

المصدر...