الاستقرار حلمي

الاستقرار حلمي

السلام عليكم انا نزلت قبل كذا مشكلتي واستفدت من الردود وطبقتها رغم ان كان المفهوم من بعض الردود اني مافيني انوثه او تصرفاتي خاليه من العاطفه وهذا رابط المشكله http://forum.z4ar.com/f116/t410510.html
انا الحمدلله اهتم بنفسي وبيتي وبالعكس انوثتي مافرطت فيها والدليل اني اذا بكيت ع حياتي بس اتمنئ بدال مايكون قوي علي يكون سند لي لان الانثى مهما كانت شخصيتها تنقلب طفله عند زوجها انا شفت من ضمن الردود اني لازم اكون زي الطفله واتعامل معاه زي مايفكر وعجبني الكلام وكان يوم حلو للامانه بس بعد كم يوم كان الخميس اتصل علي من العمل وقال ايش جدولك اليوم قلت ابد ماعندي بطلع ازور امي في المستشفئ وحرجع ليش؟ ( مع العلم الوالده مريضه وفي العنايه وعيب اني اطلع عند احد والوالده مريضه مو وقت ضحك وبسطه مع الناس لغاية ماتطلع باذن الله وحرجع اطلع عند الناس عشان يرتاح مني ويتنفس .. وثاني شي للاسف انا اتوحم ومالي نفس اطلع عند اهلي .. المهم ماعجبه جدولي لاني حكون ف البيت قال بس انت جاييني اصحابي قلت اوكي خلاص حرتبلك المجالس وتعال انقل تلفزيون بنتي وحجهزلكم صواني ودلع ومزحت معاه .. قال اها اوكي خلاص ياحلوه اشبعي بالبيت بس زيك زي الكنبه ومعليش امك ماحتزوريها بكره انا اشوف مزاجي اذا فاضي اوديك قلت اوكي ايش احلئ من كذا قصده يبغئ يعاقبني المهم من العمل جاء وجاب حلويات لبنتي وولدي وقال باسلوب بارد يلا سي يو انتو كلو والعبو مع بعض ونامو قصده اني ماعلي فيكم طنشته ونمنا بعد ماطلع ورجع الساعه 2 في الليل ويصقع في الدولاب عشان انتبهله واصحى وحتى ولدي صحي من الصوت رغم اني اتوحم وودي انام مع نوم ولدي عشان اشبع قال فرحانه خربتي خميسي لكن طيب جهزي ملابسك بتنرمين الحين وخرج من البيت قلت مو معقول يسويها ويجيب اهلي لانو انا رجعتله قبل اسبوعين ووعد اهلي مايطردني ابدا .. خرج وانا صراحه قلقت قلت معقول ! بس رتبت بيتي ولمعته وبخرته وعطرته لان امه عندها موعد وحتجي بيتي حتئ لو ماكنت موجوده وما ارضئ احد يقول عني مو مهتمه بنظافة بيتي .. دخل من الباب وقال ايش خفتي صح ؟ وجلس يضحك وبالفعل كنت خايفه ينادي اهلي او بالاحرى مستحيه من كثر الروحه والجيه وكمان حامل مره شي يضايق واهلي مشغولين من وضع امي عيب نزيدهم هم .. قلتله اخاف من ايش لو خرجتني وبعدتني وبرغبتك مابزعل لاني نعمه وانت رفست النعمه برجلك .. قال والله خفتي افهم عيونك انا ويضحك سبته ورحت غرفه ثانيه جاء ورايه ماعجبه اني رحت عنه قال تطنشي ؟ طيييييب والله ما اكون رجال لو ماسويتها واخذ مفتاحه وخرج ولميت ملابسي في اكياس سوا ناداهم او مانادهم اعمل احتياطي،عشان كرامتي قدام اهلي يجو يلقوني مستعده للخروج وبالفعل رجع البيت لقيني لميت اغراضي وجلس يستغفر ويقول اعوذ بالله ويدخن قلت كويس هدي وفكر بس كلها دقيقتين لقيت اخوي يدق الجرس ودخلته وقلي يلا معايه وراس امي الغاليه مالك الا اللي يرضيك بس اسكتي ولا تتكلمي معاه ولا تطولي لسانك واحنا خارجين طنشيه وجلست ابكي لان حزنت ع اخويه بين كل فتره يجي وينكسر ظهره بتنزيل اغراضي وانا ارجع بس قلبي يحن لزوجي مافكرت في اهلي واهانتهم شمر ثوبه ونزل اغراضي وقلي لاتشيلي ولا شي انزلي زي الاميره قدامه بس شلت عيالي ونزلت وقام قال في درج العماره لاخويه اسمع اختك لا تتصل علي هذا لو تحترمكم مابغى اشوف رقمها وتراها تطلبني اجي اقابلها من عند،الباب حبيت اعلمكم بس اخويه قله طيب ابشر بس انت نطلبك طلب انك تحظرها وماتتصل عليها تبغئ شي كلمنا احنا قله ماني شايف احد قدامي اتصل عليه طبعا هنا قلتله شفت مو اقولك مو رجال عشان تصدقوني بس؟ واخوي زعل مني وسكتني ورحنا ولي اسبوع في بيت اهلي ماتصلت عليه ولا حتصل اكيد ولا هو حيتصل .. لانه قال لاخوي من الاخر كذا انا مابغى وانا مسافر ابغى اروح مو منكد وبس :stars: كل اللي حولي شافو اني انا غلطانه بصبري قالو في ناس تصبري عليهم ويقدرو وفي ناس يزيدو من تصرفاتهم .. بس انا اشوف ماشاء الله الرجال مايرتاحو اذا زوجاتهم خرجو من البيت وماتغمض عيونهم براحه اذا زعلت زوجاتهم وخرجو عيالهم اقل شي بيقول هذول عاري لحمي ماينفع ارميهم كل فتره والله اخوي مره زوجته خرجت من بيتها زعلانه قلت لاخوي انت راضي اهل بيتك بعيد عن بيتهم وحن ورجعها

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hghsjrvhv pgld

المصدر...