تعقيب للمره الاولى حسبي الله ونعم الوكيل على الظالم '

حسبي الله ونعم الوكيل على الظالم '

تعقيب ' حسبي الله ونعم الوكيل على الظالم '
http://forum.z4ar.com/f116/t417738.html

السلام عليكم ورحمة الله

اول شي اشكككر كل من رد ع موضوعي و ريحني لو بدعوه ... وثاني شي يشهد الله كل كلمه كتبتها ما كذبت فيها والموضوع زي ما وصلني من سلفتي بس جلست افكر كثير بالرد اللي يقول ان سلفتي تكذب علي طيب كيف عرفت موضوع الجوالات لو تكذب معقوله مسوينها خطه علي هي و زوجها مع زوجي عشان يشوفوا ردة فعلي وكمان هي قبلها بيوم قالتلي يا فلانه ترا زوجك قال لاخته تجيب شغالات و يجوا ينظفوا البيت و يلموا عفشك بكراتين رديت عليها ببرود ' حلو ان شاء الله ما ينسوا شي من عفشي ' قالت وبعدين ما ادري اخته تدق عليك تجي تاخذي عفشك او هم يدقوا ع اخوانك يجوا ياخذوه قلتلها مو مشكله وطبعا حلفتني ما اقول لاحد و سكت ويومتها كنت انتظر احد يدق علي او ع اخواني نروح ناخذ العفش بس تفاجأت باللي كتبته لكم قبل عن سالفة الجوالات و ردة فعل زوجي طبعا انا انهههرت و ارسلتلها حسبي الله عليهم ظلموني و حكيتها موضوع الجوالات و طلعت بلاوي زوجي وانه هذا مستحيل ارجعله وقالتلي اخلعيه قلتلها يخسى ياخذ مني فلوس ومن وقتها ما كلمتها ولا كلمتني بس انا انهههرت تماما من الظلم اللي حصلي وصرت اصلي و ادعي عليهم بقلب محروق بس الغريب اني احلم اني رجعت لزوجي و اموري مررررره تمام معه وصحيت اليوم ادعي ارجع لزوجي مع كل اللي سواه وكل عيوبه الا اني ابغى ارجع له ... وبالنسبه للي قالت لي كلمي زوجك وتفاهمي معه من بداية المشكله وانا اكلمه واحاول معه يحل الامور مع اهلي عشان ارجع له بس هو عنند وحلف ما يقابل اهلي و عملي حظر بالجوالات و انقطع ... و ذحين احس مشتته جدا مو عارفه ايش ابغى صصح وبعد ذاك اليوم قلت لاهلي ما ابغاه ولا ابغى ارجعله وانبسطت امي مرررره و صاارت مرره تمام معي ومع ولدي طيب يا امي انا عارفه انك تبغي مصلحتي بس انا ابغى زوجي انا مرررره ما عندي جرأه اقول لامي ابغى زوجي و بنفس الوقت حزينه ع اللي سواه زوجي اختي تقولي كل تصرفاته واضح انه بايع وما يبغاك تعبت من زن امي و اختي ع راسي يكرهوني فيه و يخلوني اصر ع الطلاق بس لما اجلس مع نفسي احس ابغى زوجي ما ابغى الطلاق لما اشوف اختي تتكلم عن زوجها وتعامله مع اولاده احزن ع ولدي احس حرمته من ابوه بس لما كنت اقولهم اول بارجع عشان ولدي كانوا يقولولي بعد ولدك عنه غنيمه هذا ما يستاهل ولا ينفع يكون اب و اسكت بس اجلس مع نفسي احززن وربي زوجي حنوووون جدا وكان ميت ع ولده وكان يقولي باسويله واسويله و باجيبله كنا لما نتمشى ونمر من عند محل العاب يقول والله لو يطلب المحل كله اجيبه له و لما يشوف ملابس اولاد يقول باشتريله ذا و باجيبله ذا و تخيلي يلبس ذا احس حرمته من ذا كله بس برضو هو السبب هو اللي بالبدايه سوا مشكله مع امي و كبرها و دخلني فيها و كبر المواضيع وامي كبرت المواضيع ووصلتها لاخواني و تشربكت المواضيع وتعقدت وصرت انا و ولدي الضحيه انا ببداية المشكله كنت اكلم الاطراف كلهم احاول احل المواضيع بس الكل كان يرفض اي كلمه مني قلت لاهلي بارجع بيتي قلبوا علي و سمعوني كلام وانه ما تهمك كرامة امك انتي معه تصطفلي لكن امي لا وقلتله كلم اخواني و حل المواضيع وانا راح انسالك كل شي قال والله ما انزل راسي لاحد ... تعبت وربي المشكله لها تقريبا 3 شهور وربي من بدايتها وانا كل يوم ادعي ربي بس كل مالها تتعقد والله تعبت انا ما ابغى ايأس من رحمة ربي وافقد الامل بس وربي اللي يصيرلي فوق طاقتي تعبت وربي واخرتها تجي اختي تقولي ربي كاتبلك المشاكل ذي كلها عشان يقولك ان زوجك ذا ما ينفعلك ولا يستاهلك انتي ليه متمسكه فيه وهو بايعك اسكت ما ارد عليها مدري ايش اقولها اكلم اخوي اقوله يا فلان تعبت من هالوضع يقول كلنا تعبنا و مو عاجبنا وضعك لكن مراح ننزل راسنا له ولاهله ااااه ياربي افرجها من عندك المشكله كل مالها تتعقد وانا مو لاقيه حل ابد كلمته كلمت امي كلمت اختي كلمت اخوي ما احد راضي يتنازل عشاني ويحل الموضوع و بكل برود يقولولي اصبري عادي في مشاكل تستمر سنين طيب انتو كل واحد عايش حياته مع اهله وانا سايبيني اتحسر ع حياتي و ع وضع ولدي اللي حتى تطعيماته ما تتطعمها لان كرت التطعيم عند ابوه واخواني مو راضيين يطلبونه منه تكفووون ادعووولي الدعوه بظهر الغيب مستجابه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

psfd hggi ,kul hg,;dg ugn hg/hgl '

المصدر...