طلقني واخذ عيالي مني

طلقني واخذ عيالي مني

بدخل في الموضوع دايركت انا متزوجه من 4 سنوات وعندي بنتين وولد واهلي عايشين بمنطقه ثانيه وانا بمنطقه ثانيه وبيتي بنفس عمارة امه واهله .. علاقتي مع زوجي كانت عاديه تصير بيني وبينه مشاكل وتنحل ،، المهم قبل أسبوعين تركت ولدي عند عمتي ام زوجي واخذت البنات معي لإنهم اصغر منه ومتعلقين فيني وخصوصاَ انه مشاغب ومزعج كثير محد يتحمله ـ وقلت لزوجي بطلع مع اختي عند صديقتها لإن اختي ساكنه بنفس المنطقه ونتلاقى بين فتره وفتره المهم طلعت مع اختي ورحت بيت صديقتها بعد ساعه دقت اخت زوجي تبكي وتقولي ولدك شرب قآز وودوه المستشفى اناا اتجننت وبكيت ماقدر اوصف لكم شعوري كيف كان ،، بعدها جا ابوه اخذني للمستشفى وكان ولدي نايم والدكتور صار يهزأ فيني وفي ابوه ويتكلم عن الاهمال بعدين حطو ولدي تحت الملاحظه لانه قالو احتمال تسمم جسمه بس بعدين طلعوه وقالو الحمدلله ماصار له شي وهو استفرغه والقدر الي شربه ماهو كثير بعد مارجعنا البيت زوجي وصلني وراح دوامه ونزلت بيت عمتي وتهاوشت معها وقلت لها ليه تركتي ولدي واهمتليه ماردت علي ولا بكلمه من العصبيه الي فيني دفعتها ع الكنب وطلعت بيتي اخذت اغراضي وكلمت اخوي يجي ياخذني المنطقه تبع اهلي ساعتين فقط واوصلها ف كلمته يجي وتعذر انه مايقدر يجي ،، بعد سآعتين جا زوجي وبدون اي كلمه قام يضربني مثل المجنون كسرني تكسير ودعس بطني ووجهي تفل علي وقالي انتي يازباله تجي تضربي امي من تكوني وصار ينعنتي بالفاظ قذررره وقالي يلا قومي امي واعتذري منها قلت له والله ماعتذر وططز فيكم انت وامك قالي يلا انقلعي بيت اهلك ماتنفعيني وطلقني واخذ عيالي عنده
من اسبوعين حسبي الله ونعم الوكيل انا غلطت بس من الخوف الي عيشته على ولدي الي فيني دفعتها بس مو بقوه والحين ندمت كثير ع الي سويته واهلي بعد ماشافو حالتي وضرب قالو بنرفع عليه قضيه وبنرجع لك عيالك مالك رجعه له ،، انا جدا متندمه ع كل شي وتعبانه نفسياَ اهلي من جهه وعيالي من جهه ثانيه صاير لي اسبوعين ماشفتهم ولا اسمع صوتهم شورو علي وش اسوي ابي ارجع لزوجي ولعيالي مابي عيالي يتشردون بيني وبينه ويتعقدون وانا عارفه هالاحساس لان ابوي طلق امي من وانا صغيره وكنت متعقده وحالتي النفسيه تعبانه لإني اشوف ابوي مكان وامي بمكان ثانيه وتربيت مع امي ، وابوي راح تزوج ، وتركناـ ارجوكم شورو علي وششش اسوي انا احب زوجي واموت عليه بس هو كارهني ولا عاد يبيني واخذ عيالي مني
اسألكم بالله نزلو مشكلتي باقرب وقت

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

'grkd ,ho` udhgd lkd

المصدر...