زوجي واهماله لي

زوجي واهماله لي

زوجي مهملني كثيرر من ناحية العطف والمادة والجنس كل شي عايشين لاطفالنا اعمارنا بال30 كلنا وعندنا 4اطفال لنا متزوجين 13سنة انا ماكملت دراستي وما اقدر اكملها الان وهو موظف حياتي لاتطاق زوج مهملني من كل النواحي ماقدرت افهمه ولا اكسب قلبه دايم بره البيت لدرجة صرت اشك انه متزوج غيري بالسر المادة اطلبه لين ما اتعب واسكت ملابسي كلها قديمة لحد الحين البس ملابس لها سنتين مرة مهترية حتو صارت ضيقة عيالي لبسهم من الرخيص البيت كثير اشياء ناقصه الاهتمام والعاطفة مافي اذا سمعته كلمتين مايرد علي ليش لان حضرته ساهي ع الجوال ابلع ضيم وقهر من العيشة هذي والعلاقة حدث ولا حرج صارت ماتفرق عندي جاني ولا لا لاني بالنسبة له اداة فقط ع داعسين ع قلبي عيالي مالهم ذنب واصلا لو تطلقت اهلي مارح يستقبلوني انا وعيالي ماستحملوني لحالي بيستحملوني مع عيالي مستحيل واصلا صابرة عشان عيالي لايتشتتو خصوصياته حاط عليها اكس مايحب اقربه ودايم بره البيت لدرجة تمر اسابيع ما اشوفه الا وقت النوم فقط وهو كثير السفررر لا يطلعنا ولا ياخذ مشترياتي ومن زمان ودعت الكماليات بسبته انا اصلا متنازلة عن كل شي ومايهمني ابغى منه شي واحد فقط ابغى يجلس معنا للبيت فقط لاغيررر ابغااه مايخرج حتى لو مكان بينا مشاعر بس احس معي رجل بالبيت مو لحالي دايم وانا للحين ساكنة بشقة واخااف كثير وقت سفر زوجي الدنيا مافيها امان زوجي مستهتر بكل شي وماعنده مسؤولية اذا مرة مرة تعبت تهاوشت معه وتنتهي بالضرب فصرت كثير كتووومة وحزينة اي شي ضايقني اروح ابكي لحالي زي الاطفال كثيرر كثيررر تغيرت عن يومني ادرس قبل لا اتزوج كنت جميلة واهتم بنفسي وخلوقة وفرفوشة والبسمة ماتفارقني الحين صرت شغالة او بالاصح مثل الالة بس للخدمة بدون مشاعر طبخ غسيل تنظيف اطفال اذا مرة دلعت روحي وتكشخت(طبعا من ملابسي القديمة لان زوجي مايشري لي)البس واروح عند زوجي وهو ع الجوال اظل ساكتة دقايق ابتدى انا بسالفة تهص اطفالنا ومضحكة واشرح له وانا اضحك تصدقون مايرفع عينه بعيني اناديه فلان تسمعني يقول ها ها وش عندك اقول قاعدة اسولف عن ولدنا يقول ايش سمعتك وش تبغيني اقول يعني والله وقتها مدري اش اقول اضحك او ابكي ويرجع ع الجوال وانا اروح ع طول انام الحاجة الوحيدة الي احبها ماودي اقووم وربي لدرجة هالايام صرت انام مواصلة ل17ساعة احس لاقمت قلبي يقبضني وطفش واكتئاب ابغى اهرب من الواقع عن طريق النوم لان حياتي كئيبة ماعندي حافز للحياة صارت حياتي روتينية مافيها جديد تعبت وربي اعذروني ع اخطائي الاملائية لان حدي متضايقة ومالي خلق ارد اصحح

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d ,hilhgi gd

المصدر...