عروس وغير متقبلة زوجي والزواج

عروس وغير متقبلة زوجي والزواج

السلام عليكم
انا عروس جديدة متزوجة من شهر وشوي واكتشفت اني حامل ولله الحمد
الموضوع اني من تزوجت خاصة لما رجعت من شهر العسل حسيت اني مو متقبلة الزواج ابدا
نفسيتي انقلبت ودايما ابي بيت اهلي وامي وابوي ودموع وحالة
والمشكلة الاكبر اني مو متقبلة العلاقة ابدا ابدا ابدا ابدا
اذا صار وقتها اصكر خشمي وادعي متى تنتهي وما اتقبل التقبيل نهائياً وحالياً بدت معاي لوعة الكبد
دايما اتمنى يطلع عشان مايقبلني ويبتعد عني ماحب التلصق والعلاقة والتقبيل والوضع زاد بالفترة الاخيرة
زوجي الحمدلله مو مقصر معاي ابدا ووقت الشوفة الشرعيه ارتحت حيل واستخرت يعني كله ولله الحمد بعد استخارة بس للاسف مو متقببببببببله واغبط البنات الي ماتزوجوا وكله منفسه وابي بيتنا وزوجي مرات يحس يقولي احد مضايقج لو ليش منفسه اتعذر اني تعبانه او دايخه عشان مايشك
مادري ابي اطمن هل كل العرايس جذي؟ هل كل العرايس ببداية الزواج يكرهون العلاقة حيييل والتقبيل وهالامور طمنوني
ومتى يبدي الزوج يخف عن هالامور و متى انا اتقبل هالشي؟
ومرات توصل فيني ان احس زوجي مو مثل مستوى تفكيري انا الحمدلله شهادتي جدا عالية من ارقى واصعب الكليات وزوجي متوسط وبصراحة انا متربية ببت الرجال صلاته بالمسجد وبرمضان مانطوف التراويح ومانعرف المسلسلات بس الوضع تغير علي زوجي الحمدلله يصلي بس بالبيت عمره مايروح المسجد الا الجمعة وعادي برمضان مسلسلات وماعندهم ان لازم يصلون التراويح
احس كل شي تغير علي مو متقبله الحياة ولا الوضع ولا العلاقة ولا اي شي ودايما اعد الايام متى يوم الخميس عشان اروح بيت اهلي
نوروني شنو الحل شلون اعدل وضعي شلون اخفف نفسيتي وعدم تقبلي النهااائي لقرب زوجي
هل وضع العرايس طبيعي جذي اول الزواج؟
انصحوني تعبت حيييل

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

uv,s ,ydv ljrfgm .,[d ,hg.,h[

المصدر...