أبوي والجوال .. بأمس الحاجه لمساعدتكم

أبوي والجوال .. بأمس الحاجه لمساعدتكم

السلام عليكم ورحمة الله وبركاته ...

رمضان مبارك ع الجميع وأعاده الله عليكم بكل خير

أنا متزوجة عمري 24 سنه , ترتيبي الأخيره من بين أخواني والأقرب لقلب أبوي ..

مشكلتي تتلخص في ابوي والواتس اب والبنات !!

أبوي عمره 54 سنه .. مشهور بيتنا بان علاقتنا بامي وابوي اصدقاء مو أم وأب , محافظ على صلاه وصيامه والحمدلله , ولكن مشكلة الصلاة لما ماتنهى عن الفحشاء والمنكر أيش العواقب المتوقعه :(

أبوي بشكل عام جواله برمز سري , دايم يلفه لو بيكلم عمامي , مستحيل نشوف أو نفتح أو نسوي أي شي فيه

قبل حوالي 9 شهور .. كنت جالسه على الكنب ورا ابوي , وللأسف شفت شي ع الواتس اب كلام مايسر

ممكن أقول إنها اكثر لحظه انهرت فيها في حياتي.. احترت كيف ممكن اتصرف , البنت لما يصير لها مشكلة تلجأ لأبوها .. كيف وضعي أنا الحين ؟

فضلاَ عن الفكرة الي بتنرسم في بالي عنه .. ماعرفت أقول لمين أو اكلم مين ..

فجأه مالقيت نفسي الا في محل جوالات وطلعت شريحة جديدة .. رسلت له واتس اب ان انت رجال وسمعتك معروفة و من هالكلام وقلت له انتبه عندك عيال

تدرون ايش المشكلة ؟ انه جا وعلمني يقول لي في رقم غريب كلمني وقال لي هالكلام .. شايفني راعي حريم انا مثلاَ .. عورني قلبي كثير كيف هو يثق فيني و انا سويت فيه كذا

في نفس الأسبوع شفت ان افضل تصرف هو اخوي الكبير .. وفعلا كلمته وانا منهاارة وعلمته كل شي

يوم كان طالع مع أبوي ومثل ماقلت لكم عادي إن أبوي واخوي يطلعو للكوفي سوا .. وقال أخوي الكبير لأبوي ترا يا يبه كلنا حاسين ولكن وصل الموضوع لخواتي .. قال له أبوي ترا أدري من وصل الكلام لأختك نفسها المره الي رسلت لي تهددني وهي وحده من العائلة تبي تخرب البيت !!

استوعبتو ايش الي صار .. انا قال لي ان الي ارسل له واتس اب تهديد رجال مايعرفه , ولما واجهه أخوي قال له مره تبي تخرب بيتنا ..

يقول أخوي أضطريت اواجهه ويعرف ان فيه شي سواه مو عدل .. وقال له ترا أختي الي ارسلت لك ..

وماحكي لكم كيف أبوي تغير وصار واحد ثاني وعلاقتي وياه صارت أقوى من قبل .. الشي الي ماتوقعته يصير ابداَ ولله الحمد .. وارتحت فترة ماهي بطويلة

إلى هنا مافيه مشكلة , إلى أن سافر أبوي لأحد الدول لأخوي ,,و طلع له رقم جوال من الدولة الي سافر لها

فأول مارجع قال لنا استغربت كيف **** بدون حجاب هناك ,, وشوي قال المشكلة انهم من العائلة الفلانيه !!!!!!!!!

كيف عرف عائلتهم !!! , والفاجعه انه من رجع من السفر استغنى عن الواتس اب حق الرقم القديم
ورجعت حليمه لعادتها القديمه بشوف عيوني !!!!!!

ممكن تقولون كثير ناس كذا , بس ماتقدر البنت تشوف أبوها بهالوضع !!!

أمي مو مقصرة وإن كان فيه شوي قصور في المقابل أبوي فيه حقه , يعني ماأنزه أي من الطرفين لكن كأي بيت تحصل فيه مشاكل وخلافات بسيطه جداَ

مشكلتي الحين ,,

أيش التصرف الي المفروض أتصرفه ؟

أخذ جواله و أرميه زباله اكرمكم الله ؟؟ أواجهه ؟ ايش اقول له اصلا مالي عين أكلمه وهو أبوي

تعبت وأحذ هالموضوع من حياتي وصحتي وراحتي

الله ييسر لكم كل أمر عسير ويرضى عليكم فعلاَ بأمس الحاجه للمساعده

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

Hf,d ,hg[,hg >> fHls hgph[i glshu]j;l

المصدر...