أخاف العقوق !

أخاف العقوق !

السلام عليكم ورحمة الله وبركاتة

اخواني انا شاب أعزب 29 سنة .. وان شاء الله زواجي قريب خلال 3 اشهر .. مشكلتي بأختصار .. تكمن ان خلال اخر سنتين وبالتحديد من يوم بدأنا نبحث عن بنت للزواج .. كل فترة يصير بيني وبين الوالده مجادلات حادة .. والسبب ان هي بأختصار غير مقتنعه باللي انا ارغبه بالبنت هي مقتنعه بأفكار وانا مقتنع بشئ ثاني .. وبسبب هذه المجادلات كانت دائما تزعل مني وتعتبره نوع من انواع العقوق .. مع اني اشوف ان تمسكي بأفكاري هي نوع من انواع حقوقي ففي النهاية البنت برتبط فيها طوال حياتي ولازم اكون مقتنع باللي اخذها .. مرت الايام وفي الاخير وفقني الله .. ولله الحمد ببنت ناس طيبين .. وكل اللي كنت ارغبه كان فيها تماماً .. سبحان الله مفصله باللي ابيه .. عموماً تمت الشوفه الشرعية ثم اتفقت مع اهلها على كل شئ .. ومن بعد الشوفة والى الان .. وانا كل فترة اتجادل معها بشكل حاد .. والسبب لانها تسئ الظن فيني كثير وانا والله برئ من كل اتهام تقوله .. مره تقول انت بتتغير علي بعد الزواج .. وانت وانت وكلام كثير كله انا برئ منه .. واضطر من باب الدفاع عن نفسي اني ارد على كل اتهام .. ويعلم الله بنيتي اني احبها واني اعمل المستحيل من يوم وانا صغير لبرها واتقرب الى الله بالشئ هذا .. لكنها مع الاسف تجبرني في كثير المواقف بالدخول معها بمجادلات حادة وتجلس بالايام زعلانه .. وبالنهاية اراضيها حتى لا اغضب الله .. رغم انها هي اللي اخطأت بحقي .. هي دائما متمسكه برأيها وتعتبر نفسها هي الصح والباقي خطأ .. ومستحيل عندها الحوار والنقاش بهدوء وتفاهم .. فيا تمشي على كلامها .. يا تصارخ عليك وتزعل منك بالايام .. ولا تتنازل بالكلام معك الا بعد ان اعتذر واراضيها رغم انها هي اللي تخطأ بحقي بسوء الظن وخلافه ..

فالسؤال الان .. هل ما اقوم به يعتبر نوع من انواع العقوق .. لاني والله دائماً ابحث عن بر والدي .. واتقرب الى الله بأرضائهم .. لكني في نفس الوقت .. انا رجل وعندي شخصية واستقلالية ما ارضى احد يمشيني على كيفه .. وكأن لا رأي لي ولا شخصية .. حتى لو كانت هذه امي او ابوي

انتظر رأيكم

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

Hoht hgur,r !

المصدر...