احب ابنه عمى .. ولكن

احب ابنه عمى .. ولكن

السلام عليكم انا شاب فى سن ال19 لدى ابنه عمى تكبرنى بثلاث سنوات وتسكن معنا فى بيت العائله ولكن والدى هو الذى يعول ابنه عمى واخوتها بسبب ظروفهم الخاصه يعنى والدى اصبح لديه ست ابناء بدلا من ثلاثه ويأكلون معنا ايضا .. عندما كنت صغيرا لم اكن افكر بها تماما وكانت مثل اى بنت تقربلى ومتعودين نصلى الفجر كلنا فى رمضان " البنات والشباب فى العائله " بعد السحور ولكن فى مره واحنا رايحين نصلى الفجر فى رمضان منذ ثلاث سنوات تقريبا قالت لى بنفس الكلام " عارف يافلان انا كان نفسى اخطفك بس انته صغير عليا " وبعد ماسمعت الكلام منها متأثرتش وكان بالنسبالى عادى وساعتها قلت فى تفكيرى " هى تقصد ايه بانها عاوزه تخطفنى " وفضلت افكر ومجاش فى دماغى اى تفسير لهذه الكلمه لانى اصلا لم اكن احبها اطلاقا حتى فى بدايه مراهقتى لم اكن احبها ليس لانها ليست جميله ولكن لانى لم اكن افكر بها اطلاقا وقلت فى تفكيرى " هل تقصد بالكلمه دى انها تريد الزواج بى ولكن لايمكن لانها اكبر منى فى السن " وقلت خلاص بلاش ابالغ فى تفسير المعنى يمكن عشان انا فى مرحله المراهقه ففسرتها كدا وعدتها .. وبعدها بكام يوم قمت شارى اشياء جديده غاليه الثمن للكمبيوتر بحكم انى مبرمج وبعدها لما عرفت ان اشتريت اشياء بمبلغ غالى قالت لى " انت عارف يافلان انا كل يوم بكتشف فيك حاجه جديده واحلى شئ فيك انك بتجيب الى انته عاوزه حتى لو غالى " .. وبعدها بفتره كنت جالس على الكمبيوتر الخاص بى وكانت هى تجس خلفى على الكنبه وقالتلى " يافلان انته بتبقى شكلك حلو وانته رافع شعرك " قلتلها بسخريه " عارف عارف " قالتلى " بكلمك بجد والله دانا بحبك " .. وبعدها قلت فى تفكير " لا لا اكيد انا فاهم غلط . دى مرحله وهتعدى " .. وبعدها بفتره ابن عمى ' ليس اخوها ' قالى انته شبه اللاعب بيكيه وحلف لى انى اشبهه فقلت فى تفكيرى " انا هروح انشر صوره اللاعب ده على الاكونت الخاص بى على الفيس بوك " وفعلا رحت نشرت الصوره على حسابى الشخصى وكتبت على الصوره ' يارجاله ابن عمى بيقول انى شبه اللاعب دا قلولى انا شبه ولا لا .. اكدبوا عليا' وكانت هناك بعض التعليقات بالاضافه الى تعليق ابنه عمى التى كانت تقول فيه " ياعم روح " فاغضبت الصراحه وقلت اشوف هى كتبت كدا ليه وبعتلها رساله على الفيس بوك وقلتلها " امال انا شبه مين " قالتلى " شبهى " وهذه الرساله موجوده حتى الان لانى لا احذف اى رساله .. فاقلت فى تفكيرى " هى ليه قالت شبهى " هل تقصد باننا نشبه بعض .. فاقلت دى اكيد بتحبنى وبعدها بفتره قلت فى تفكيرى " خد بالك يافلان انته فى مرحله مراهقه ويمكن تفتكر حاجه عاديه انها حب وتتصدم فى الاخر " .. طبعا كل دا بيحصل بعد فترات يعنى مثلا مابين كل حدث والتانى ممكن من يومين لشهر .. المهم هى بقت تكلمنى كتير وبدون سبب يعنى مثلا احيانا ترسل لى رسائل بانها لا تستطيع النوم وفي مره اخرى ترسل لى رساله تخبرنى بان اشاهد معها نفس الفيلم وفى مره ارسلت لى رساله وقالت لى " انا لسه مانمتش .. هو انته نمت " قلتلها " اه نمت ولسه صاحى " وبعدها بعدها بعتتلى ايموشنات بكاء قلتلها " لماذا ترسلى ايموشنات بكاء " قالت لى " منا كدا مش هشوفك " وبعدها فكرت وقلت ' وايه المشكله لو ماشفتنيش .. يمكن بتحبنى ونفسها تشوفنى كل يوم ' .. وبعدها اقول لا انا اكيد عشان مراهق فابفهم غلط .. وبعدها قالتلى " انا عاوزه اشوف بحلقه شعر جديد وهى كانت قصدها على الاستايل الجديد بتاع حلاقه الشعر من الجنب فقط .. وقلت فى نفسى " وهى ليه عاوزه تشوفنى انا بالذات كدا " ... المهم فى شم النسيم الى فات وانا فى الحقل احنا والعائله وكنا بناكل وانا وهى خلصنا سوا فى نفس الوقت وساعتها واحنا بنغسل ايدينا سوا قالت " احنا خلصنا سوا .. احنا اكيد متوافقين " .. واستغربت وقلت لا دا الموضوع ذاد عن حده وانا مكنتش فاهم غلط .. ومنذ شهر تقريبا كنا جالسين انا وابنه عمى وابنه عمتى وفجأه ابنه عمتى قالت لابنه عمى " انته بتعرفى تحلى مشاكل على الفيس اهو " وردت ابنه عمى قالت " تقصدى ايه " فقالت ابنه عمتى " كان هناك مشكله لفتاه تحب ابنه عمها ورئيتك تعلقين لها بحل ممتاز وكأنك تعشين نفس التجربه " فردت ابنه عمى قالت " نعم نعم لدى صديقاتى يعيشون نفس التجربه " .. وفى مره اخرى كنا فى فتره الغداء فأخذت طعامى ودخلت الغرفه لاشاهد التلفيزيون بمفردى وفجأه جابت ايضا طعامها وجائت معى وجلست خلفى على السرير وكان امامى مرايه والتليفزيون بمعنى انى كنت اراها وفجأه نظرت فى المرايه وجدتها تنظر لى من الخلف وبعدها قلت فى نفسى يمكن دى حاجه صدفه عادى وبعدها بصيت تانى فى المرايه لقيتها مستمره بالنظر الى بالمرايه وفجأه لم اتمالك نفسى وقمت بالضحك وبالطبع هى استعجبت وقالتى بتضحك على ايه قلتلها لا لا مفيش . لانها مكنتش تعرف انى شايفها فى المرايه .. والان اشتريت لاب توب لان اعمالى توسعت وفى كل مره ترانى جالس علي اللاب تقوم جايبه شويه ميه ورمياها عليا كانوع من المغازله .. وفى مره قمت بالانتهاء من اعمالى على اللاب وفتحت الفيس بوك لقيت صوره بنت بنت قدامى وكانت ابنه عمى تمر خلفى ورأت البنت على الاكونت الخاص بى وفجأه قالت لى وهى غاضبه " مين دى يااستاذ " .. قلتلها دى واحده بعتت لى طلب صداقه وانا رافض .. وتركتنى وذهبت .. ولما عرفت انى هروح لنفس جامعتها قالت لى " انا فرحانه والله " وايضا فى زفاف اختها طلبت منى ان اتصرف لها فى منديل .. وبعد الزفاف قالت لى انها طلبت منى هذا لطلب لترى ماسوف افعله وايضا تطلب منى طلب اقول لها لماذا انا ولديك اخ واولاد عم غيرى فتقول لى انها تشعر بأنه اختصاصى مع العلم انا مبرمج كما ذكرت سابقا فالبتالى الكهارباء واصلاح الاحذيه ليس من اختصاصى بناءا على ماتقوله .. وغيرها من المواقف الكثيره حتى الان .. سؤالى بقا هو انى عاوز اعرف هل انا فاهم غلط عشان انا فى مرحله المراهقه ولا لا " اقصد هل هى تحبنى ام لا .. وطبعا الزواج بها شبه مستحيل لعده اسباب منها انى لسه بدرس وهى اكبر منى ويمكن تتخطب فى اى وقت ولسالى جيش ولسه بدرس كورسات برمجه وهى طويله بالفعل والمشكله الخطيره ان اخيها الى هو ابن عمى صديقى منذ الولاده وان عرف شئ مثل هذا سأخسره للابد وفى الحقيقه لو خير لى هو ام هى سأختار ابن عمى .. مهما كانت شده الخلافات بيننا .. وماذا افعل لانساها للابد .. واسف على الاطاله لكن الموضوع اطول من كدا بكتير .. ويمكن انا كاتب كلمه او حاجه غلط حاولو تفهموها بقا .. وشكرا مقدما

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hpf hfki uln >> ,g;k

المصدر...