حتى لو ماساعدت بتعليق تذكرني بدعوه

حتى لو ماساعدت بتعليق تذكرني بدعوه

السلام عليكم ورحمة الله وبركاته
اخواني اخواتي اسألكم بالله تعتبروني اختكم او بنتكم وتنصحوني وتساعدوني بحل مشكلتي
عمري ٣٠ و متزوجه من ١٤ سنه
عندي خمسة أطفال ٤ منهم بنات الله يحفظهم
يتيمة الاب والام واخواني ٤ كل شخص مغترب بمنطقة مختلفة والله أعلم بحالهم
مصيبتي بدأت بعد وفاة امي رحمها الله يعني بفترة عزائها لا اخفيكم انها كسرت قلبي ووفاتها كانت بتقتلني من الحزن خاصه اني كنت مغتربه مع زوجي حتى وداع ماودعتها ولا سلمت عليها ولا وصلت لعزاها الا اخر يوم رحمها الله خلال فترة حزني عليها بدأت الخيبات للاسف بهذيك الفترة تركني زوجي عند اهلي وسافر وكنت اترجاه يوديني مكه لعل الله يغسل قلبي وتهدأ نفسي ببيته الحرام لكن للاسف تحجج وتركني وسافر بعدها بيومين عشان معاملات ممكن تتأجل المهم مرت فترة ثلاث اشهر عند اهلي وهو كل يوم يقسى علي وتركني وعيالي ثلاثه معي وبرضه سافر تنازلت ورجعت سافرت معاه لاني تعبت مع عيالي بمنطقة اهلي الصعبة وبعدها بشهرين مد يده علي وضربني أشد ضرب وخلا جسمي كله ازرق لاني اخذت جواله لما دق اخر الليل وبرضه مشت الحياه وقرر النقل لبلد صعب جدا حتى الجن ماتعيش فيه ووعدني وعد شرف اني لو تحملت معاه ثلاث سنوات راح يبني لي بيت العمر ونرتاح ونستقر وبرضه صبرت وساعدته وعشت مع الافارقه لا كهربا لا ماء لا خرجات لا ناس لا دواء حتى اتفه شي مو متوفر وفوقها حملت بطفلتي الرابعه واظطريت اسافر عشان اولدها بالسعوديه خلالها سكنت عند أهله وللاسف ذقت المر معاهم من وراه فهم عارفينه دايس عليه ولا ينصفني مهما كان كبر غلطهم وعشت سنتين مع اربع اطفال والله العظيم كانت أسوأ ايام بحياتي بعد أفريقيا وتفاجأت خلالها انه يخونني وبيت العمر تبخر وخططوه هو واهله وانا زي ما قال مالي شي عنده انفجرت من التعب والألم النفسي واصابتني جلطة خفيفة بعد ولادتي من كثر الهم اتعطلت رجلي اليسار لمدة يومين ،، رجع من السفر وللاسف استقبلته احلى استقبال حتى اني حملت مباشره بعد الاربعين عشان ما يخونني مره ثانيه وللاسف غفلت انه سواها وانا عروس وسواها وانا نفاس بس مشيتها لاني صدق كنت اشوفه وطني وكنت اسوي المستحيل لما يمرض ويشهد الله اني لم أتركه بحاجه او مرض أو وجاهه ولم أبخل عليه حتى بأقل شي ورثته المهم نقلنا للرياض بعد معاناه ومشاكل وجبت طفلتي الخامسه وهو بالغربة أيضا والكل كان يرحمني ويصبرني على وضعي وفي ليله غريبه دقت علي صديقه كانت تعيش بنفس البلد الي عايش فيها زوجي وكانت تلح اني ارجع بيتي معاه ولا اخربه مع اني زي العسل مع زوجي وقتها وفعلا دخلني الشك وحلفتها بعيالها انها تعلمني وش صاير وللاسف عرفت انه عاشق بنت ليل عرفها من مرقص او شي كذا ودخلها بيتي ويوميا يطلعون ويتمشون ويرقصون...الخ وبرضه دقيت عليه ولا كأنه شي صار واصريت يرجع عشان انا مريضه و محد معي ورجع بشق الأنفس لكن بدت المعاناه الحقيقيه واجهته وكلمتها وسبيتها وكسرت الدنيا ولكن للاسف عارف اني خلاص تدبست ٥ اطفال ولا أهل ولا وظيفه ولا املك شي ،، صار كل شي يسويه بالعلن ويتأسف لها من تصرفاتي لاني مريضه نفسياً على قولته وكل يوم يسبني ويلعن امي وابوي ويسب اخواني ولعن ودعاوي علي انا والعيال وبرضه تحملت اخر مصيبه جتني دقت عليه عشيقته وسبتني في شرفي ولما رحت عنده أخبره حط الغلط عليه لاني دقيت عليها من قبل وعرفت رقمي وبالعكس يقول اسبك انتي لأنك مريضه نفسيا ولا اسبها هي ،، طردته من البيت بعد كلامه وكسرت الدنيا وللاسف رحت بتحمم واصلي وانا منهاااارة والله يا اخوتي جتني ذبحه صدريه لمدة ٢٠ دقيقه انازع فيها ملك الموت وعجزت عن الحركه والتنفس ولما وعيت بفضل الله أصابني نزيف لمدة شهر كامل كلها من الحسرة قررت اتحمل بيتي كله بنات وين اوديهم وحاولت اكمل دراستي لين يكبرون واقدر أتركهم لاني ماقدر أخذهم معي في حالة الطلاق لان مامعي احد ولا أهل وبكون مع واحد من اخواني لاني بعمر ٣٠ مستحيل يتركوني اعيش لوحدي ،، انا يا اخوتي الان وصلت لأخر الطريق قاربت اخلص دراستي وأصغر أطفالي بعمر ٣ سنوات وانا ما عدت انسانه طبيعيه بس اعصب واكسر دايم ابكي لوحدي واخاصم عيالي وما استمتع بأي شي احس الدنيا جاثمه على صدري ودي الاقي كتف احط راسي عليه يأست من كل شي باقي على نفس السب والإهمال والحرمان من الصديقات والطلعات والحرمان من المصروف الشخصي لسنين ولو تفضل عليه بمساعده او عزيمه ذلني عليها أشهر وذوقني المر حتى لو بتغييرة لبس لبناته او تنظيف شي معي ،، الموضوع الجنسي صرت انفر منه ولو حصل بالكم شهر مره وهذي المره اعيش بعدها بحالة ندم والم لاني احس انه نقل لي كل الأمراض مع انه يحلف بالله انه ما نام معها ولا لمسها جنسيا ،، حياتي محطمه وعلى حافة الانهيار وبالفتره الاخيره اخاف على نفسي ان اغرق بنفس المستنقع واخون فأنا محرومه من سنين ولحد الان متماسكه اسالكم بالله قولو لي كيف اعيش انقذوني امسكو بيدي قبل اغرق وأغرق بيتي وبناتي




ملاحظه : أهل زوجي عندهم خبر بكل تصرفاته ولم يتغير شي .. واخواني رحبو بي ولكن من دون أطفالي مو لانهم يكرهونهم بالعكس لكن لان ظروفنا كلنا صعبه وهم يالله يقدرون يساعدوني انا فكيف ب٥ اطفال وبنات بعد


اذكروني بدعوه في ظهر الغيب فدعوة الاخ لأخيه مستجابه ودعوة الغريب مستجابه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

pjn g, lhshu]j fjugdr j`;vkd f]u,i

المصدر...