طلبت الانفصال في فترة الملكة

طلبت الانفصال في فترة الملكة

السلام عليكم..
بعد ٣ شهور من عقد القران وقبل الزواج بفترة بسيطة طلبت الانفصال لاني حسيت بشعور رهيب بعدم الاطمئنان اني اعيش مع هذا الرجل لباقي عمري، وهذا الشعور ماكان الرهاب الطبيعي اللي يجي المقبلات على الزواج، كنت من عقدت قراني الى اللحظه اللي انفصلت فيها ما انام الا وانا ابكي، ولا اصحى الا وانا ابكي، ماكنت مرتاحة ولا مطمئنة لأفكارة وطريقته في التعامل مع المشاكل ولا اسلوب حياته.

القصة هي اني صدق حبيته، رغم اني ما أُعجبت في عقليته أبدًا، حبيته فعلًا وحتى بعد الانفصال افتقده بشكل رهيب، والى حد بعيد احس بالاحباط اني لما طلبت الانفصال ما تمسك فيني ولا حاول يعرف مني السبب، تكلم مع امي ان يمكن يكون رهاب زواج او ضغط دراسة وقالت له امي لا. بس هذا اللي سواه. في نفس الوقت اللي احس فيه بالاحباط احس ان عدم تواصله من اعظم النعم، يمكن يساعدني انه ما يتواصل اني انساه وامشي.

ولكن ايش الحل؟ ابي اتخلص من شعور الحنين له، ومن شعور رغبتي فيه، مع اني اقدر اتخيله سعيد ومبسوط في زواج اخر ومستقر ولا ينقص عليه شيء، الا اني احس اني ابدًا ماراح اقدر انساه. لا تقولون لي اطلعي مع صديقات وووو الخ. لاني حتى لما اصير وسط الناس اذكره. وحتى لما اكون في لحظات يفترض اني سعيده فيها اكون اتصنع الابتسامه واحس ودي اصيح. توقعت اني فقط كنت متشوقه للعرس وشعور العروسة، واني فقط اعاني من صدمه ان اللي توقعته ماراح يصير. ولكن مر شهر كامل ولازلت اصيح.. ولازلت لما اسولف مع اهلي ما اقدر ما طاريه.. كنت كاتبه اكثر من خمس او ست استشارات كلها فيها اسباب طلبي للانفصال.. وكل ما حنيت له واجد ارجع اقراها.. وتساعدني شوي.. بس لازلت احن له بشكل رهيب.. ما اتخيل اني اتزوج شخص غيره.. وهو فعلًا اول شخص على الإطلاق يكون بيني وبينه شيء، ولا لي اي علاقات ولا اي تواصل ولا اي شيء من قبل، ليومكم هذا لما اقرأ محادثاتنا ابتسم واضحك، احس فيه جزء من قلبي مو مستوعب ابدًا ان هذا الرجل مو نصيبك خلاص، اعتذر على كلامي الكثير ولكني احتاج مكان افضفض فيه، ومكان اكتب فيه صدق وش جالسه احس فيه بدون ما اسوي نفسي قويه واتحمل.. الله يوفقكم ويسعدكم.. ادعولي بالتوفيق والهداية وربي يصرف عني اللي احس فيه...

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

'gfj hghktwhg td tjvm hglg;m

المصدر...