ماقدرت اتجاوز شعوري تجاهها

ماقدرت اتجاوز شعوري تجاهها

تحذير : null

تزوجت ودخلت بيت أهل زوجي وانا مافي قلبي غير كل احترام ومحبة لكل شخص حتعرف عليه كل تفكيري إني حأكون علاقات نوعا ما رسمية اساسها الاحترام والمودة المتبادلة ماأبغا ميانة زايدة ولا رسمية ثقيلة..
علاقتي مع الكل ممتازة جداً غير مع وحدة من سلفاتي..من أول يوم شافتني وهيا ترمي عليا نغزات وتحاول تستفزني مثلاً من اول مرة شافتني قالتلي حرسل غداكم وأنا تشكرتها ورفضت وقلتلها مافي داعي حتعبك وكنت بمنتهى طيبة النية قالتلي الا حرسله لانو زوجك حيجي من الدوام وهوا جوعان لازم يلاقي شي ياكله! ماأدري هيا مفكرتني ماأطبخ ولا أيش قلتلها لاشكرا ماتقصري ...ومواقف كتيرة من هالنوع مثلاً تقولي غيري ستايل لبسك لأنو أهل زوجي مايعجبهم كدا طبعًا طنشتها وكبرت راسي لأني دايم أروح على سنقة عشرة وواثقة من أناقتي....وقيسو على هدي المواقف شغلات كتير تافهة وبايخة مو حابة اذكرها عشان مايطول الموضوع وانا مكبرة مخي ومطنشة حركاتها وبنفس الوقت اعاملها بأحترام كبير...بس بيوم من الأيام حكت لي شغلة ماقدرت أتجاوزها ولا أغفرها لها أبداً حكت لي أنو زوجك كان يحب وحدة زمان وهيا تحبه كمان وكانو ناوين يتزوجو ...مارديت عليها سكتت وبس لأنو انصدمت من عقليتها أكثر من صدمتي بالكلام اللي تقولو لأنو ماهمني كلامها زوجي يحبني كتير والحمدلله صح في بعض الأختلافات لكن نشكر الله ربي موفق بيناتنا الله يجعل التوفيق في كل بيوت المسلمين بس اتضايقت من كيف هيا تفكر أيش هدفها من هالحكي معقول لهدرجة حابة تخرب بيني وبين زوجي! هالكلام صارله سنين وحكيته لزوجي قريب كنا نسولف والكلام جر بعضو و تذكرت هادا الموقف وحكيت لو كلامها وانا أضحك وهوا استغرب أنو أيش نيتها عشان تألف تأليف زي كدا! لليوم وهيا دايما ترمي نغزات ومازلت مطنشتها بس هداك الموقف بذات مو قادرة اتجاوزو مو قادرة أسامحها معقولة لهدرجة ماتتمنى لي الخير معقولة تفكر تخرب بيني وبين زوجي أو تدخل الشك بيناتنا؟ صرت أستثقلها كتير و بنفس الوقت كارهة شعوري هدا حابة أتخلص من هدا الأحساس تجاهها حابة أرجع متل أول وأعيش حياتي بسلام بنهاية هذي زوجة عم أولادي وموحابة يكون بينا حزازيات مع أنو دايم أمدحها ولو أرسلت لي حاجة امتدح طبخها و امتدح أولادها حابة أنو هيا كمان تطيحني من راسها مو حابة تخليني هدف أنو تضايقني أو ترمي عليا نغزات بس المديح ماجاب نتيجة بالعكس مستمرة وقررت أطنشها بس حابة تفيدوني كيف أنظف تفكيري من كلامها السابق عن زوجي كيف أسامحها لأني ممكن أطنش في أي شي غير أنها تدخل بيني وبين زوجي مو قادرة أسامحها

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lhr]vj hj[h,. au,vd j[hiih

المصدر...