مابغا اتطلق وزوجي مارجعني بيتي شهرين ؟؟؟

مابغا اتطلق وزوجي مارجعني بيتي شهرين ؟؟؟

السلام عليكم ورحمة الله
جزاكم الله خير الله يسعد كل من يوجهني وينصحني ويكتب له اجر الصلح بين الزوجين
انا الحمدلله رب العالمين في هم وكرب بسبب مشاكلي مع زوجي لي سنتين متزوجة عمري 40 وزوجي 44 مطلق مرتين بدايتي معاه كانت ايام جميلة وحب ودلع مثل اي شخص يملك وحبيته بعد كنت رافضته لكن بعد الاستخارة ارتحت الحمدلله عندي بنت ربي يحفظها وهو ماعنده عيال وربي رزقه مني كانت امنيه حياته يخلف الحمدلله ربي اعطانا انا موظفه وعندي راتب الحمدلله وهو كمان عنده راتب واموره تمام لكن بعد سنه من زواجنا صار مايصرف علي نهائي يجيب للبيت كل شي لكن انا لا وعادي ماهتميت انا اجيب لنفسي كل خصوصايتي وحتى النت اسدده لاني احتاجة ولما يطلبني فلوس احيانا اعطيه واحيانا احس باستغلال ابطل اذا كان مبلغ كبير مو هذي مشكلتي مشكلتي الله يهديه لسانه بذئ اذا عصب يطردني من البيت كثير ويستفزني ويقارني بطليقته انها اجمل مني وهي فعلا جميلة شفتها بس انا كمان حلوة وفيني مميزات هو مو شايفها لانه هز ثقتي في نفسي كم مره يقارن ونتخاصم واطنش اخر مشكله صارت اللي بسببها انا بيت اهلي لي شهرين انا وبنتي طردني بسبب فلوس وللاسف وصلنا للمرحلة من السب والاستنقاص بشكل يفشل طلعني عن طوري وجا اخوي اخذني وتخاصمو هو واخوي قال زوجي خذ اختك وورقتها توصلها وبعدها بعشرين يوم اكتشفت اني تسببت له في مشكله تخص تجارته الغيتها لانها كانت من عندي وبصراحة ماكنت ناويه اذيه بس اخوي الله يهديه قال يطردك ويهنيك خلاص الغي وكبرت السالفة وتعقدت وبعدها اعتذرت كثير وقلت بصلح غلطي مايرد علي نهائي توددت كررت اعتذراي مايرد بس كان يكلم احد اخواني عشان يشوف بنته ويعطيها حفاضات وحليب وبس وانا مشتاقة لبيتي ولزوجي هو مو فاهم اني مالي خبرة بالزواج ولاتثقفت من ناحية تعامله معه بس الحمدلله قايمة في بيتي وواجباته ومااقصر احاول اسعده عكسه مايحاول يسعدني ولا هديه ولاتمشيه بس كانت ايام الملكة وبداية الزواج بعد الولادة خلاص غيابه عن البيت فوق 17 ساعة وانا انتظره وتعودت كنت اسوي مشكله صرت افضل البس اغيرر في شكلي مايمدح برضو تعودت العلاقة صارت اسبوعين مايلمسني لما بكون زعلان وتعودت الموهم عديت كثير له عشان في المقابل هو يعدي لي اغلاطي مايعدي يدقق على كل شي امي الله يحفظها اشتكت لااخته قاالت اخوك طرد بنتي وراميها قالت خليها تصبر واذا تشوفون مايناسبكم اطلبوا ورقتها وبعدين كيف تلغي تجارته وتبيه يرجعها البيت تتسدح وهو في الشمس كيف ياكل وينام معها وهي خسرته واخوي ابدا مو غطان واحمدو ربكم دق بابكم واخذها محد اخذها الااخوي ،،،،، اختي عصبت من كلامها وردت لها رد قوي انا قلت لامي لاتردين خلاص حسبي الله ونعم الوكيل والحين داخله الشهررالثالث حتى بنته ماعاد يسال عنها ولايشوفها ومسوي حظر واتس وانا ارسل رسايل نصيه اعتذر وادعي واقوله عفا الله عما سلف واوعدك تشوفني انسانه ثانية بكل ماتتمناه فيني مايرد ماتركت الدعاء الحمدلله في كل وقت ان الله يفرج همي ويرده لي ردا جميلا واتصل على اخوي يقول تعال شيل ملابس اختك وبكرة ورقتها توصلها اخوي وكان هو معصب يقول كرامتي فوق كل شي وخلي اختك واخوي يرتاحو يقصد اخوي الكبير تخاصمم معه واختي ردت لاخته وسبت !!!! امي رجعت اتصلت عليه مابيرد رسلت واتس تذكرة ان ابغض الحلال الطلاق وانت شهم ماشفنا منك الا كل خير وصورت له صور بنته مايرد والله المستعان وجهوني وانصحوني كيف ارجع زوجي وارجع بيتي خايفة يكون عايفني صدق لكن انا ماودي اتطلق وقدرت امور كثيرة فيه مرض امه والخساره اللي تسببت فيها وعذرته وسبه واهانته لي وطردة تجاوزت كثير هو مايعرف يتجاوز جاهل في الدين الله يهديه يارب صدوده رغم اعتذراي مالان وتجاهله التام وعدم رده يذبحني انا كمان شديت معاه لما شفته بس يبي يطلق وانا اعنذر قلت له بشتكيك في المحكمة كل شي سويت له بشتكيك طز فيك انت بايعني ببيبعك وقلت كلام كثبر بعتبرك ميت انت مو مهتم في بنتك بس تركض وراى التجار خليهم ينفعوك وبنتي لما تكبر ماراح تعرفك سوا لي حظر بس بعدها اعتذرت الى هذه اللحظة انا اسفة مشكلتي متشعبه لكن هذا الحاصل حتى الحمل يقول ليش تحملين بالغصب تبين الحمل لاني حملت مره ثانية لما جيت مطرودة بيت اهلي والحمد لله على كل حال اجهضت وتعبت نفسيًا ماني عارفة هو طبيعي او انا الي موطبيعية هو حنون اتذكر حنانة علي اول ويجي بالسياسية وبار بامه يحبها وانا بعد طيية مرره فوق ماتتصورون بس انا عصبيه شوي وارجع اعتذر على طول يارب فرج همي ورجع لي زوجي واهديه الله يسعدكم لعل من فيكم ينفع الله بكلماته او يستجيب دعائة

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lhfyh hj'gr ,.,[d lhv[ukd fdjd aivdk ???

المصدر...