وش يبي عمي مني؟ سؤالي موجه لاخواني الرجال

وش يبي عمي مني؟ سؤالي موجه لاخواني الرجال

السلام عليكم ورحمة الله وبركاته
مالي في المقدمات انا حاليا متزوجه وام لطفلين وعمي كذلك متزوج واب لطفلين ماشاء الله لاقوة الا بالله
انا عندي عم يكبرني بسنوات يوم كنا صغار كنا نلعب مع بعض ومرات يجي ينام بيتنا وعمري ماتأذيت منه
بعدين صار خلاف عائلي بين ابوي ومرة جدي اللي هي ام عمي وانقطعنا عنهم فتره طوييييله
دخلت الجامعه ورجعت المياه الى مجاريها ورجعت الزيارات
اول مره شافني عمي في بيتنا طبعا هالكلام قبل لا نتزوج
قام يناظر فيني بقوووه وماشال عينه علي
قلت يمكن متفاجئ لان زمان عنهم اكيد تغيرت قبل كنت طفله
وحتى هو تغير شكله علي كثير لاكني ماكنت اركز النظر عليه
المهم راح بيتهم ورسل لي رساله مدري كيف جاب رقمي وقال لي فيها انا عمك فلان حفظي رقمي
فرحت وحفظت رقمه يمكن نحتاجهم او يحتاجوننا
بعد كم يوم دق علي وظل يكلمني اكثر من ساعه تعبت ومليت وكلها سوالف عادية
لكن لاحظت انه بين كل سالفه وسالفه يقول لي يالغلا وانا استحي ويتغير صوتي
وهو مستحلي هالكلمه لكن امانه ماكانت سوالفه فيها اي نوع من الغزل
سكرت من عنده وسألت اخواني هل عمي عنده اصدقاء او هو وحيد قالوا عنده اصدقاء كثييير واجتماعي
انا تنرفزت بيني وبين نفسي قلت اجل وش يبي مني
بعدها كان كثير يدق علي ومرات ارد ومرات اطنشه لاني ما اعرف وش نيته ما ابي اسيء الظن فيه
وفي نفس الوقت موب مرتاحه
وكان اذا رديت عليه يظل يكلمني وقت طويييييل
المهم انا مليت واخواني عرفوا السالفه انه يزعجني وقلت حق اخوي يكلمه ويقول له لا عاد تدق عليها
اخوي كلمه بنبره حاده وعمي عصب وقال انا عمها ووش هالكلام لكنه في النهايه انقطع عني وارتحت
صرت ما اشوفه الا بالمناسبات بعدها تزوجت وهو تزوج
لكن الى هاليوم اذا جا شقتي يجلس عندنا انا وزوجته مايجلس يم زوجي هالشي يحرجني
ع فكرة زوجي ولد عمتي يعني عمي يكون خاله
واذا شفته بيت هلي عند الوالد في الاعياد مايسولف مع اخواني او خواتي
بس معي انا
بصراحه احترت مع هالعم ما اعرف وش داخله اخاف اكون ظالمته انا احب فيه طيبته لكن زوجي يكرهه
قطعت علاقتي بزوجته مع ان مالها ذنب بس مابي يجون بيتي وتخترب علاقتي بزوجي

هالحين السؤال موجه لاخواني الشباب خصوصا هم رجال واخبر ببعض
وش يبي عمي وهل اسأت الظن فيه ؟ وهل تصرفي صحيح يوم صديته بهالطريقه احس فشله
اسفه ع الاطاله بس حبيت تكونون بالصوره
ي مشرفين اتمنى ماتحذفون شي واذا الخط صغير ضبطوه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

,a dfd uld lkd? schgd l,[i gho,hkd hgv[hg

المصدر...