والله اني حاير ولا اعرف وش اسوي - طلبتكم المساعده

والله اني حاير ولا اعرف وش اسوي - طلبتكم المساعده

بسم الله الرحمن الرحيم

الله يصبحكم او يمسيكم بكل خير

والله مافي شي خلاني أسجل بهالمنتدى او اشارك فيه الا اني مغبون ومنقهر وحرب جالسة تصير داخلي بس ساكت وطبيعي أني أسكت لاني ماعندي أحد اقدر افضفض له بنوعية المواضيع الي زي كذا ..

بكتب موضوعي أو احاسيسي وأبي منكم النصح والارشاد عسى ربي يرزقكم الجنة من غير حساب

يا جماعة الخير انا شاب عمري 28 ، حالي حال اي شاب كنت بعلاقة عاطفية طبعا وفيها مشاكلها ومزاياها وجنتها ونارها ، كانت العلاقة لمدة 6 سنوات

أنهيتها هالعلاقة تقريبا قبل 3 شهور من اليوم او أربعة ، بكل تراضي عسى ربي يستر عليها ويوفقها ، أنهيتها بسبب إني ابي أكمل نصف ديني وأتززوج واحصن نفسي وقبل كل شي أستقر نفسيا وجسديا ...

طبعا ما أخفيكم كمية الاثر والدمار الي لحقني بعد الانهاء والاحساس بالوحدة لانو أصبح حالي (( من كل شي الى لا شي )) ، وهذي عليكم تفسيرها ...


طبعا قلت في نفسي ان شاء الله ربي بيعيني وأقدر على نفسي وانسى وأهيئ نفسي باذن الله بحيث أكون صافي البال ومرتاح


سبحان الله ، دخل الوالد للمستشفى والحمد لله على كل حال ، كنت مرافق معه وانتو عارفين كيف المرافق وفي مستشفى يعني جو التفكير والتذكر هذا جاي لآ محالة

بديت طبعا أفكر واحن وووو ... ، لكن الحمد لله مازلت مرابط وماسك نفسي


السالفة بالي جاي ..


طبعا بوقت انهاء العلاقة خطبت وباختيار الوالدة عسى ربي يحفظها لي ويحفظ لكم والديني ووالديكم يارب ، والحمد لله سمعتها طيبة وهي محاضرة في أحد الجامعات ومقاربة لعمري بينا اشهر تقريبا

صليت الاستخارة والحمد لله وافقت ووافقو و وملكت عليها ولي اسبوع تقريبا


ملكت .. ولا كني مملك !!


يا حماعة ماعرف وش صاير معاي سبحان الله .. انا اسمع الناس يقولون وقت الملكة من أجمل ايام العمر ومن احلاها وووو ...

وانا والله ماحسيت بسعاده الا بيوم الملكة نفسها او يوم العقد .. يعني بحكم انك شبه عريس والناس تهنيك وفرحانه وكذا ..


والله اني اكتب لكم وانا فيني نار شابة داخلي وحيرة مايعلم فيها الا الذي رفع السماوات وحط الارض ...


كنت اتوقع ان الي ملكت عليها او زوجتي زيي زي العالم يعني انو من اولها بتنتظر على الاقل رسايل الواتس .. ما اقوول مكالمات وسهههر والناس تداوم مواصلة من رومانسية الليلة الي قبلها

لا والله

لكن ماعرف يا جماعة يعني عادي اكتب صباح الخير الساعه 7 ونص الصباح ... تنفتح وتنقري الساعه 9 وثلث بالليل !! ولا ينرد على رسالتي

المكالمات قمة الرسمية .. تتخللها كثير كلمة ( الله يجزاك خير ماقصرت مشكور الله يعطيك العافيه )

تحاول في أكثر من مرة تقفل التلفون يعني تسكر المكالمة

مادري .. هالي أمر فيه طبيعي أو مب طبيعي



على فكرة .. اهلها ماشاء الله ناس جدا طيبة جدا محترمين من اب وام واخوان واخوات .. يعني حتى احتمالية انها مغصوبة علي هذي انا استبعدتها

بس ليش كل هذا طيب ؟؟؟


انا ابي الي يجبر كسري .. ابي الي يعوضني وينسيني كل الماضي ..


والله اشوف هالناس حولي مستانسة والي طالع مع زوجته والي يتعشون والي يتمشون .. واقول ماشاء الله تبارك الله واكثر من هالكلمة اخاف احسد وانا مادري ..


طفا حماسي .. حتى المكالمات ماصرت ادق أو أكلم .. تواصلي مع ابوها واخوها الكبير بالواتس يعني بالرسايل او المقاطع أكثر منها ولا يقارن اصلا



طيب مو متزوج بنتهم انا ؟؟؟ يعني مو المفروض اصلا مالي اي علاقة فيهم واضلا ماعندي وقت لاني مشغول مع زوجتي !!! مو هذا المفروض ؟؟


طيب ليش متعوكسة معي ؟؟ الله اعلم


كل الي اقوله .. طلبتكم ابي مشورتكم وارائكم واذا كنت الي أمر فيه طبيعي ابيكم تعلموني على شان أهدى واعرف انو طبيعي ... والله مابي لا اطلق ولا انفصل باستعجال

ابدا ابدا مابي استعجل


ربي يحفظكم من غير شر واااااسف جدا على الاطالة ..

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

,hggi hkd phdv ,gh huvt ,a hs,d - 'gfj;l hglshu]i

المصدر...