|
|
|
7th February 2016
|
#1 | |
|
مدير ومالك المنتديان
|
اختي واللي لقيته معها
السلام عليكم ورحمة الله
الله يسعدكم ي مشرفين نزلوا مشكلتي اليوم ضروري لاني مو عارفه اتصرف ولا شي انا سلمكم الله بنت متزوجه وعندي طفلين ومستقره بعيدا عن اهلي لي اختين اصغر مني اخت ب العشرينات واخر العنقود ب اول ثانوي والباقي اخوان اولاد كبار وصغار حابه اوضح بعض النقاط بس امي وابوي الله يهديهم من وعينا ع الدنيا وهم مو مستقرين ابدا ومشاكل ف مشاكل وابدا ماحسينا لا بحنان ام ولا اب واخواني الكبار الله يرزقهم ويعافيهم يحاولون يعوضونا بكل شي كلام كويس وتعامل لطيف كل شي موفرينه اجهزه جوالات مصروف ع حسب امكانيتهم والحمدلله الحياه ماشيه اختي الصغيره مو مدلعه دلع ماصخ ابدا وتعامل اخواني لها معتدل وبثقه وكل شي تمام وهي ماشاءالله متفوقه وهاديه وفاهمه وضحوكة البيت قبل فتره اختي اللي ب العشرين دقت علي مفجوعه وحلفتني ب الله اهدا وامسك نفسي ومايطلع الموضوع لحد طبعا اكتشفنا ان اختي الصغيره لها علاقه بصديق اخوي اللي ب الثانوي قريب من عمرها واكتشفنا بعض التفاصيل انا انفجعت ب البدايه بس هديت وفكرت وبحكم اني كبيره ومتعلمه وواعيه اتفقت مع اختي نحل الموضوع بيننا ونحتوي اختنا الصغيره لان ممكن مشاكل البيت اثرت عليها مع انو مو مبرر للغلط ونفهمها غلط الطريق اللي هي فيه ونحاول نسحب منها الكلام اذا طلعت معه او قابلته بمكان او سوت مصيبه او ماسك عليها صور او اعطاها شي او هدايا خبركم هالجيل يفهمون كل شي لان صعب نخبر امي وابوي وبرضو اخواني الاولاد بغض النظر عن التفاصيل عرفنا كل شي منها كلمناها وحلفت لنا ب الله ان هالولد بس بينهم محادثات ف البرامج ولا صار شي ابدا وعلمتنا بكل شي وبكت وندمت ووعدتنا م تعيد هالشي وتنتبه لدراستها وانا بطريقتي سحبت جوالها وشريحتها وايبادها وجبت لها كل شي جديد قدام اهلي ع اساس هديه نجاح ولها ع اساس صفحه جديده وخلاص ننسى اللي صار لاني مؤمنه ب ان الحرمان م راح يطلع بنتيجة ابدا ب الذات انها مراهقه انتهينا من هالسالفه الحمدلله ولنا تقريبا اربع اشهر وانا موصيه اختي تراقبها من بعيد لبعيد وتشيك ع اجهزتها بدون م تحس اختي الصغيره واول شهرين الحمدلله كل شي تمام ولا لقينا شي عليها وقلنا خلاص انتهت المشكله وفهمت غلطتها وارتحنا المشكله واللي فجعني قبل يومين لقينا مع اختي طقم ذهب !!!!! وكانت خافيته بين اغراضها بشكل يشكك ب الصدفه اختي لقته !! كانت لافته ف علبه وكيس وبمكان بين ملابسها طبعا متاكدين مليون ف الميه انو الذهب مو لامي ولا حد من اخواني اهداها ولا ابوي لان اصلا هالفتره تمر عليهم ظروف سيئه ومن زمااااان م جوو للبيت بحكم ان كل واحد بمنطقه بوظيفته اللي اقصده الذهب مو من اهلي ولا لهم وطريقتها ف اخفائه واضح انها م تبي حد يشوفه ولو افترضنا انو من صديقاتها مثلا ف مستحيل لعدة اسباب عارفين ان الذهب غالي وبنات بسن 15 من وين يجيبون قيمته واصلا لو حد اهداها م راح تخفي هالشي عن امي او اختي او اقلها انا لانها تحبني وتثق فيني وتكلمني ب استمرار انا داخ راسي والله العظيم فكرنا من وين جاء بس م ندري اختي اللي معها تقول ان اجهزتها رجعت قفلتها برقم سري واحنا متفقين معها ممنوع رقم سري وخلاص بينا ثقه انا خايفه انها طلعت مع حد او رجعت لخرابيطها اخاف احد اغراها بشي واعطاها الذهب يارب مدري وش اقول تكفون ساعدوني والله العظيم من الخوف والصدمه مو عارفه اكتب احس مصيبه المره الاولى عديناها وتكلمنا معها بهدوء ولا سوينا شوشره بس الحين احس ماعاد ينفع الحكي معها جاء ببالي اعلم اخواني بس ردة فعلهم م راح تكون بسيطه ابدا وانا اخبر ب اخواني ب هالامور مو طيبين ولا يتفاهمون وش الحل بنظركم ابي مشوره الله يجعلكم ف الجنه ويجزاكم خير يااااارب :050103hm_prv: المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين hojd ,hggd grdji luih المصدر... اثبت وجودك
..
|
|
 من مواضيعي في الملتقى
|
||
|
|
 |
 |
 |
 |
|
 |
 |
 |
|
|
|
|
|
|
|
|
||||
|
|
|
|
|
|
|
تقرأ وترحل شارك معنا برد أو بموضوع
العرض الشجري