حسبي الله ونعم الوكيل على الظالم

حسبي الله ونعم الوكيل على الظالم

السلام عليكم

اخواني خواتي جايه اكتب لكم مشكلتي وانا مقهووره من الظلم اللي تعرضت له انا قبل كذا جيت وكتبت مشكلتي هنا وكان مختصر مشكلتي انه في مشاكل بيني وبين زوجي وكان سببها تتش بين امي وزوجي ووقتها كان معمي على عيني و مو شايفه غلط زوجي و بس مغلطه امي اكن المواضيع تطورت ووضحت لي حقااااااارة زوجي و ان امي معها حق واللي حاصل ذحححين اني جالسه اتعرض لظظظظلم من زوجي واهله الله لا يوريه مسلم .. ابو زوجي جا لاخوي ع اساس بيشوف ايش في و كذذذذب اكاااااذيب لليل على لساني و الحمدلله اخوي ما صدقه و سكته و قاله تفاهمي مع زوجها لو يبغاها يجي و طبعا وصلني من سلفتي ان زوجي حلف ايمان ما يجي و من هالكلام سكت و قلت ان شاء الله يعرف غلطه ويشتري بيته و يجي لاخوي و تنحل الامور لكككن اااااه من اللي حصل و حسسسبي الله ونعم الوكيل و طبعا اللي حصل يوصلني من سلفتي بدون ما يدروا و هي ما تبغاني اقول لاحد انها تقولي حتى اهلي المهم زوجي الله ينتقملي منه انتقام عزيز جبار منتقم راح وافترى علي و تكلم علي عند اهله وصارو اهله ككككلهم بصفه مع ان خواته وابوه وربي وربي كانوا يجوني يقولون اي اننبهي من فلان -زوجي- تراه كذااااب و يألف كلام و ما يقول هرجه الا له مغزى من وراها و هالشي صادمني كيف صدقوه و هم يقولون عنه كذاب المهم ما كنت اعرف ولا سلفتي ايش نوع الاكاذيب اللي كاذبها زوجي بس كنت متأكده انها بشرفي لانه حقير ممكن يتهمني بشرفي لحد اليوم كلمتني سلفتي قالتلي الحقي يا بنت زوجك جاب اخته و شغالات نظفوا البيت و لموا عفشك بكراتين و لقي شرايح و جوالات و عصصب و كسر الطاولات و راح لابوه واعطاه الجوالات والشرايح وقاله خذ عشان تصدقوني طبعا اقولكم سالفة الجوالات و الشرايح هم جوالين واحد منهم قدييييييم جدا اي 51 كان جايبه لي ابوي الله يرحمه خديه لي عام 1429 و كنت ماخذته معي بيتي ذكرى من ابوي و وريته اياه و شافه و الشريحه الاولى كان رقمي قبل اتزوج اللي هو غيره لي و الشريحه موجوده مع الجهاز يعني ولا قد مسكتها اما الجوال الثاني و الشريحه الثانيه سالفتهم سالفه هذا بشهر 10 اللي فات اكتشفت ان زوجي يخونني ومدخلها بيتي و متكلم علي معها و و و وقتها من صدمتي قلت لابوه و اخته و كبر الموضوع و هو فصل شريحتي اللي باسمه و كان بياخذ جوالي اللي كان جايبه له و قفل علي باب البيت عمي عرف لان جا دق علي الباب وقلتله فلان مقفله ففتح لي الباب لان معه نسخه من المفتاح وقالي ما اعرف اطلع لك رقم كلمي اخوك يجيبلك رقم و جوال و كلمت اخوي وجابلي شريحه وجوالي البي بي القديم اللي كان معي قبل جوالي اللي جابه لي هديه و طبعا اللي جابلي الجوال و الشريحه من اخوي من برا كان ولد اخت زوجي يعني عمي و اخته عندهم خبر و قالي عمي اذا سألك قوليله عمي جابلي الرقم و فعلا هذا اللي صار بعد ما انحلت المواضيع قلتله بعد ما فصلت رقمي عمي جابلي الرقم ذا والرقم عند عمي و اخته و اهلي و حتى هو اعطيته رقمي بس ما خليتها معي يومين و غيرت رقمي لان كنت باطلع رقم باسمي و نسيت موضوع الشريحه والجوال و مخليتهم ببيتي وانا ذحين لي تقريبا 3 شهور عند اهلي و اليوم هو شاف الشرايح والجوالات و اخذهم لعمي و حطهم حججه علي اني وسخه و خاينه و و و انا ما ابغى اقول عمي ليه ما دافع عني يمكن مسي بس هو الحقير نسي يعني سالفة الجوالات والشرايح طبعا الكلام دا كله جا مم سلفتي طلبتها اقول لاهلي عشان ادافع عن نفسي حلفتني ما اقول لاحد عشان بكذا يخرب بيتها و هي ما قصرت معي و انسانه طيبه ما ابغى اخرب بيتها بس قالتلي بالنهايه ترا هو يسوي ذا كله عشان يبغاك تطلبي الخلع و ياخذ منك فلوس بس من فين لي فلوس انا و غير كذا كيف يظلمني و بكل بساطه اطلب الخلع واعطيه فلوس و انا عندي ولد عمره شهرين اخاااااااف ياخذه مني مرعووووبه من هالشي حاموووت لو اخذ ولدي مني واصلا هو امسان مستحححيل يربي ولدي تربيه صح لان انسان ما يخاف ربي لا صلاه ولا صيام و كذاب و راعي حريم و غير كذا اكتشفت كمان انه احيان يشرب .. انا ما ادري كيف كنت معميه عن عيوبه ذي كلها الله يقطع الحب وسنينه اللي عمى عيني عن عيوبه ااااه يا قلبي ربي ينتقم منه ومن اهله سكت عنه وسامحته وسترت عليه وهو مدخل وحده بيتي و ما قلت لاهلي عشان ما يطيح من عينهم و شايفني كيف اخف ربي و صلاتي ما اتركها حتى الوتر يشوفني اقوم اصليها وادعي ربي يهديه اااه يا اخوان فيني قهر على كمية الظلم اللي انظلمه وربي كنت صابره ع اشياء كثييييير واقول بكره يتعدل بس كل ماله يزيد سوء يا ناااااس متخيلين كيف وحده شريفه خايفه ربها بنفسها و بزوجها ومحافظه ع بيتها تنظلم بشرفها وانا ما استغرب لو يكون قايلهم اشياء اكبر من كذا كمان تكفووووون قوليلي كيف اتصصصرف انا حاليا مراح اتكلم مع اهلي عشان ما اضر سلفتي لكن لو تكلموا كيف ادافع عن نفسي اخاف ابوه واخته ينكروا و الشرايح قديمه اقدر اطلع لها برنت عشان يشوفوا اني ما اكذب و لو باخلعه حسبي الله عليه يقدر يطلب فلوس كثيره ولا بس المهر و لو خلعته ياخذ ولدي منه و كيف اثبت كلامي وانا ما عندي ادله وما اضمن اخته ولا ابوه يوقفوا معي قسسسم بالله اني بهم ربي العالم فيه من عرفت وانا دموعي ما وقفت و ادعي عليهم من قلب حسسسبي الله ونعم الوكيل

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

psfd hggi ,kul hg,;dg ugn hg/hgl

المصدر...