هل العـيب من زوجي أو بناتـي !

هل العـيب من زوجي أو بناتـي !

انا متزوجة وعندي بنتين وحدة ثاني ابتدائي والثانية اولى
طبعا اهل زوجي مشوهين صورتي بااني فاشلة بنظافة بيتي واهتمامي ببناتي وأن سلفتي احسن مني بكل شي طبعا هو مصدق مع اني اشوف بيت اهل زوجي وسخ ومافية زودمع ان عندهم شغالات واشوف سلفتي مامن اهتمام لافي لبس ولا اهتمامً بعيالها ولا شي زايد عني حتى طبخها اقل من عادي طبعا هاالمقدمة عشان اعطيكم صورة لأني بديت احس اني بمؤامرة !!!



المشكلة هذي وش الحل مع زوجي يجبر بناتي يطلعون لااهل زوجي ويقول خليهم براحتهم والمشكلة مأذينهم مرة اختة تهزئهم ومرة ابوة يهزئهم ويطردونهم واسمع السب واقولة ازعجنا العالم يقول مالك شغل مع انة اخواتة يتجمعون ويرمون بزورتهم مع الشغالات ويروحون السوق ويتمشون ومأذيننا والوحدة تروح تصلي التراويح وعيالها مزعجين الناس واذا مسكت بناتي عشان انام او ارتاح حامل وتعبانة يازوجي يطلعهم غصبا عني او اذا طلعوا يلعبون معاهم يطردونهم بحجة اننا مقفلين بابنا طيب مو 24ساعة ازعاج هما يطلعون يخلصون مشاويرهم وانا ببيتي بحجة دوام زوجي الزفت واهلي بمدينة ثانية يعني لو اطلع وارجع كان بيخف الضغط شوي وبناتي يحبون عيال عمهم كل شوي رايحين لهم واقولة عيب ازعجناهم يقول مالك شغل واعترف انها تستقبلهم عشان يلعبون مع عيالها بس اخر مرة راحو لهم فتحت الباب وسبتهم قالت بننام وقفلت الباب بوجهم اقولة انبسطت بناتك الكل يهزئ فيهم طبعا وش النتيجة من حركاتة هذي
ماعاد يحترموني ولا يحسبون لتهديدي لا لي ولا لة تخيلوا صاروا بناتي يهددون بعض بسلفتي كل وحدة تقول للثانية والله لااعلم فلانة عليك وتجي الثانية تتنافض وتقول لا وتقعد تصيح !!! مدري وش مسوية لهم يمكن عشان ثلاث ارباع اليوم عندها
ويقولون لي مانحبك نبغى فلانة تصير امنا !!
ولو اهدد من اليوم لبكرة يخافون شوي ويستغفلوني ويطلعون من الشقة
ولا زوجي يمدحها اقصد يمدح سلفتي يقول تحب بناتك قلت اوكي تحبهم بس مو نزعجهم ؟؟
اخت زوجي تقولهم بجيب لكم هدية رتبوا غرفتي لين اجي وكل مرة يطلعون يشوفون جات او لا ولما جات جابت كيكة وكاكاو ماادري وش عندهم ولافكرت تعطيها حلاوة او ترضيها باأي شي وقالت لهم روحوا بيتكم نسيت اجيب لكم هدية مع انو اخت زوجي هذي مايقصر زوجي بشي عليها ودايم تطلب منة ويجيب لها اللي تبغى ، انكسر خاطري على بنتي مرررة
ومن المشاكل اللي جتني ان بناتي يصحون من النوم ويطلعون ولا اكلوا ولا حتى مغسلين وجههم بعد فترة يجي يهزئني بناتك وسخات بناتك مبهذلين وش اسوي كني ساكنة ببيت من غير باب ولالي سلطة اقفلة احيان اقفل ويكسر كلمتي ويفتحة غصب عني
امس قلت لهم لاتطلعون لما ترتبون غرفتكم وسريركم طبعا هذا الكلام قالة لي زوجي يقول ربيهم كذا
ولما سويت كذا يجي يرفع صوتة علي كل البيت يسمع وبعصبية افتحي لهم الباب قلت بفتح بس مالي شغل فيهم مسؤوليتك ومارتبوا غرفتهم ولا غيروا ملابس النوم ويطلعون عند اهلة ويقولون لهم روحوا بيتكم احنا طالعين ويرجعون ينزلون عند عيال عمهم وحالفة ماافتح لهم وراح دوامة شوي يتصل علي يقول افتحي لبناتك مأذين ابوي !!! والقهر لما افتح لهم يقولون رتبنا بيت عمو(بيت سلفتي) تتخدم فيهن يشيلون معاها الالعاب ويساعدونها وانا ابغاهم يساعدوني والله مايسمعون كلامي وباالضرب بعد مايسمعون انا الحين مليت من هذا الوضع ماادري كيف اتصرف الامور خرجت عن سيطرتي بيجيني الضغط من زوجي وش الحل بنظركم ؟؟؟ماادري العيب فيني او في زوجي او ببناتي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ig hguJdf lk .,[d H, fkhjJd !

المصدر...