[من مطبخي] طريقة عمل المحشي بالكرنب الشهي بالصور

السلام عليكم حبيباتى يارب تكونوا بأفضل حال
النهاردة عملت محشي الكرنب الخطير وطبعا يبقى ملوش طعم من غير ما اشاركم فيه اتفضلوا اول طبق للتشويق بس



ندخل الاول ع المكونات

كرنبة متوسطة.3 بصلات.عصير طماطم.كيلو رز.ملح.فلفل.كسبرة ناشفة
نجهز الأول حشوة الكرنب
نقطع البصل ونحمره فى زيت واول ما يبدأ ياخد لون دهبى ننزل عليه بعصير الطماطم ونسيبها تتسبك طبعا نضبط الملح والتوابل بتاعتها

كدة الصلصة بقت جاهزة
هغسل الخضرة واقطعها واغسل الرز واصفيه هحط الخضرة فوق الرز وفوقيهم الصلصة واقلبهم كويس ونشوف اذا الملح مظبوط وï»» محتاجة ملح تانى

كجة حشوة الكرنب جاهزة نركنها ع جنب ونبدأ الشغل فى الكرنب
اول حاجة هجيب الكرنبة اقطعها واغسلها كويس وبعدين اسلقها فى مية مغلية واطلعوا بعد ما يبرد ابدأ اقطعه قطع صغيرة قد مربع كدة مش صغيرة اوى

بعد كدة اخد قطعة وابدأ احشيها بالشكل دة

لحد ما اخلصها كلها
واجيب الحلة اللى هعمله فيها وافرشها بورق الكرنب الاخضر وفوقيه عصبة ورقة الكرنب ممكن تستبدليه بجزر بس انا مش بحبه فبعمله كدة
وابدأ ارص الكرنب المحشى فيها لحد ما اخلص

واجيب الشوربة تكون مغلية طبعاً ومظبطة الملح بتاعها وممكن فوقيها نص مكعب ماجى لو مش حابة مش مهم
وانزل بالشوربة فوق الكرنب
الاول بفرش وش الحلة برضو بورق الكرنب الاخضر زى تحت واحط طبق او غطا حلة اصغر واضغط عليه انا وبنزل الشوربة ع الكرنب علشان ميفكش منى واول ما يبدأ يتشرب اهدى النار عليه هنا بدأ يتشرب الشوربة

وهنا خلاص استوى شايفين مفيش وï»» واحدة فكت منه شوفتوا نصوحة ازاى انا




كدة خلاص استوى ودة شكله النهائى

ودى كمان

واتبقى حبة صلصة قطعت بطاطس وحطيتها فى صينية وعليها شوية شوربة ودخلتها الفرن اصل لما بعمل
الكرنب بياخد منى وقت ومش بعمل حاجة معاه الصلصة نفعتنى برضو حاجة سريعة كدة



بس كدة يا قمرات خلصت يارب يعجبكم

فى امان الله حبيباتى

للوصول الينا ومتابعة كل جديداكتبي بمحرك البحث (منتدى عـدلات) او (3dlat)



المصدر...