يوميـــآت بنوتــة ملتــزمة لـــإشرآقة سجدة ( تمت )

•*• ( الحلقــة الرآبعـــة ) •*•

أشــرقت الشمــس تعــلن عن بدأ يــوم جــديد على عمــل ابن آدم شهيــد ..

كانت عينــا فااطمة قد غفلت .. فاستيقظت مع اشعة الشمس التى دوت فى المكــان ..

وجدت والدهــا منتصبا بين يدى ربــه يصلى " الضحــى " وقد

ظهرت على خديــه دمعات حيث يبث حزنه والمه وهمه الى مولاه – سبحانه - ..

انهــى صلاته وكانت فاطمة تتأمله ثم قامت وقبلت يديــه للمرة

الاولــى .. وطلبت منه ان يذهبوا لرؤية والدتها ...

سجــدت فاطمــة شكــرا لربهــا فى ممــر المستشفــى ....

عندما اخبرها الطبيب ان حالــة والدتهــا استقرت نوعــاً مــا ..

على الرغم من ان حالة والدتها لم تتحســن تماما .. الا ان فااطمــة

احســت فى ذلك الوقــت بمدى رحمة الله .. وان الله استجاب دعاءها ..

شعــرت ببصيص الأمــل يدب فى قلبهـا وانه ان شاء الله والدتها سوف تتعافى قريباا ..

رن موبايلهــا على انغاام موسيقى واغنيــة ..

اول مــرة تشعــر بحياء من نغمــة الموبايــل التــى تضعهــا ...

›› يبدو ان نور الهدآيــة بدأ يدب فى قلبــــها ..

معلنا عن ميــلاد قلــب جديد ..

رفعــت شاشة الموبايل لتجــد ان المتصلة هــى " هنــد " تخبرهــا

انها فى صالة الاستقبال فى المستشفــى ..

صعدت هند الى حيث توجــد فاطمة .. وأول ما رأتها فاطمة ..

شعــرت بالفرح والاستبشــار ..

سلمت هنــد على فاطمــة .. وبشرتها فاطمة ان حالة والدتها تحسنت نوعا ما ..

هند:_ الحمدلله .. شفتــى يا بنتى ربنا كبيــر ازاااى .. : )

فاطمـة :_ اه والله يا هنــد ..اول مــرة احس بحنان ربنا

اللى انا كنــت غافلــة عنــه ..

انا عــاوزاكى تكلمينــى عن ربنــا .. انا بعدت عنــه كتيــر ونفسى أتوب

ونفسى ارجع لربنــا وما ابعدش عنــه ابداا ..

عااوزة اعرف ابدأ ازااى ومنيـــــــن ..؟؟

هنــد ( وقد استبشرت ) :_ ما شاء الله تبارك الله .. اسعدتينى والله يا فاطمــة ..

الاول خلينــا ننزل تحــت الكافتريا ونفطــر عشــان انتى باين

عليكــى ما فطرتيش .. ولا انا برضو ..ونتكلــم تحت ان شاء الله ...

فاطمــة :_ ماشى .. يلاا بينا هقول لبابا وننزل ..

›› نزلت فاطمــة وهنــد الى الكافتريا وتناولوا طعام الفطــور وبدأوا فى الحديث ..

هنــد:_ انا مبسوطة اووووى بيكى يا فاطمــة و على فكــرة انتى ربنا بيحبــك ..

فاطمــة ( وهى متعجبة ) :_ بيحبنــى انــا ..!! .. على أيــه بس ..

دانا وحشــــة اووووى وبعصيه دايماا .. وبعيدة عنه خالص ..

هنــد:_ بس ربنا سمى نفسه الرحمن الرحيــم ..

ورحمتــه وسعــت كل شــئ ..

وربنا لو ما كانش بيحبــك ما كانش فكرك

بيــه ..

ما كانش خلآكى ترجعيلــه وابتلاكى عشــان يفكرك بيه

وانه معااكى على طوول وعمــره ما نساكى حتى لو انتى نسيتيه ..

هو والله حنيـــن اووى ولا يريد لعبـاده العذآب وبيفضل يبعــت

ليهم رسايل كتيـــر عشــان يذكرهم بيــه ويخليهم يتوبوا ..

لكن هما اللى بيعرضوا عن ربنــا وبيتكبروا ويعاندوا ويركبوا دماغهم ..

كل واحد مات وسمعتى عنــه ده رسالة من ربنــا ليكى ..

بيقولك هتموتى فى يوم من الايام .. ها استعديتــى ازاااى ..؟؟ !

وكــل آيــه سمعتيهــا عن رحمــة الله او عن عذابه .. رسالة ليكــى ..

›› هنــا تذكرت فاطمة الايات التى سمعتها .. وكيف انها شعرت

انها حتماا رسالة مواسااة من الله ..

فاطمة ( وقد امتلأت عيناها بالدموع ) :_ انا خااااايفة اووووووى يا هند ..

خايفة ابعد عنــه .. خايفة اتوب وارجع تانى للى كنت فيه ..

مش عاااااااااوزة ارجع تااانى عاوزة افضل سعيدة بقربه واحس بحنانه ..

هنــد :_ " ان تصدق الله يصدقك " .. انتى ان صدقتــى مع الله

ربنا سبحانه وتعالى سيصدقك حتما .. ده كلام حبيبك النبــى _ عليه الصلاة والسلام _ ..

فاطمــة :_ عليــه الصلاة والسلام .. بس ازااى اصدق مع ربنــا ..??

هنــد :_ بأنك تصدقــى حبــك ورغبتــك فى القرب من الله بالعمــل ..

اثبتــى لربنــا اانك بتحبيــه بانك تمتثلى لأوامره وتجتنبى نواهيــه ..

يعنــى مثلاا تعاهدى ربنا انك مش هتسيبى الصلاة ابداً .. وقوليله يا

رب انا هثبتلك حبــى بأنى هلتـــزم بالصلاة اللى هى فريضة من

فرائضك .. ومش هسيبها ابداا ان شااء الله ..

وتبدأى تظبطــى الفروض عشاان ترضى ربنــا حبيبــك ..

وربنا قال بنفسه فى الحديث القدسى :

(وَمَا تَقَرَّبَ إِلَيَّ عَبْدِي بِشَيْءٍأَحَبَّ إِلَيَّمِمَّا افْتَرَضْتُ عَلَيْهِ)

يعنى انتى مش هتقربى لربنا بحاجة احب اليه من انك تتقربى اليه بالفرائض اللى هو فرضها عليــكى ..

زى الصلاة والصيــام وبر الوالديــن والحجــاب الشرعى وغيرها من الفرائض ..

فاطمــة :_ طيب انتى تنصحينى ابدأ بايــه واعمل أيــه فى بداية الطريق .. ؟

هنــد :_ هتبدأى بالتدريــج ..

هننبدأ بالمحافظــة على الفرائض واقامتهــا ..

واول الفرائض اللى لازم تحافظى عليهــا " الصــلاة " فهى عمــاد الديــن ..

وتانى حاجة هتظبطــى حجــابك وتلبسى الحجاب اللى يرضى حبيبــك ..

يبقى ان شاء الله هتسيبى لبس البناطيــل وتبدأى فى لبس العبايات

وما اجمــل انك تلبســى على العبــاية خمــار جميــل يستــر بدنــك ..

فاطمــة :_ بس انا لســه شارية لبس كتيــر ولبس غالــى مش هينفــع ارميــه ..

حتى يبقى حــراام علىّ ولا أيـــه ..؟

هنــد ( وهى تبتسم ) :_ لا مش هيبقى حــراام ان شــاء الله . لانك هتسيبى اللبس ده عشـان ربنا ..

و "من ترك شيئـــاً عوضه الله خيرا منــه "

وبعديــن .. انتى عــارفة الصحــابة كــانوا اغنيــاء جداااا وتركوا اموالهــم

واوطانهم ومناصبهم .. عشــااان ربنـــــــــــا .. عشــان كده ربنــا عوضهم بالجنــة..♥

يلا انا عاوزاكى تسيبى كل اللبس الجديد الغالى ده عشان

ربنا وتحتسبــى ان ربنا هيعوضك بالجنــة ان شاء الله ..

فاطمــة:_ يااااااه بجــد يعنــى ممكن ربنا يدخلنــى الجنة عشان كده ..

هنــد :_ اه ان شاء الله انتى احسنى الظن بيه

وظنــى فيه انه هيكرمك وهو هيكرمك ..

ربنا بيقــول فى الحديث القدســى : " أَنَا عِنْدَ ظَنِّ عَبْدِي بِي فَلْيَظُنَّ بِي مَا شَاءَ "

يعنى لو ظنيتى فيه انه هيثبتك يبقى هيثبتك ..

انه هيغفرلك .. يبقى هيغفرلك ..

انه هيدخلك الجنة .. يبقى هيدخلك الجنــة ..

" ومن اصدق من الله قيـلا "

›› لــم تشعــر هند وفاطمــة بمرور الوقــت

حتى انتبهتا على صوت اذان الظهر يدوى فى ارجــاء المكــان ..

هند:_ ايــه ده دا الظهر بيأذن ..

فاطمة :_ معليش يا هنــد انا طولــت عليكــى .. بس انا حبيتــك اوى ونفســى نبقــى

اصحــاب عشــان تشجعينــى على طــاعة الله ..

هنــد :_ لا يا بنتى ما طولتيش على ولا حاجة انا تحــت امرك وسعيدة جدا وانا معااكى ..

ان شااء الله اكيــد احنــا اصحااب واخوااااات كمــان .. هو انا اطول برضــو .. ^_^

ان شاء الله هجيلــك المستشفى بكــرة تاانى عشــان نطمــن على امنــا الغــالية ..

فاطمــة :_ ربنا يكرمك والله يا هنــد .. لا يا بنتــى ما تتعبيش نفســك .. انا هطمنك بالتلفــون ..

هنــد :_ لا ان شــاء الله انا بكــرة هجى غصب عنــك يا طمطـم : ).. يلا استودعك الله يا حبيبتــى ..

الســــلام عليكــم ورحمــة الله وبركاته

فاطمـة :_ وعليكم السلام ورحمة الله .. ^_^

›› افتــرقت الصديقتــان عــلى وعــد باللقــاء فى اليــوم التــالى ..

فتــابعــونا ..::