تعقيب للمره الاولى زوجتي والمشاكل ( تعليق الزوجة )

زوجتي والمشاكل ( تعليق الزوجة )

السلام عليكم ورحمة الله
http://forum.z4ar.com/f116/t438304.html

جزاكم الله خير كل من رد على زوجي واشكر خاصة الاخت
Dndermah
لانها اقرب شئ من الواقع كانت

زوجي قال عنده ضغوط مالية يعلم الله انى ما اضغط عليه ولا اطالبه بشئ انا موظفة وعندي راتبي
ويوم اخذت اجازة بدون راتب امي ارسلت لي مبلغ اللى هو راتب الشغالة وقرض على عمرى ما ضيقت عليه
حتى انا والله شخصيتي ما احب اطلب احد يقولي لا اكره حتى الاكل اطلبه يجيب للبيت بس غصب عشان الاولاد
واذا كانت في فرصة انا اجيب للبيت من وراءه اجيب وما اكلمه وكثير حولى يقولون لي خطا كذا لازم تطلبين

انتم احكموا بيننا بالعدل هو يقول عنده ضغوط مادية ؟
ضغوطه المادية وش هي هي ساهر على اكثر من 40000 وقرض ما اخذه وداخل فيه مشروع والمشروع لللحين ما اشتغل
وساهر انا وهو مشاكل لانى دايم انبهه على السرعة وكلكم يعرف وضع شبابنا
اما بالنسبة لضغوط عمله الكبيرة انه يدرس ماجستير الحين ويعلم الله انه ضحكني وبكاني حتى قدم على الماستر وانى قعدت
وراه اجهز له الملفات واراجع اختبار القدرات حتى قدم

جدوله كيف زوجي دوام الصباح حتى الساعة 2 ينام وانا ما انام لاجل اصحيه الساعة 3 وراه محاضرات يطلع وما يرجع الا بعد المغرب اسوى قهوة وحلا
اقول يجي يغير على نفسيته شوي واحيان يروح مع ابوه او اصحابه بعد المغرب ويرجع بعد العشاء اولاده غاليا يكون نائمين
ولو كانوا صاحين يلعب معهم شوى ويقولى ازعجتوني غثيتوني واخذهم انومهم ويعلم الله احيان ما ابي انومهم احسهم مشتاقين له او ما شافوه
الا يوم يوديهم حضانة الصباح ونرجعهم يشوفهم كله مسافة طريق حتى الغدا احيان يعصب ويبيهم مع الشغالة بس انا ارفض اشوف من حقهم يتغدون معنا مثل عائلة واقترحت
عليه اذا يبغي يتغدا لوحده راحته بس انا ما اقدر احرم اولادى من هالشعور واحيان عادي يتحمل ويلعب معهم ويروح ينام واصحيه لمحاضرته وهو لو طلب يتغدا لحاله انا ماراح ارفض
هو وكيفه هذا بينه وبين اولاده

نجي لموضوع النقاش اللى يتشكى منه انتم شايفين في وقت ؟
ياليته هو يرحمني من النقاش ليته يحل كل المشاكل من غير ما انا اشعر فيها
كل شوى يطلع لي بشغله ويقعد يوتر اعصابي فيها

مثل : القرض هذا الجديد اللى اخذه ودخل فيه هالمشروع قبله كان في مشروع وخسر فيه وقلت له وجهة نظري وما سمع منى وانقهرت انه ليه ما يسمع منى
زوجي ما يقدر راي المراة يعنى لو يجي رجل يؤيد راي اقوله ياخذ فيه واذا ما احد يؤيد راي نادر ياخذ فيه هالمشروع تعرفون لما احد ينصحكم وما تسمعون كلامهم ثم تبون تسون شئ جديد اكيد تقولون نساله ممكن نستفيد منه المرة الاولى ما سمعنا منه
يجي هو يناقشني بمشروعه الجديد يسالني عنه اقوله وجهة نظرى واعرف ممكن ما ياخذ فيها وفعلا يقهرني اشوف مثلا انه ممكن يخسر والله قلبي ما يطاوعني
ويعلم الله انى ما حطيت امل على شئ يسويه او انى افكر في شئ هو يملكه او اخطط عليه بس كلكم تعرفون مثل موضوع الاسهم يوم كانت ترتفع الضحكة من هنا
لهنا ويوم ينزل البوز ماده علينا وداخل طالع معصب والله قبل كم اسبوع ورانى صورة محل مشروعه هو نام وانا سهرانة وابكى المحل تصميمه مرة كان سئ الحين اقتنع
وغير فيه شوى الله يوفقه يارب ويرزقه يعلم الله انى ما ابيه يحتاج لاحد وابيه غني عن الناس والدين وهذا الموضوع اللى يوم اعصب اقوله خلاص لا تستشيرني
لانه والله حرقت اعصاب وانا والله لو ما اهتم فيه ما كان همي يخسر والا يربح حاولت كم مرة ارد بهدوء بس اخاف عليه وهو ما يسمع

مثل : مواضيع البيت اللى تحتاج نقاش في كلام زوجي الكل يتوقع انى زنانة والله انا ماهو كذا وربي امر واحد يستغرق معه شهور طيب في امور ما تتاجل لازم نحلها
في مواقف يومية نجي لموضوع الشغالة انا موظفة وما اخفيكم يوم توظفت حسيت في تقصير خصوصا في البيت ومع الاولاد وانا منظمة حتى انى ما احب اقعد في مكان
الا هو مرتب تعبت وتعرفون الرجال سروال هنا ولاب توب هنا والبيت محيوس ارتب ولا 5 دقايق الا يحتاج ترتيب قلت له من قبل الاجازة اقدم شغالة لان شغالتي القديمة سافرت
وما تبي تجدد قلت له من الاجازة يا ابو فلان الشغالة لازم نقدمها حتى تجي ونشوف وضعها كويسه او لا يفتح مواضيع طالعة نازلة انا حلمي ما يكون في بيتي شغالة ابي اخذ راحتي في بيتي ( عشان يقعد طول النهار عريان وداير في البيت ) وانا وربي اتضايق من هالشئ بس لا حياة لمن تنادى لدرجة تعودت المهم يقعد يقول انا ما اخذ راحتي في البيت وانتى امتحنتيني بهالوظيفة مع العلم انى شارطة هالشرط بعقد الزواج الوظيفة والسكن المستقل وهالموضوع قديم يخربط يجيب القديم مع الجديد طيب وش الحل قلت له الحين ما اطل ما اطل حتى انتهت الاجازة وبعدها قدم غصب يا ناس هنا اكرر الموضوع لانى متاكدة وش هي المشاكل يوم تبدا الدوامات وفعلا يوم بدات الدوامات ذقت المر مرين
كل يوم نكد وسوالف طالعة نازلة يعنى انا استغرب ليه العناد لمجرد العناد

وعلى فكرة اللى يقول اختاري الوقت المناسب هذا انا احاول مثلا وهو رايق ويتقهوى
هو مثل ما قالت الاخت يبي الامور تنحل بنفسها يعنى اكياس الزبالة تطلع من البيت على رجولها
او جالونات الماء تجى سير على الاقدام وانبوبة الغاز تركب نفسها بنفسها

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[jd ,hglah;g ( jugdr hg.,[m )

المصدر...