نصائح مهمة للسفر إلى اوروبا 2017

نصائح مهمة للسفر إلى اوروبا 2017

نصائح مهمة للسفر إلى اوروبا 2017


اليكم نصائح مهمة للسفر إلى اوروبا اتمنى تكون مفيدة للجميع




# جدول منظم للرحلة واتكون عارف نفسك وين بتروح كل يوم عشان مايضيع عليك الوقت خصوصا اللي يروحو اول مرة لازم تعرف الاتجاهات والمسارات والمسافات
# خذ معك اوراق البوكينج للفنادق والسيارة او احفظ ارقام البوكينج فالتلفون
# خذ معك شوية اكل منوع من عمان لان كل شي غالي هناك ( شخصيا خذيت معي شنطة لحالها راشن كامل من عيش وبهارات والعدة كاملة لان بسكن فشقة)توفير
# احذرو فالمطاعم من لحوم الخنزير و هنا ترجمة كلمة خنزير بكل اللغات : Maiale-puerco- pork-ham-schinken-schweinefleisch-porc-jambon
# مطاعم الوجبات السريعة متوفرة مثل برجر كنج و ماكدونالدز وتأكدو فالمطاعم انها تقدم لحوم حلال
# النمسا محلات السوبر ماركت والهايبرماركت جميعها تغلق يوم الاحد كل اسبوع عطلة الاسبوع ما عدا السوبرماركتات العربية مفتوحه جميع الايام والاوقات
# النمسا ارخص من المانيا وسويسرا وايطاليا وفرنسا من ناحية البترول والسكن
# مكتب تأجير السيارات لازم يعرف انك بتروح بالسيارة كل الدول اللي مسونها فالجدول عشان يكون على علم انك طلعت بالسيارة خارج الدولة فحالة لا قدر الله صار شي
# هناك ضربية تسليم السيارات اذا مثلا استلمت سيارة من ميونخ ورجعتها جنيف المسافة 600 كم الضريبة قيمتها تقريبا 300يورو واذا رجعتها نفس مكان الاستلام مافيه ضريبة
# لا توجد حدود ومنافذ ونقاط تفتيش في دول الاتحاد الاوروبي
# خذ معك هوز ماي لان تكرمو حماماتهم بدون هوز فالمراحض هذا الهوز تركبه فمغسلة اليد هذا الحل الوحيد
# احسب حسابك تحط مبلغ كافي فبطاقة الائتمان مبلغ تأمين مسترجع لما ترجع السيارة
# ليسن دولي من الجمعية العمانية للسيارات ف مرتفعات المطار شارع الفحص تعطيهم الليسن العادي وصورة شخصية و15ريال وما يقبلو كاش فقط بالفيزا
# جهاز جي بي اس اذا كنت بتستأجر سيارة, واذا كان مؤجر السيارة بيوفرلك ماله داعي تاخذ جهاز
# الالتزام بالقيادة وربط الحزام وتشغيل الانارة الامامية فالنهار لان اذا ما شغلته بتتخالف وبعض السيارات الليت الامامي يشتغل تلقائي
# النمسا والمانيا لا يوجد موظف فمحطة البترول بنفسك تنزل وتعبي بترول وتروح ماركت المحطة تدفع المبلغ
# النمسا وسويسرا لازم تحط استيكر فالجامه الامامية متوفر فمحطات البترول
# مواقف السيارات:
1 الموقف المخطط بالابيض مواقف مجانية فكل الاوقات بدون رسوم
2 الموقف المخطط باللون الازرق مواقف مجانية فقط فالنهار من س1 الى س4 وبالليل من س 8 الى س8 الصباح
3 الموقف المخطط باللون الاصفر مواقف خاصة ولا يجوز الوقف بها اطلاقا مخصصه غالبا لمواقف الشرطة والاسعاف والمطافئ
# ملابس ثقيلة وجاكيت وقفازات يد اللي بيروحو القمم الثلجية
# حصير ما يتأثر بالماي موجود فالاسواق
# سجادة صلاة
# بلك صغير للكهرباء لان الفيشة مالهم غير مش نفسنا (ضروري جدا جدا) يباع فالهايبرماركت فجميع المجمعات
# اذا بتاخذ معك كاش اصرف اليورو من عمان لا تصرف عملة من هناك لان الصرف غالي معهم وبعض محلات الصرافة ف اوروبا ما تقبل عملة عمان يقبلو فقط الدرهم الاماراتي والريال السعودي والدينار الكويتي
# تقدر تستخدم بطاقة الفيزا ف اي مكان مقبولة ما عدا مكاتب تأجير السيارات فقط يقبلو البطاقة الائتمانية الماستر كارد الفيزا العادية غير مقبولة
بطاقات بنك مسقط لازم تخبرهم قبل السفر انك بتستخدم البطاقة ف اوروبا عشان يسوون لك تفعيل للبطاقة للاستخدام فالخارج (دواعي امنيه) لان هالموقف صار مع صاحبي اتصلبهم من اوروبا عشان يفعلو بطاقته
بطاقات بنك صحار ما تحتاج تفعيل وبطاقات البنوك الاخرى ما اعرف عنها
# للي رايحين فرنسا اخذو حذركـــــــــــــــــــــــــم من النشالين (عصابات رومانيه مراهقين) يسرقوك وانت ما تحس انصحكم بشده تاخذو حذركم منهم
النشالين اكثر تواجد لهم فمحطات المترو فباريس يستغلو السياح الجدد اللي ما يعرفو طريقة استخدام المترو يجيك يسوي نفسه يساعدك ف اتحذرو منهم
# شنطة صغيرة تحتفظ فيها بالجوازات والمبالغ اللي معاك وهالشنطة خلي بالك منها زين
# لا تخلي اي مبالغ فالفندق اذا خرجت خذ المبالغ كلها معاك اذا كل الاسرة معاك خارج الفندق
# طلبو الفواتير من المحل اللي تتسوقو منه هذي الفواتير تقدرون تسترجعون منها مبالغ الضريبة فالمطار
# قبل المغادرة الى عمان تأكد من الموظف انه ختم لك مغادرة فالجواز (عشان فالسفرات القادمة يعرفو ان جوازك مختوم بالمغادرة من اوروبا) مهم جدا

واخيرا اتمنى ان اكون قد قدمت لكم ما ينفعكم في حلكم وترحالكم.. ورحلة سعيده للجميع..

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: السفر - سياحة - الاماكن السياحية - السفر و السياحة

kwhzp lilm ggstv Ygn h,v,fh 2017

المصدر...