محتاره اوافق ولا انتظر?

محتاره اوافق ولا انتظر?

السلام عليكم ..
حبيت آخذ اراء اهل الحكمه والرٲي السديد اعتبروني اختكم واعطوني نصايحكم عمري 31 جامعيه تقدم لي مطلق من 10 سنين عنده ولدين مع امهم كان ماديته صعبه وهالفتره تحسنت مصلي خلوق غير مدخن وسٲلناه عن عمره صور الهويه قال احسبوها تقريبا 45 سنه موظف بالقطاع الخاص تعليمه متوسط بصراحه من داخلي مو مرا مقتنعه خاطري بشاب لم يسبق له الزواج واحد من جماعتي وبنفس الحي قريب حيل من عمري وامي وامه بينهم زيارات وكذا وابويا صاحب ابوه كان من فتره والحين علاقته بٲبويا مو ذاك الزود وهو ماشاءالله وظيفته حلوه وماعليه كلام عمره ع حسب ماسمعت 32وامه مرا من باب السوالف قالت لٲمي نفسي ازوﱠج ولدي من بناتك بس جنني رافض الزواج الا بعد مايزوج اخته احس عذرها مو مقنع بس قلت انتظر سنه سنتين وعندي تفاؤل كبيررر راح يجيني الافضل سواء هو ولا غيره ، محتاره ما ودي ابدٲ حياتي مع شخص انا مو اول وحده بحياته مع ان ربعنا اكلوا اهلي بالكلام ليه للحين ماتزوجت بس ماطقيت لهم خبر
متخوفه من مسٲله العمر ، تفكيره ، ماديته لو موظفه كان مش الحال هالزمن من غير ماده صعبه المعيشه خاصه بعد سنين اذ الله كتب وجانا اطفال
دائم لما يقنعوني اللي حولي اوافق ع الخاطب ارفض غالبا لمسٲلة العمر من وجهة نظري اشوف لازم يكون تقارب فكري وافكر بالاطفال اذالحين عمره 45 بكره بيكبر ويصير شايب وولده مراهق ياترى مين يساعدني بتربيته ، مدري محتاااره
استخرت الله وجيت استشيركم
ماخاب من استخار وماندم من استشار

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lpjhvi h,htr ,gh hkj/v?

المصدر...