عدم تفاهم

عدم تفاهم

السلام عليكم
اتابع منتداكم من زمان لذلك لجأت لكم ,,

اخوي متزوج من حول خمس سنين كم سنة في منطقة غير منطقتنا وكانت ماديته الحمدلله
الوالد ما قصر معه بنى له شقة فوق بيتنا وكبيرة كان باقي له تشطيب وخلاص هنا الوالد قال له عليك انا سويت لك كل شي .

اخوي جلس حول اربع سنين ساكن بمنطقة ثانيه كان كل ما ياخذ شقة ياثث ويصبغ من جديد وكان البيت بيته رغم انه اجار وصاحب البيت ما يعطيه حق ذا كله وقت خروجه من البيت
الزبدة كان يسمع لزوجته كثير وهي من النوع الي تحب تشوف نفسها للعلم ما كنا نندخل قلنا فلوسه وبكيفه

انتقل لمنطقتنا وسكن باجار بشقة لابوها رغم انها مؤقتة الا انه بدا يشطب شقته الزبدة انه قام يشطب الشقة من صبغ جدران وابواب اثاث كل شي وكانه بيته الاساسي مو اجار للمرة الرابعه ما كان يسمع للوالد وينفذ لزوجته رغم انه مديون وقاعد يتحمل فوق طاقته , ابو زوجته قله نتخارج بالفلوس الي شطبت فيه الشقة بالاجار بمعنى يحسب له الي حطها بشقته اجار
قال تمام الي حصل ان ابو زوجته قام يطالبه بالاجار ويضيق عليه بكل شي ,

زوجته الحين ما تفتكر ان قاعد يشطب بيتها عشان يرتاح من الاجار شدت الحيل بالوالد صارت طلباتها كثيرة لدرجة نص مصاريفهم من الوالد و اخواني الباقين لسى يدرسون بنات و و اولاد وتعرفون متطلبات والله صرنا ما نطلب الوالد لانه دايم يقول ماعندي صار كل واحد منهم يدبر نفسه بمكافاتهم ولا تجميعه وهي حاطه عينها على ان الوالد بيساعد اخوي

لمن يقولها انا مديون وبراسي بيت نحتاج نضغط انفسنا ما تفتكر لكلامه بالعكس تزيد بصرفيتها لمن يقولها ما معي شي تقول له انت رجال دبر نفسك حتى الوالد والوالدة لمن يطلبون منه شي يشتريها يعطونه حقه ما يبون يكلفون عليه بشي لانهم عارفينهم مضغوط ع الاخر ,,

انا كلامي مو لاني ما احبها او شي ثاني لان ماصار يهون علي اشوفه يسبها بالنهاية ام بنته ولا ابي له خراب البيت ودايم نحاول ما نتدخل ونسكت مغير نسمع شكاويه والله اقل كلمة نقولها احترمها عيب عليك بس من كثر الضغط ومتطلبات وما تحس فيه قام يسبها بشكل كبير قدامنا ولا يجي عندنا متهاوش معها ولا عارف كيف يتعامل معها ,, برضو اخوي لاحظ تغييرها الجذري لمن انتقل لشقة ابوها يعني لمن كانت معه قبل ما كانت كذا ابدا وهذا الي قاهره ماصاروا متفاهمين ابدا .

حنا طول مدة زواجهم ما نتدخل فيهم حتى زيارات قليلة ورسمية عشان لحد يجي مفحط يقول غيرانين منها حتى لمن تطلع سوق او تمشية نرفض نطلع معهم لان ما نبي نضايقها
والان درست في الجامعه مع ان قبولها كان صدفة لان صار عطل بالانظمة ورمت بنتها علينا من غير حتى ما تستاذن من امي اذا هي تقدر عليها او لا اقول معليه الناس للناس بس تعرفون دايم بنت الولد ما تعتاد على اهل ابوها يجيبها الصبح تجلس تبكي لساعتين ثلاث
وانا بنت مو متزوجة مهما تحملت صغار مو زي لمن الوحدة متعودة ع الصغار ولا اعرف اتعامل معهم


ابي منكم الراي السديد اخوي ضايع والغضب واصل لراسه والله خايفين من خراب البيت ولا نبيه
اعمارهم اخوي 27 زوجته 23

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

u]l jthil

المصدر...