ام زوجي تسوي حملات تفتيشيه على بيتي

ام زوجي تسوي حملات تفتيشيه على بيتي

السلام عليكم ورحمة الله وبركاته
انا متزوجه وعندي4 اطفال بنت 7 سنوات وولد 6 سنوات وولد 3
ولدي الصغير عمره شهرين* وماخذ طاقتي كلها ماينام طول الليل سهرانه معاه وحاطته بحضني مجرد احطه بسريره يصرخ
والصبح عندي دوام وعندي يوم واحد اوف االي هو اليوم
في هذا اليوم احاول انام لين قبل صلاة الظهر بشوي
اعوض النوم اللي محرومه منه وبعدين اجلس اغسل ملابس واطبخ وانظف مشكلتي ام زوجي تجي بدون ماتعطي خبر* تجي الظهر* وانا* اطبخ ورافعه شعري* ولابسه لبس مطبخ و اوقات المغرب تونا مصليين** واولادي كل واحد بكتبه ينتظرني اراجع معاه واوقات تجي ع 11 و12بالليل* طبعا حياها الله بأي وقت بيت ولدهها
اليوم ضاربه الباب 11ونص الظهر وانا لسه طالعه منظفه المطبخ بس مع دورات المياه وطبعا مجلس الحريم نظيف ع طول مجرد يطلعون الضيوف انظفه وماتدخله طوالي تروح داخل والصاله بنتي الصبح قبل ماتروح المدرسه رامية 3 جاكيت وهيلاهوبين بالارض يالله استقرت على جاكيت تلبسه وغير بيجامتها قلت لها حطيها بالسله رميتها عند السله مو داخلها ع اساس اخلص المطبخ وابدا في الصاله وتجي عمتي تتفرج وترفع حاجب وتنزل حاجب طيب انا انحرجت لو انها متأخره نص ساعه بس كان شافت البيت يلق
انا عارفه عمتي من النوع االي تمشي وتتكلم بالبيوت زوجة ولدي مهمله ورحت لها وشفت ولقيت وتزيد بهارات
نفس هالكلام سمعته منها* على زوجة* ابنها اللي عايشه معاها
وسمعته بعد اسبوعين من ولادتي انا اولد بجراحه واضل 3 اسابيع تعبانه في ذاك اليوم* ولدي يبي بطاطس مقلي واختي سوت له ومشيت البيت ع طول و مامسحت الزيت اللي بالفرن وجات وراها عمتي وراحت تدور في بيتي ودخلت المطبخ وشافت الزيت وقامت تتكلم لزوجي وانا بالغرفه اسمع كلامها تقوله حرام كذا الفرن مليان زيت والهوايه مو مشغله .
ويجي زوجي بعد ماتطلع امه حافظي ع النظافه وانتبهي انتي تفشلين* الواحد !
وخايفه* منها تتكلم علي الحين وتشوه سمعتي وتفشلني قدام القريب والبعيد

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hl .,[d js,d plghj jtjdadi ugn fdjd

المصدر...