تعبانه نفسيا من موضوع خطبتي

تعبانه نفسيا من موضوع خطبتي

السلام عليكم ورحمة الله وبركاته
يسعد صباح الجميع بكل خير وبركة
ويعطيكم الف عافيه القائمين على المنتدي من إدارة وأعضاء متفاعلين معانا
أتمنى من الادارة انها تنزل مشكلتي وأتمنى ما تكسر خاطري للمرة الخامسة اطرح موضوع وما تنزله لي
انا بنت عمرى 28 سنه تقدم لي صاحب اخوى
وعمره 30 في بداية الخطبه وأول ما تكلم معي اخوى بالموضوع
قلت انا ماعندي مانع بما انك تشوفه شخص كفو والاصحاب يعرفون بعض ومستحيل اخوى بيجازف فيني ،
تكلم اخوى مع اخواني وامي بالموضوع وكان الرد بالرفض لانه من برا قبيلتنا بس ، وليس علي الشخص نفسه وبعد إقناع وكلام أمي مع اخواني اقتنع اخوى اللي هو وكيلي لان( ابوى متوفي) وهو المسؤول عني ، طلب صاحب اخوى شوفه شرعيه بس اخوى رفض لأننا ما نعرف عوايدهم قال له اخوى تعال تقدم رسمي وإذا وافقوا اهلي عليك بتشوفها وفعلا تقدموا رسمى نهاية شهر 12 وتم الرد عليهم بداية شهر 1 وسوينا شوفه ووافقنا كل الطرفين بعد الشوفه ، انتهينا من الرجال وجاء دور حريمهم جونا نهاية شهر 1 ومعهم هدايا ويباركون هذا كله وما سوينا التحاليل وشهر 3 طلعت نتيجة التحاليل والحمدلله كويسه ، وابوه بداية 4 سوا عمليه وهذا عذره ان ابوه تعبان ومشغول معه .
هذا القصه كامله
المشكلة اللحين ان الموضوع طول وزاد عن حده وانا طفشت ومليت💔😭
5 شهور بس خطبه كلام واحنا لسى ما عقدنا والنَّاس تهرج أني مخطوبه وانا لسى ما ادرى عن أهل الولد جادين ولا بيفركشون وبعضهم ما يدرون يجون يخطبون وأهلي يقولون مخطوبه خايفه الموضوع يطول عن حده وأخسر هو وغيره أنتم ايش رأيكم بالموضوع والله زاد عن حده
ايش ممكن اسوى اقسم بالله فيني هم ما يعلم فيه غير الله
بس حطوا انفسكم مكاني أو حط اختك ولا اخوك مكاني
(اللهم أني لا أسالك رد القضاء ولاكاني أسالك اللطف بي )
(اللهم صَل وسلم على محمد واصحابه الأخيار)

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

jufhki ktsdh lk l,q,u o'fjd

المصدر...