أنا مبتلى والحمد لله..

أنا مبتلى والحمد لله..

السلام عليكم

أنا أعيش بمعاناة بزواجي الأول تزوجت وحدة مريضة فيها رهاب من العلاقة الزوجية صبرت عليها ثلاث سنوات كان فيه حب وعاطفة لكن للأسف معاشرة ما فيه أبدا أعرف أن هالشيء غريب عنكم لكن هذي الحقيقة حاولت بشتى الطرق وبشكل جنوني لدرجة أني شريت حبوب منومة عشان تكمل العلاقة الجنسية لكن ما نفع قالوا لنا سحر وربط وما شابه حاولت أوديها لرقاه ولنفسيين لكنها ترفض العلاج وتقول أنا ما فيني شيء أنا تغيرت نفسيتي وصرت عصبي جدا المهم كثرت المشاكل جدا وطلقتها وهي بكر بعد ثلاث سنوات من المحاولة لعلاجها ..وطلقتها رغما عني بسبب الحاح ابوها بعد معرفته السبب لكن أمر الله نافذ والحمد لله


زواجي الثاني كنت ابحث عن ملتزمة (مطوعه) لما أسمع ان تعاملهن طيب مع الأزواج بحثت خارج عائلتي ووجدت ملتزمة تعرفت عليها من الأنترنت أعجبني طريقة تفكيرها ورزانتها على صغر سنها طلبت منها الزواج ووافقت رئيتها رؤيو شرعية وتم الزواج ..بعد الملكة لاحظت أنها لا تعرف كلام الحب أبدا وكانت جادة جدا المهم قلت ممكن شخصيتها كذا وبعد الزواج تتغير وأحاول فيها لأني أنا أنسان جدا عااطفي وكريم بالمشاعر ..حاولت أدربها بعد الزواج لكن للأسف تشعر أنها مغصوبة علي ..لاحظت طريقتها مع أهلها وامها نفس الوضع جفااف كلمة وغطاها بس قليل أحد منهم يعبر بحبه على الثاني وأيضا لاحظت عدم تعاطفهم مع أخوهم الصغير الي أنسجن وعدم سؤالهم عنه الا نادرا عائلة مفككه تماااما وكلن عايش حياته ولا يهتم بالأخر عكسنا تماما يعني حتى قروب لهم ما فيه ولا تواصل بينهم ولا سؤال حال ولا شيء ..طبعا تحملت ورزقت منها بولد وشفت تجاهلها له أحيان يمر بمناطق خطرة كطفل ولا تهتم ما فيها أمومة غريب حالها فقط لجاع ارضعته ودائم تتشكى منه ما خلاني انظف ما خلاني اعيش وووو كرهت الحياة بعد هالزوجة كلمتها صارحتها بكل شيء لا تكترث ولا كأني قلت شيء لي قرابة الشهر عنها منفصل أناب بالمجلس بعيد عنها أحاول أعاملها بجفاف وعادي معجبها الوضع والله هذي مهي حياااة لكن وش اسوي معها المشكلة تظن أنه من الدين ومرة قالت لي أن مالك حق تأمرني أطبخ أنا فقط ملزمة بالفراش !! بالله ايش هالحياة المشكلة حتى بالفراش لا يكون لك رغبة بسبب لبسها المعتاد ورائحتها الكريهة لا تتعطر ولا تلبس زين كيف اقبل عليها !!

أنا والله صابر عشان ولدي ما ابي أطلقها بسببه وأنا حاولت بكل شيء لكن حاب أسمع حلول ممكن ما أنتبهت لها
أنا رجل أحيانا أنكسر وأبكي لحالي للأسف ..وأدعي ربي يعوضني خييير

من كان عنده اي توجيه يا مرحبا والمقصد أني أفرغ الألم الي بصدري وأطلب منكم الدعاء بالعوض الجميل وشكرا لكم :blo-hear:

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

Hkh lfjgn ,hgpl] ggi>>

المصدر...